ཡ༌ཀོབ༌བི༌ ཆོགས༌ནེ༌ ཆག༌བྲིས༌།
ཡ༌ཀོབ༌བི༌ ཆག༌བྲིས༌སི༌ སྐོར༌།
འི༌ ཆག༌བྲིས༌ བྲིའ༌ ཛད༌ཁན༌བོའེ༌ ཁོ༌རང༌ང༌ ཡ༌ཀོབ༌ ཟེར༌དུག༌།
འི༌ མི༌བོ༌ གཙོ༌བོ༌ ཡེ༌ཤུའི༌ ནོ༌གུན༌ནི༌ ནང༌ནེ༌ ཅིག༌ ཡང༌ ཡེ༌རུ༌ཤ༌ལེམ༌མི༌ ཆོས༌ཚོགས༌སི༌ འུ༌སྐྱོང༌ ཨིན༌ཁན༌བོ༌ ང༌དང༌ང༌ གྱུན༌ཚན༌ མང༌པོ༌ གྱུད༌ཏེ༌ ཧ༌གོའ༌ནོག༌།
ཆོས༌སི༌ ཁས༌པ༌ མང༌པོའེ༌ འི༌ ཆག༌བྲིས༌པོ༌ ཡེ༌ཤུ༌ ཀྲོངས༌ཏེ༌ སོན༌ཏེའ༌ ཞངས༌ཏེ༌ སྟིང༌ནེ༌,
ལོ༌ 13 མི༌ ཉེ༌ཁོར༌ལ༌ བྲིའ༌ ཛད༌ཏེ༌ ཨིན༌ཁན༌བོ༌ སམ༌ཅེས༌པོའེ༌,
འི༌ ཆག༌བྲིས༌པོ༌ ཞལ༌ཆད༌ སོ༌མའེ༌ ཚང༌མའེ༌སང༌ གོ༌མ༌ བྲིའ༌ ཛད༌ཁན༌ནི༌ སྤེ༌ཆ༌ ཅིག༌ཅིག༌ ཨིན༌ཁན༌བོ༌ ཧ༌གོའ༌ནོག༌།
འི༌ ཆག༌བྲིས༌པོ༌ ཇིག༌རྟེན༌ནི༌ ནང༌ང༌ ཡན༌ཏེ༌ ཡོད༌ཁན༌ དཀོན༌མཆོག༌གི༌ མི༌རིགས༌ རྕུག༌ཉིས༌པོའ༌ བྲིའ༌ ཛད༌ཏེ༌ ཨིན༌ནོག༌།
ཁས༌པ༌ མང༌པོའེ༌ ཡ༌ཀོབ༌བི༌ འི༌བོ༌ ཡ༌ཧུ༌དཱ༌པ༌ མ༌ཤི༌ཀ༌པ༌གུན༌ལ༌ བྲིའ༌ ཛད༌ཁན༌བོ༌ སམ༌མ༌ནོག༌།
འི༌ ཆག༌བྲིས༌ བྲི༌ཚུལ༌བོའེ༌ ཏེ༌ སྤེ༌ར༌གུན༌ལ༌ གྱབ༌སྐྱོར༌ ཅོའ༌ནོག༌།
ཡ༌ཀོབ༌བི༌ ཆག༌བྲིས༌ བྲི༌ཅེས༌སི༌ གྱུན༌ཚན༌བོ༌,
འི༌ ཆག༌བྲིས༌ སིལ༌ཁན༌གུན༌ལ༌ ཏད༌པ༌ ཅོའད༌ ཅིག༌པོ༌ མ༌ཟེར༌ར༌ ཞག༌ཏང༌ངི༌ ལས༌སི༌ ནང༌ང༌ ཏེ༌བོ༌ ལག༌ལེན༌ ཅོས༌ཏེ༌ སྟན༌ཅེས༌ལ༌ སྤོས༌པ༌ ཏང༌ཅེས༌པོ༌ ཨིན༌ནོག༌།
ཁོང༌ངི༌ ཏད༌པ༌ཅན༌གུན༌ནི༌ མི༌ཚེའེ༌ ནང༌ང༌ ཧ༌གོ༌གོ༌ཤེས༌ དང༌ གྱུར༌ཇ༌ ཁྱོང༌གོ༌ཤེས༌ཅན༌ནི༌ འི༌ཟུག༌ སྤེ༌ར༌ རིག༌གི༌ སྐོར༌ལ༌ མོལ༌ལ༌ ཛད༌དུག༌།
1 རྡུག༌ངལ༌ ང༌དང༌ངི༌ ཕིའ༌ ཀ༌ཟུག༌གི༌ ཕན༌ཐོགས༌ཅན༌ ཨིན༌།
2 མ༌ཤི༌ཀ༌པ༌ ཉལ༌བ༌ཅན༌ དང༌ ཆུག༌པོའེ༌ ནང༌ང༌ ཡ༌ཕེས༌ མ༌ཅོ༌།
3 ཏད༌པའ༌ ལག༌ལེན༌ ཅོས༌ཏེ༌ སྟོན༌།
4 ཁའ༌ནེ༌ སྤེ༌ར༌ ངན༌པ༌གུན༌ བིང༌ མ༌ཅུག༌།
5 ཆུག༌པོ༌གུན༌ནི༌ ཉལ༌བ༌ཅན༌གུན༌ལ༌ ཚོད༌ མ༌ཅད༌།
6 མོས༌ལམ༌ ནི༌ ཁྱུད༌ཅན༌ ཨིན༌།
7 སྡིག༌པའེ༌ ནང༌ང༌ གྱེལ༌ཁན༌ནི༌ མ༌ཤི༌ཀ༌པ༌གུན༌ སྐྱོབ༌ཅེས༌།