Kwangata kwa Yoramu
21
1 Yosafati akule nu ayikilwe na beisi ku mwino wa Davidi, nu Yoramu, mwana wage, angatile mu kiziki kyage. 2 Yoramu abezaga na mibuto zage mutuba u bana ba Yosafati; meina mabo mabezaga: Azaria, nu Yehieli, nu Zekaria, nu Azaria, nu Mikaeli, nu Sefatia. Babano bansania babezaga bana ba Yosafati, mukota wa Israeli.+ \fr 21:2 \ft Lebelebe Yosafati abezaga mukota wa Yuda. Musanzi wa wono mukanda atingilwe mambizi mengi n'izina lya Yuda kukimana Israeli. 3 Isibo abakasile nkaso za feza, nu olo, nu makozi ma bukunza bunene nu miino zabezaga na mikolo mu Yuda, tondo akasile bukota ku Yoramu kubuno abezaga nkula.
4 Gakatile Yoramu bukota bw'isi nu kubukokomezia, eitile mibuto zage insania na mwene wa nganda gamozi na kibombo kimozi kya mitonge za baIsraeli. 5 Gaalingile kwangata, Yoramu abezaga na myaka makumi masatu nu ibili, nu angatile myaka kinana mu Yerusalema. 6 Akitile misako za bakota ba Israeli anga bwakitile numba za Ahabu, kubuno asongile mukinga wa Ahabu. Akitile bubi ku meiso ma Yehowa. 7 Tondo Yehowa ntazikizye numba za Davidi ku kabamba k'idagano lyalagile Davidi, kubuno amulagile kumukasa lukenikeni, kweli nu ku bana bage ku milyalya.
8 Mu bindi byage, Edomu agunine kwangatwa na bukota bwa Yuda, nu babede na wabo mukota. 9 Nkungu zezo, Yoramu endile na bakota bage ba bakoloboyo nu tuyanga twage tunsania. Azanzukile mu kindi nu eitile baEdomu bamutimbile gamozi na bakota ba tuyanga. 10 Ububo baEdomu bagunine kwangatwa na Yuda, u buli aaba nu lelo. Mu nkungu zezo, baLibuna bagunine kwangatwa na Yoramu, kubuno asigile Yehowa, Kalaga wa beisi. 11 Lingo akitile biziki bya kukumbamina byasakama ga miduko za Yuda nu asondelezizie baYerusalema kukumbamina nkisi, nu alutile baYuda kusiga Kalaga. 12 Mulengania Elia amusingide mukanda wasanzwa bunee: “Yehowa, Kalaga wa so Davidi, akutenda bunee: ‘Kubuno ntwayangile makitilo ma so Yosafati, aba makitilo ma Asa mukota wa Yuda, 13 tondo wayangile makitilo ma baIsraeli, nu wasondelezizie baYuda nu ba ku Yerusalema kukita butazi anga bwasondelezizibwe baIsraeli na numba za so babezaga basoga kukutinga; 14 lola, Yehowa akulusia lusambo lukali ku bantu bobe, ku bana, ku bakikulu nu ku binsania byobe. 15 Nu uwe wabe na nsambo nkali nu byamunda byobe byabase ku kabamba ka lulo lusambo lwa busi na busi.’”
16 Yehowa asindikile mitima za baFilistini nu baArabu babezaga bwigi na Etiopia kusaka na Yoramu. 17 Beingide mu kisi kya baYuda nu banyagile bikulo binsania byabezaga mu numba za mukota gamozi na bakikulu bage nu bana bage; bamusigide Yoahazi,
+ \fr 21:17\ft Lingo izina lyage lyabezaga Ahazia. Soma II Nkiko 22:1. malibilo mage, tugu.
18 Nu kumbusa kwa bubuno, Yehowa amusambizie munda zage na lusambo lutanavwama kona. 19 Nu lusambo lwitilide bindi binsania nu ku kuzinda kwa mwaka w'ibili, byamunda zage byabasile ku kabamba ka lusambo, nu akule mu lubaba lukali. Bantu bage tabagisizie bulago anga bubakitile ku beisibo. 20 Abezaga na myaka makumi masatu nu ibili gaalingile kwangata, nu angatile myaka kinana mu Yerusalema. Akule nu takwabezaga wampa wamulilide. Bamuyikile ku mwino wa Davidi, tondo ta mu nsinda za bakota.