Bantu ba Yerusalema.
9
1 Ububo bibuti binsania bya baIsraeli byaganzilwe, nu byasanzilwe mu mukanda wa Bakota ba Israeli; nu baYuda bekilwe ku bukobe ku Babeli ku kabamba ka mibi zabo. 2 Ububo bantu batangi beikede mu miino zabo, mu kisi kibeiyanine, babezaga ba Israeli, u basankoga, baLawi, nu bakasia ba mulimo wa Numba za Kalaga; 3 nu ku Yerusalema kwikede bango bantu ba Yuda, nu bango bantu ba Benjamina, nu bantu ba Efuraimu, nu ba Manase. 4 Bana ba Perezi, mwana wa Yuda: Utai, mwana wa Amihudi, mwana wa Omuri, mwana wa Imuri, mwana wa Bani. 5 Nu ba Siloni, Asaya, nkula nu bana bage. 6 Bana ba Zera: Yeueli nu mibuto zage; bantu nkama mutuba nu makumi mubula. 7 Nu bana ba Benjamina, Salu mwana wa Mesulamu, mwana wa Hodavia, mwana wa Hasenua, 8 nu Ibuneya mwana wa Yerohamu; nu Ela mwana wa Uzi, mwana wa Mikiri nu Mesulamu, mwana wa Sefatia, mwana wa Reueli, mwana wa Ibuniya, 9 nu mibuto zabo anga buli bibuti byabo, bantu nkama mubula, makumi matano nu mutuba. Babano bantu bansania babezaga bakota mu numba za beisibo. 10 Nu basankoga: Yedaya, nu Yoyaribu, nu Yakini; 11 nu Azaria mwana wa Hilkia, mwana wa Mesulamu, mwana wa Zadoki, mwana wa Merayoti, mwana wa Ahitubu mukota wa numba za Kalaga, 12 nu Adaya mwana wa Yerohamu, mwana wa Pasuri, mwana wa Malkia nu Maasai, mwana wa Adieli, mwana wa Yazera, mwana wa Mesulamu, mwana wa Mesilemoti, mwana wa Imeri; 13 Bakota mu numba za beisibo, gamozi na mibuto zabo, bantu kanunu kamozi nu nkama mutubakamo nu makumi mutuba ( 1.760) u beli na bwangato nunse ku mulimo wa numba za Kalaga.
14 Nu mu babo baLawi: Semaya, mwana wa Hasubu, mwana wa Azirikamu, mwana wa Hasabia, wa bana ba Merari; 15 nu Bakibakari, Heresi nu Galali, nu Matania mwana wa Mika, mwana wa Sikiri, mwana wa Asafu; 16 nu Obadia, mwana wa Semaya, mwana wa Galali, mwana wa Yedutuni, nu Berekia mwana wa Asa, mwana wa Elkana, beikalaga mu miino za baNetofati. 17 Nu babo balindilaga ku lwibi babezaga Salumu, nu Akubu, nu Talmoni, nu Ahimani, gamozi na mibuto zabo. Salumu u wabezaga mukota wabo. 18 Aaba nu lelo akulanga ku lwibi lwa mukota ku lulenge lwa kuntata. Babano beli balangi ba lwibi lwa mwino wa baLawi. 19 Nu Salumu mwana wa Kore, mwana wa Ebiasafu, mwana wa Kora, gamozi na mibuto zage, ba numba z'isi, baKora, babezaga ku milimo za bulangi bwa lwibi lwa Hema nu beisibo babezaga bemanizi ba mulimo wa bulangi bwa lwibi lwa Numba za Yehowa. 20 Nu Finehasi mwana wa Eleazari, abezaga mukota wabo wakalazi, nu Yehowa abezaga gamozi nage. 21 Zekaria mwana wa Meselemia abezaga mulangi wa lwibi lwa Hema za Kukulumana na Kalaga. 22 Babano bansania basombwedwe kuba balangi ba nibi babezaga nkama ibili nu ikumi nu babili. Nu bibuti byabo byaganzilwe mu miino zabo, babikilwe na Davidi nu Samweli, wozo mulaguzi, mu mulimo wabo wa kukatizibwa. 23 Bo nu bana babo balangaga nibi za numba za Yehowa, u Numba za Kukulumana. 24 Babano balangi ba nibi babezaga ku ndenge insania inazi: kuntata, kunsi, kwikazi nu kwidume. 25 Nu mibuto zabo mu miino zabo, babezaga batunganana kwingila busi na busi, bindi mutubakamo, kuba gamozi nabo; 26 kubuno babo balangi banene banazi ba lwibi, u baLawi, babezaga mu mulimo wa kukatizibwa, nubo babezaga na bulangi bwa masio nu masuku ma Numba za Kalaga. 27 Nu bo beiyombekaga bwigi na Numba za Kalaga, kubuno bulangi bwazo bwabezaga kubeli, nu wabezaga mulimo wabo kwigula nibi na nindunindu insania. 28 Nu bango kubeli babikilwe kukunga bikagi bya mulimo wa Numba za Kalaga; babiganzaga mu nkungu za kutukibwa nu mu nkungu za kwingizibwa. 29 Nu bango kubeli babikilwe kulanga bikagi bya Kiziki Kyasililila, nu kulanga bunga busoga, nu mazi ma biguma, makiti, kasuku, nu bulago. 30 Bana bamozi ba basankoga basambikile bulago. 31 Nu Matitia, umozi wa baLawi, abezaga nkula za Salumu muKora, abikilwe ku mulimo wa kokya tumpampa nu kutulanga. 32 Nu ingo mibuto zabo bana ba Kohati, babikilwe ku mulimo wa tumpampa twa kalolesio, kutulongeka busi na busi bwa sabato.
33 Babano u beimbi, bakota ba numba za beisibo mu baLawi, beikalaga mu masio ma Hema geteli ungo mulimo, kubuno bakitaga mulimo wabo musi nu kindi. 34 Babano babezaga bakota ba numba za baLawi, bantu banene mu bibuti byabo, beikalaga ku Yerusalema.
Kikanga kya Saulo.
35 Kuko ku Gibeoni u kwikalaga Yeieli, isi wa Gibeoni, izina lya mukazi lyabezaga Maka, 36 nu nkula zage zabezaga Abudoni, nu Zuri, nu Kisi, nu Bali, nu Neri, nu Nadabu; 37 nu Gedori, nu Ahio, nu Zekaria, nu Mikiloti. 38 Nu Mikiloti abutile Simeamu. Nu babano beikede ku Yerusalema gamozi na mibuto zabo. 39 Nu Neri abutile Kisi, nu Kisi abutile Saulo, nu Saulo abutile Yonatana, nu Malki-Sua, nu Abinadabu, nu Esibali. 40 Nu mwana wa Yonatana abezaga Meribu-Bali; nu Meribu-Bali abutile Mika. 41 Nu bana ba Mika: Pitoni, nu Meleki, nu Tarea, nu Ahazi. 42 Nu Ahazi abutile Yara; nu Yara abutile Alemeti, nu Azimaweti nu Simuri; nu Simuri abutile Moza; 43 nu Moza abutile Binea; nu mwana wage Refaya, nu mwana wage Eleasa, nu mwana wage Azeli; 44 nu Azeli abezaga na bana mutuba, nu mamano u meina mabo: Azirikanu, nu Bokeru, nu Isimaeli, nu Searia, nu Obadia, nu Hanani. Babano bansania babezaga bana ba Azeli.