Bibombo bya basankoga.
24
1 Bibino u bikanga bya Haruni: Nadabu nu Abihu, Eleazari nu Itamari. 2 Tondo Nadabu nu Abihu bakule lwabusio lw'isibo, nu tababezaga na bana. Ububo Eleazari nu Itamari babede basankoga. 3 Davidi gamozi na Zadoki wa kikanga kya Eleazari nu Ahimeleki wa kikanga kya Itamari, bababeganizie ku milimo, nawe nawe ku kindi kyage. 4 Kwamonekile bangati beingi mu kikanga kya Eleazari kutinga bangati ba kikanga kya Itamari; ububo babeganizibwe anga bubo: ba Eleazari babezaga na bangati ikumi nu mutuba, nu baItamari babezaga na kinana. 5 Balongekilwe mu kwesa mbale bansania bumozi, kubuno kwabezaga bangati ba numba zasililila nu bangati ba numba za Kalaga, babezaga bana ba kikanga kya Eleazari nu kya Itamari. 6 Semaya, musanzi, mwana wa Netaneli muLawi, abasanzile lwabusio lwa mukota nu lwa mitonge nu lwa Zadoki, sankoga, nu lwa Ahimeleki mwana wa Abiatari, nu lwa bangati ba bikanga by'isibo u basankoga nu lwa baLawi. Umozi asombwedwe mu kikanga kya Eleazari nu umozi asombwedwe mu kikanga kya Itamari. 7 Kulasa kutangi kwabezaga kwa Yoyaribu, nu kwa mabili kwa Yedaya, 8 kwa masatu kwa Harimu, kwa manazi kwa Seorimu, 9 kwa matano kwa Malkiya, kwa mutuba kwa Miyamini, 10 kwa mutubakamo kwa Hakosi, kwa kinana kwa Abiya, 11 kwa mubula kwa Yesua, kw'ikumi kwa Sekania, 12 kw'ikumi nu umozi kwa Eliasibu, kw'ikumi nu mabili kwa Yakimu, 13 kw'ikumi nu masatu kwa Hupa, kw'ikumi nu manazi kwa Yesebeabu, 14 kw'ikumi nu matano kwa Bilga, kw'ikumi nu mutuba kwa Imeri, 15 kw'ikumi nu mutubakamo kwa Heziri, kw'ikumi nu kinana kwa Hapisesi, 16 kw'ikumi nu mubula kwa Petahia, nu kwa makumi mabili kwa Yehezekeli, 17 kwa makumi mabili nu umozi kwa Yakini, kwa makumi mabili nu ibili kwa Gamuli, 18 kwa makumi mabili nu isatu kwa Delaya, kwa makumi mabili nu inazi kwa Maazia. 19 Bubo u bwabezaga kubeganibwa kwa mulimo wabo buno beingile mu numba za Yehowa anga bwabezaga ikakizio lya Haruni, isibo, anga bwamukakizizie Yehowa, Kalaga wa baIsraeli.
20 Babano u bangati ku baLawi basigede: Ku bana ba Amramu: Subaeli; ku bana ba Subaeli: Yedeya, 21 ku ba Rehabia, ku bana ba Rehabia: Isia, nkula. 22 Ku baIzihari, Selomoti; ku bana ba Selomoti, Yahati; 23 nu bana ba Hebroni, Yeria nkula, Amaria wa babili, Yahazieli wa basatu, Yekameamu wa banazi. 24 Bana ba Uzieli: Mika, nu bana ba Mika, Samiri. 25 Mubuto wa Mika, Isia; nu bana ba Isia, Zekaria. 26 Bana ba Merari: Mali nu Musi; mwana wa Yazia, Beno.
27 Bana ba Merari mu mwana wage Yazia, u Beno, nu Sohamu, nu Zakuri, nu Ibiri. 28 BaMali, Eleazari, utabezaga na basikila; 29 baKisi, ku bana ba Kisi, Yerameli. 30 Bana ba Musi, Mali, nu Ederi, nu Yerimoti. Babano bansania babezaga baLawi mu bikanga bya beisibo. 31 Babano besile mbale anga bwakitile kikanga kya Haruni lwabusio lwa Davidi mukota, nu lwa Zadoki nu Ahimeleki nu lwa bangati ba basankoga nu lwa baLawi; nkula za bikanga binene bakitile bulingilingi na nkula za bikanga bikeke.