Kalaga, Mukolo weitu wagugumana.
46
1 Ku kalongo kanene. Bana ba Kora. Lwimbo lwa Alamoth. Kalaga eli itinino lyeitu nu magala meitu,
Mukasia uli bwigi nunse nkungu za kabebe.
2 Ububo tatwabe na boba aba ndi kisi kyagaluka,
Aaba nu geigibwe miduko munkatini mwa kitatenge.
3 Ndi mazi mage mabila nu kulubuka,
Nu gatengetenge miduko ku magala mage. Right' Kengela bubo.
4 Kuli luuzi nu myasa zalo zikubogiabogia mwino wa Kalaga weitu,
Kiziki kyasililila kya kwikala kwa Wozo Wasakama Nunse.
5 Kalaga eli munkatini mwago; tawatengetenge;
Kalaga agukasie lukesikesi.
6 Bilongo byalalukile, makota matengiletengile;
Atendile n'iyuki lyage, nu kisi kyanyengukile.
7 Yehowa wa mayombo eli gamozi n'iswe,
Kalaga wa Yakobo eli itinino lyeitu. Right' Kengela bubo.
8 Vwazi mulole milimo za Yehowa,
Migeleko zaakitile mu kisi.
9 Akusila bita mu kisi kinsania;
Akubela bunkanda nu kuketula isumo, akugisia ngabo na keiya.
10 Ikalazi kibibi, mumenye buno nili Kalaga,
Kubuno naganunwe na baBilongo,
Naganunwe na bansania mu kisi kinsania.
11 Yehowa wa mayombo eli gamozi n'iswe,
Kalaga wa Yakobo eli itinino lyeitu. Right' Kengela bubo.