Beiya bwagi tabakaswe mponga.
101
1 \it Lwimbo lwa Davidi.\it Nimbe ku kabamba ka kyombo kyobe nu kwisanana.
Ee Yehowa, nakwimbile lwimbo.
2 Nende mu nzila zisanana.
Wavwe kundi nkungu nkizi?
Natabange mu numba zane ku kwisanana.
3 Nsyabike lwabusio lwa meiso mane kitondo kinsania kili kibi.
Nkusomba milimo za babo batakatizia,
Tazalandane na nne.
4 Mutima wa bwengelezi wabe bulazi na nne.
Nsyamenye bubi nunsania.
5 Muntu unsania ukukandika munyage ku lumbisombiso, namutobye.
Nsyasigilile bwagi bwa wozo uli na meiso ma kabenga nu mutima wa lwikotio.
6 Meiso mane makulonda beisanana beli mu kisi,
Buno beikale gamozi na nne.
Wozo ukwenda mu nzila zisanana ankitile.
7 Unsania ukukita bwengelezi nteikale mu numba zane.
Unsania ukweka buza ntemane lwabusio lwa meiso mane.
8 Nindunindu na nindunindu nazikye babi bansania ba kisi,
Nilekanukye bansania bakukita bubi
Na mwino wa Yehowa.