Kuganuna mponga za Kalaga
111
1 Aleluya! Naganune Yehowa na mutima wane unsania, Ga lusu lwa beisanana, nu mu musanganano.
2 Milimo za Yehowa zili minene,
Zikukengelwa nunse na bakutananizibwa nazo.
3 Milimo zage zili na lwanzo nu lutanuno.
Nu kwisanana kwage kuli ku milyalya.
4 Akitile kakengelezio ka milimo zage za miganogano.
Yehowa eli na mponga nu kyombo.
5 Akasile babo bakumwanza idia,
Akukengela kankanka idagano lyage.
6 Alolesizie bantu bage magala ma milimo zage,
Gaabakasile bupieni bwa baBilongo.
7 Milimo za maboko mage zili bulili nu kwisanana,
Makakizio mage mansania meli ma lebelebe.
8 Meimikilwe milyalya na milyalya,
Makitilwe mu bulili nu kwisanana.
9 Asingide bantu bage bukuluzi,
Akakizizie idagano lyage libe ku milyalya.
Izina lyage lyasililila nu lyatunganana kwanzwa.
10 Kukua Yehowa boba kuli kulinga kwa menge,
Nu bansania bakubukita beli na menge masoga.
Nganuno zage zili ku milyalya.