པི༌ཏྲར༌རི༌ ཆག༌བྲིས༌ ཏང༌པོ༌།
པི༌ཏྲར༌རི༌ ཆག༌བྲིས༌ ཏང༌པོའེ༌ སྐོར༌།
འི༌ ཆག༌བྲིས༌ དང༌ སྔུན༌མའེ༌ ཆོས༌ཚོགས༌སི༌ འུ༌སྐྱོང༌གུན༌ གྱུད༌ཏེ༌,
ང༌དང༌ང༌ འི༌ ཆག༌བྲིས༌པོ༌ མ༌ཤི༌ཀའེ༌ སྐུ༌ཚབས༌ པི༌ཏྲར༌རི༌ བྲིའ༌ ཛད༌ཁན༌བོ༌ གྱུས༌ ཆའ༌ནོག༌།
ང༌དང༌གུན༌ལ༌ ཆོས༌སི༌ ཁས༌པ༌གུན༌ གྱུད༌ཏེ༌,
འི༌ ཆག༌བྲིས༌པོ༌ ཡེ༌ཤུ༌ ཀྲོངས༌ཏེ༌ སོན༌ཏེའ༌ ཞངས༌ཏེ༌ སྟིང༌ནེ༌ ལོ༌ 27-29 ཉེ༌ཁོར༌ལ༌ བྲིའ༌ ཛད༌ཁན༌བོ༌ གྱུས༌ ཆའ༌ནོག༌།
འི༌བོ༌ མ༌ཤི༌ཀ༌པ༌གུན༌ལ༌ རྡུག༌ངལ༌ སྟན༌ཁན༌ནི༌ རོམ༌མི༌ གྱལ༌པོ༌ ནེ༌རོའེ༌ ཝང༌སྲུལ༌ལི༌ ཏུས༌ལ༌ བྲིའ༌ ཛད༌ཁན༌ནི༌ སམ༌བ༌ ཨིན༌ནོག༌།
པི༌ཏྲར༌རི༌ འི༌ ཆག༌བྲིས༌པོ༌,
རོམ༌མི༌ ཝང༌སྲུལ༌ལི༌ ཡུལ༌གུན༌ནི༌ ནང༌ང༌ ཁྱེབས༌ཏེ༌ ཡོད༌ཁན༌ནི༌ མ༌ཤི༌ཀ༌པ༌ ཚང༌མའེ༌ ཕིའ༌ བྲིའ༌ ཛད༌ཏེ༌ ཨིན༌ཁན༌བོ༌ ང༌དང༌ང༌ ཤད༌དུག༌།
ཁོང༌ངི༌ འི༌ ཆག༌བྲིས༌ བྲིའ༌ ཛད༌ཅེས༌སི༌ གྱུན༌ཚན༌གུན༌ ནི༌:
1 རྡུག༌ངལ༌ ཇུང༌ཅེས༌པོ༌ དཀོན༌མཆོག༌གི༌ ཐར༌པའེ༌ ཁག༌ཤིག༌ ཨིན༌ཁན༌བོ༌ ཧ༌གོ༌ཅུག༌ཅེས༌།
2 ཏད༌པ༌ཅན༌གུན༌ལ༌ དཀོན༌མཆོག༌ ཐུགས༌ཐད༌ཁན༌ནི༌ མི༌ཚེ༌ ཕུད༌ཅེས༌ དང༌ ཅིག༌ དང༌ ཅིག༌ག༌ ཡ༌ཤ༌ ཅོ༌ཅེས༌ལ༌ སྤོས༌པ༌ ཏང༌ཅེས༌།
3 ཏད༌པ༌ཅན༌གུན༌ལ༌ ཁོ༌རང༌གུན༌ ཝང༌སྲུལ༌པའེ༌ ཡོག༌ག༌ བོར༌ཅེས༌,
སྤོན༌བོའེ༌ ཡོག༌ག༌ ཡོག༌པོ༌ དང༌,
ན༌མ༌གུན༌ ཁོ༌རང༌གུན༌ནི༌ མག༌པའེ༌ ཡོག༌ག༌ དུག༌ཅེས༌ལ༌ སྤོས༌པ༌ ཏང༌ཅེས༌།
4 རྡུག༌ངལ༌ ཇུང༌ཅེས༌པོའེ༌ ཏད༌པ༌ཅན༌གུན༌ནི༌ སམ༌ཚུལ༌གུན༌ ཀ༌ཟུག༌ཤིག༌ ཡོང༌གོས༌།
5 འུ༌སྐྱོང༌ཞིག༌གི༌ ཆོས༌ཚོགས༌པོ༌ ཀ༌ཟུག༌ ཚུལ༌ལ༌ ཁྲིད༌གོས༌།