Idilo lya uli mu mbambazio.
88
1 Lwimbo lwa bana ba Kora. Ku kalongo kanene. Meigisia ma Hemani muEzera. Ee Yehowa, Kalaga wa lonio lwane,
Nalilile musi nu kindi lwabusio lwobe.
2 Masego mane mabase lwabusio lwobe;
Tega kutuzi kwobe ku idilo lyane.
3 Kubuno mutima wane wikuta kabebe,
Nu kalamo kane kalembekela nsinda.
4 Naganzilwe gamozi na bakuzi,
Niseli anga muntu uteli na mukasia.
5 Nalekelwa munkatini mwa bakuzi,
Anga bwiyombeka bakuzi mu nsinda,
Babo batakukengelwa lingo nobe,
Nu beseli bulazi na kuboko kwobe.
6 Waniyombekezie mu muzinga mulazi nunse,
Ga kiziki kya kapilo nu mazi meingi.
7 Bongoa bwobe bwamvwama nunse,
Nu ukunita na kabebe gantata ga kabebe. Right' Kengela bubo.
8 Babo benizi wababikile bulazi na nne,
Wambikile kuba kisimbwa kubeli,
Nakandwa nu nsinavwama kutuka.
9 Meiso mane makua ku kabamba ka kabebe kane,
Ee Yehowa, bindi binsania nakumanine,
Nalambizie maboko mane kuguli.
10 Ndi walolesie bakuzi miganogano zobe?
Babo bakule ndi bazanzuke nu kukusima? Right' Kengela bubo.
11 Ndi busoga bwobe bwasambalwe mu nsinda?
Aba bukatizio bwobe ga kiziki kyabiga?
12 Ndi migeleko zobe zamenywe mu kapilo?
Nu kwisanana kwobe mu kisi kya kwibilila?
13 Tondo nalilile kuguli, ee Yehowa,
Nu nindunindu masego mane mavwe kuguli.
14 Ee Yehowa, kubuni wateza mutima wane?
Kubuni wambisa kilungi kyobe?
15 Nababazibwa bwigi na kukua kutukila bwana bwane;
Nikalide boba bwobe nu nazangazanga.
16 Bongoa bwobe bukali bwabede kundi,
Kukukua boba kwanendezia bulazi.
17 Byantimbile anga mazi busi bunsania;
Byantimbile gamozi.
18 Mu kapilo wandekanukizie na batundwa nu beida,
Nu bansania banamenyine.