Magala ma Yehowa.
92
1 Lwimbo lwa busi bwa Sabato. Buli busoga kuganuna Yehowa,
Nu kwimbila izina lyobe, uwe Wasakama Nunse
2 Kusambala busoga bwobe nindunindu.
Nu kwisanana kwobe mu kindi.
3 Na nzenze zikile na nti ikumi, nu kindanda,
Ku iyuki isoga lya kilunga.
4 Kubuno uwe Yehowa, wambogeziebogezie ku milimo zobe.
Nabogelebogele milimo za maboko mobe.
5 Ee Yehowa, milimo zobe zili nnene nunse!
Makengelo mobe masakama nunse!
6 Muntu uteli na menge ntakumamenya,
Aba kikongolo ntakumasongolola,
7 Aba ndi bantu babi bitila anga bisugu,
Nu ndi bansania bakukita bubi babe beingi,
Nti ku kabamba ka buno babigibwe ku milyalya.
8 Tondo uwe, ee Yehowa, uwe uli kwigulu ku milyalya.
9 Kubuno babo basombi bobe, ee Yehowa,
Basombi bobe bazimine.
Nu bakukita bubi bansania babalanganibwe.
10 Wankasile magala anga ma mbogo,
Wambongezie mwambo muto.
11 Namonine ku beiti bane,
Nu nungule ku misagu za babo bakundwania.
12 Muntu wisanana asakamibwe anga kibila,
Abe munene anga muerezi wa Lebanoni.
13 Babo bakwikala mu numba za Yehowa
Batalikilwe mu milungu za Kalaga weitu.
14 Bakolame biguma aaba ku nkungu za bukungu bwabo,
Babe na magala nu kuba anga muti mubisi.
15 Kulolesia buno Yehowa eisanana;
Eli lwanda lwane, aba mweli tamuli bwengelezi.