Kutikibwa kwa bakikulu bageni mu baIsraeli
10
1 Gabezaga Ezra akwikala gansi lwabusio lwa numba nnene za kukumbamina Kalaga, nu kulila nu kusega nu kwigonga, musanganano munene wa baIsraeli wamukundile, u bamulume nu bakikulu nu bana. Balilile bubibu. 2 Nu Sekania mwana wa Yehieli, umozi wa bana ba Elamu, atendile Ezra bunee: “Twagide Kalaga weitu nu twasongile bakikulu ba babilongo bya kisi kikino, tondo baIsraeli banaba na kilemanizio. 3 Ububo tukitazi idagano na Kalaga weitu buno tutikye bakikulu babano nu bana babo, anga bukutenda Ezra nu babo bakukua mulembe wa Kalaga weitu boba. Tukitazi buli bulingilingi na mulembe. 4 Zanzuka, kubuno kitondo kikino kili kyobe, nu iswe twabe gamozi nobe kukukasia. Ube na bupuka, nu kubukita.” 5 Ezra azanzukile, nu alumbizizie bakulu ba basankoga nu baLawi nu baIsraeli bansania buno bakite kitondo kikino kyatendwa. Nu balumbide. 6 Ububo Ezra azanzukile lwabusio lwa numba za Kalaga, nu eingide mu busio bwa Yehohanani mwana wa Eliasibu. Eikede kuko kindi kinsania kutalia aba kutanua mazi, kubuno alilile ku kabamba ka bwagi bwa babo babezaga bakobe. 7 Basingile mugenzi ku Yuda nu Yerusalema ku babo bansania bakandwidwe buno bakundamane ku Yerusalema. 8 Unsania utabase lwabusio lwa bindi bisatu anga bwabezaga iyuki lya bangati nu bakulu, nti bikulo byage binsania byanyagwa nu wenyene nti atikibwa mu kibombo kya bakandulwa.
9 Ku bindi bisatu bamulume bansania ba Yuda nu Benjamina bakundamenne ku Yerusalema. Ku kindi kya makumi mabili ku mwezi wa mubula bantu bansania beikede gansi ga mulungu lwabusio lwa numba nnene za Kalaga. Bagiliminne ku kitondo kikyo nu ku kabamba ka mbula nnene. 10 Nu Ezra sankoga azanzukile nu abwide bunee: “Mwagile nu kutalika bwagi bwa Israeli mu kusonga bakikulu bageni. 11 Ububo kano kaluma igongazi ku Yehowa, Kalaga wa basoinyuwe, nu kukita kusombola kwage. Idekanukiazi na bantu ba kisi nu bakikulu ba bingo bilongo.”
12 Nu bansania ba musanganano bamwakwide n'iyuki inene bunee: “Buligo! Bubo buwatenda u butwatunganana kukita. 13 Tondo kuli bantu beingi, nu kuli nkungu za nzogo, nu tatukuvwama kwikala gambuga; aba kitondo kikino takinakitwa mu kindi kimozi aba bibili, kubuno twagile nunse mu kitondo kikino. 14 Bemanizi beitu babe balongeki beitu; beiswe bansania ba musanganano u babo basongile bakikulu ba bingo bilongo bakaswe nkungu za kubasa gamozi na bakulu nu ngatu za mwino na mwino, buno bongoa bukali bwa Kalaga weitu butuke kutuli ku kabamba ka kitondo kikino.”
15 Tugu Yonatani mwana wa Asaheli, nu Yazeya mwana wa Tikwa bakisombile gamozi na baLawi Mesulamu nu Sabetayi.
16 Tondo babo basubizie ku bana ba babo bekilwe ku bukobe bakitile anga bwatendile Ezra; nu Ezra asombwede mukulu wa kikanga na kikanga kya beisibo nu asanzile meina mabo. Ububo bakundamenne kindi kitangi kya mwezi w'ikumi kulondola kitondo kikino. 17 Ku kindi kitangi kya mwezi mutangi basilile kulondozia bamulume bansania basongile bakikulu ba bingo bilongo.
18 Munkatini mwa bana ba basankoga mwamonekile babezaga basonga bakikulu ba bingo bilongo: ku bana ba Yesua, mwana wa Yozadaki, nu mibuto zage u Maseya nu Eliezeri, nu Yaribu, nu Gedalia. 19 Nu balumbide kilumbilo kutikya bakikulu babo, nu ku kabamba ka bwagi bwabo na muntu na muntu akasenne kilimba kya mukoko ku kayulo. 20 Nu ku bana ba Imeri, u Hanani, nu Zebadia; 21 ku bana ba Harimu, u Maseya, nu Elia, nu Semaya, nu Yehieli, nu Uzia; 22 ku bana ba Pashuri, u Eliyoenayi, nu Maseya, nu Isimaeli, nu Netaneli, nu Yozabadi, nu Elasa. 23 Munkatini mwa baLawi mwamonekile ko bamozi, u Yozabadi nu Simei nu Kelaya (lingo izina lyage u Kelita) nu Petahia, nu Yuda, nu Eliezeri. 24 Nu ku bana ba beimbi u Eliasibu; nu ku bana ba balangi ba nibi, u Salumu, nu Telemu, nu Uri.
25 Munkatini mwa bango baIsraeli babezaga ku bana ba Parosi, u Ramia, nu Izia, nu Malkiya, nu Miyamini, nu Eleazari, nu Malkiya, nu Benaya. 26 Ku bana ba Elamu, u Matania, Zekaria, Yehieli, Abudi, nu Yeremoti, nu Elia. 27 Ku bana ba Zatu, u Elioenayi, nu Eliasibu, nu Matania, nu Yeremoti, nu Zabadi, nu Aziza. 28 Ku bana ba Bebayi, u Yehohanani, nu Hanania, nu Zabayi, nu Atilayi. 29 Ku bana ba Bani, u Mesulamu, nu Maluku, nu Adaya, nu Yasubu, nu Seali, nu Yeremoti. 30 Ku bana ba Pahati-Moabu, u Adina, nu Kelali, nu Benaya, nu Maseya, nu Matania, nu Bezaleli, nu Binui, nu Manase. 31 Ku bana ba Harimu, u Eliezeri, nu Isiya, nu Malkiya, nu Semaya, nu Simeoni; 32 nu Benjamina, nu Maluku, nu Semaria. 33 Ku bana ba Hasumu, u Matenayi, nu Matata, nu Zabadi, nu Elifeleti, nu Yeremayi, nu Manase, nu Simei. 34 Ku bana ba Bani, u Madayi, nu Amramu, nu Ueli; 35 nu Benaya, nu Bedeya, nu Keluhi; 36 nu Wania, nu Meremoti, nu Eliasibu, 37 nu Matania, nu Matenayi, nu Yasu. 38 Nu Bani, nu Binui, Simei 39 nu Selemia, nu Natana, nu Adaya; 40 nu Makinadebayi, nu Sasayi, nu Sarai; 41 nu Azaraeli, nu Selemia, nu Semaria; 42 nu Salumu, nu Amaria, nu Yosefu. 43 Ku bana ba Nebo, u Yeieli, nu Matitia, nu Zabadi, nu Zebina, nu Ido nu Yoeli, nu Benaya. 44 Babano bansania basongile bakikulu ba bingo bilongo, nu bamozi babutile bana nabo.