Kuganuna Kalaga ku lonio.
116
1 Nkutunda Yehowa kubuno ongule iyuki lya masego mane. 2 Kubuno antegede kutuzi kwage,
Ububo namumane bindi byane binsania.
3 Boba bwa lukuo bwantimba,
Boba bwa nsinda bwankatile.
Namonine mbabazio nu kabebe.
4 Ububo namanine izina lya Yehowa,
Ee Yehowa, nkukusega buno unnonie.
5 Yehowa eli na mponga nu kwisanana,
Lebelebe, Kalaga weitu eli na kyombo.
6 Yehowa akulanga beteli na bwengelezi,
Nasigulizizibwe, nu We anonezie.
7 Ee mutima wane, subya ku kyumuno kyobe,
Kubuno Yehowa akukwilide kyombo.
8 Kubuno wanonezie na lukuo,
Nu meiso mane na bisozi,
Nu magulu mane na kugoa,
9 Natabangage lwabusio lwa Yehowa,
Mu kisi kya beli na kalamo.
10 Nkubukatizia, ububo natendile bunee:
“Nababazizibwe nunse, ee Yehowa.”
11 Nasasizie kutenda bunee:
“Bantu bansania bakweka buza.”
12 Nakase Yehowa kikizi
Ku binsania byankitide?
13 Nakate kituma kya lonio,
Nu namane izina lya Yehowa.
14 Nazindilizie bilumbilo byane ku Yehowa
Lwabusio lwa bantu bage bansania.
15 Lukuo lwa basililila bage luli lwa
Bukunza bunene, ku meiso ma Yehowa.
16 Ee Yehowa, lebelebe nili mukiti wobe,
Mwana wa kalemba kobe;
Wakandwide bikando byane.
17 Nakukase kayulo ka kuganuna,
Nu kusega izina lyobe.
18 Nazindilizie bilumbilo byane ku Yehowa
Lwabusio lwa bantu bage bansania,
19 Ga milungu za numba za Yehowa,
Munkatini mwobe, ee Yerusalema. Aleluya!