Magala ma Kalaga ku Misri.
114
1 Nkungu zatukile Israeli ku Misri, Kikanga kya Yakobo kutuka ku bantu ba ungo mutendezi,
2 BaYuda babede kiziki kya Kalaga kyasililila,
Nu kilongo kya baIsraeli bukota bwage.
3 Kitatenge kyamonine nu kyatinine,
Yordani zasubizibwe kumbusa.
4 Miduko zatuminetumine anga balume ba mikoko.
Miduko mikeke anga byana bya mikoko.
5 Ee kitatenge, kubuni kuwatinine?
Nu Yordani, kubuni kuwasubizie kumbusa?
6 Inyuwe miduko, kubuni kumwatuminetumine anga
Bilimba bya mikoko?
Nu inyuwe miduko mikeke, anga byana bya mikoko?
7 Ee kisi, gilimina lwabusio lwa malanga ma Yehowa,
Lwabusio lwa malanga ma Kalaga wa Yakobo,
8 Wagalukizye lwanda kuba iziba lya mazi,
Nu ikozi ibibu kuba kanuabalongo ka mazi.