Kukua Kalaga boba kukulusia bubobelelo.
112
1 Aleluya! Mbogimbogi ku muntu ukukua Yehowa boba, Ukutananizibwa nunse na makakizio mage.
2 Ibuta lyage lyabe na magala mu kisi;
Kibuti kya beisanana kyakaswe mponga.
3 Iguma nu bikulo byabe mu numba zage,
Nu kwisanana kwage kwikale ku milyalya.
4 Kyengi kyasane ku beisanana mu kapilo,
Beli na mponga, nu kyombo nu kwisanana.
5 Muntu musoga eli na kyombo nu kwambya;
Akulongeka bitondo byage ku kwisanana.
6 Lebelebe ntatengibwetengibwe ku milyalya;
Muntu wisanana akengelwe bindi binsania.
7 Ntakue boba ku musagu mubi,
Mutima wage walinda nu ukulemanina Yehowa.
8 Mutima wage wimikilwe, ntakue boba,
Aaba nu gaamone beiti bage bakindwa.
9 Abeganizie nu kukasa bazambi;
Busoga bwage bukwikala ku milyalya,
Magala mage masakikwe na lutanuno.
10 Gamone muntu mubi ku bubo, eine mutima,
Abuge meinyo mage nu mutima wage watambe.
Ntundo za bantu babi zazimine.