Yehowa Mwiya binsania.
24
1 Lwimbo lwa Davidi. Kisi nu biyala mukyo bili bikulo bya Yehowa,
Kisi nu bansania beikile munda nakyo.
2 Kubuno abikile bibanza byage gantata ga kitatenge,
Nu kubyimika gantata ga mwiyalo wa mazi.
3 Nazi muntu wabakame mwiduko wa Yehowa?
Nu nazi muntu wemane mu kiziki kyage kyasililila?
4 Umpanga wozo muntu uli na maboko maswaga, nu mutima wenga.
Utakutenda buza na mutima wage, aba utakulumbila ku bwengelezi.
5 Akaswe mponga ku Yehowa,
Nu kwisanana ku Kalaga wa lonio lwage.
6 Kikino u kibuti kya babo bakumulonda,
Babo bakulonda malanga mobe, ee Kalaga wa Yakobo. Right' Kengela bubo.
7 Zanzulazi matoe meinyu, inyuwe nibi,
Nu zanzukazi, inyuwe nibi za milyalya,
Buno wozo Mwangati wa lutanuno eingile.
8 Nazi Mwangati wa lutanuno?
Yehowa, uli na magala nu bwangato,
Yehowa, uli na bwangato bwa bita.
9 Zanzulazi matoe meinyu, inyuwe nibi,
Bubo mazanzulazi, inyuwe nibi za milyalya
Buno Mwangati wa lutanuno eingile.
10 Nazi wozo Mwangati wa lutanuno?
Wozo Yehowa wa mayombo,
We u Mwangati wa lutanuno Right' Kengela bubo.