པི༌ཏྲར༌རི༌ ཆག༌བྲིས༌ ཉིས༌པ༌།
པི༌ཏྲར༌རི༌ ཆག༌བྲིས༌ ཉིས༌པའེ༌ སྐོར༌།
འི༌ ཆག༌བྲིས༌ དང༌ སྔུན༌མའེ༌ ཆོས༌ཚོགས༌སི༌ འུ༌སྐྱོང༌གུན༌ གྱུད༌ཏེ༌,
ང༌དང༌ང༌ འི༌ ཆག༌བྲིས༌པོ༌ གཙོ༌བོ༌ ཡེ༌ཤུ༌ མ༌ཤི༌ཀའེ༌ སྐུ༌ཚབས༌ པི༌ཏྲར༌རི༌ བྲིའ༌ ཛད༌ཁན༌བོ༌ གྱུས༌ ཆའ༌ནོག༌།
ཡེ༌ཤུ༌ ཀྲོངས༌ཏེ༌ སོན༌ཏེའ༌ ཞངས༌ཏེ༌ སྟིང༌ནེ༌,
ལོ༌ 35 ཉེ༌ཁོར༌ལ༌ པི༌ཏྲར༌ རོམ༌མི༌ གྱལ༌པོ༌ ནེ༌རོའེ༌ སད༌ཁན༌བོ༌ ང༌དང༌གུན༌ལ༌ གྱུས༌ཨིན༌ནོག༌།
ཏེ༌བོའེ༌ཕིའ༌ ཆོས༌སི༌ ཁས༌པ༌གུན༌ནི༌ འི༌ ཆག༌བྲིས༌པོ༌ པི༌ཏྲར༌རི༌ མི༌ཚེའེ༌ སྟིང༌ཇུག༌གི༌ ཏུས༌སི༌ ནང༌ང༌,
ཧ༌ལམ༌ ཡེ༌ཤུ༌ ཀྲོངས༌ཏེ༌ སོན༌ཏེའ༌ ཞངས༌ཏེ༌ ལོ༌ 32-35 ཉེ༌ཁོར༌ལ༌ བྲིའ༌ ཛད༌ཁན༌ནི༌ སམ༌བ༌ ཨིན༌ནོག༌།
པི༌ཏྲར༌རི༌ ཁོང༌རང༌ངི༌ ཆག༌བྲིས༌ ཏང༌པོ༌ བྲིའ༌ ཛད༌ཁན༌ནི༌ ཏེན༌ན༌ སྡེ༌ མ༌ཤི༌ཀ༌པ༌གུན༌ལ༌,
འི༌ ཆག༌བྲིས༌པོའང༌ བྲིའ༌ ཛད༌ཏེ༌ ཨིན༌ཁན༌བོ༌ ཁོང༌ངི༌ ང༌དང༌གུན༌ལ༌ ཤད༌ད༌ ཛད༌དུག༌ ༼3:1།༽
པི༌ཏྲར༌ལ༌ ཁོང༌ ཤི༌ཅེས༌ ཉེ༌མོ༌ ཡོད༌ཁན༌བོ༌ གྱུས༌ཡོད༌པ༌,
ཏད༌པ༌ཅན༌གུན༌ནི༌ ཕིའ༌ ཁོང༌ ཤི༌ཏེ༌ སྟིང༌ནེའང༌ ལུས༌ཤེས༌སི༌ ལབ༌ཞ༌ཞིག༌ བོར༌ཅེས༌ལ༌ ཐད༌དད༌པིན༌།
ཁོང༌ངི༌ ཏད༌པ༌ཅན༌གུན༌ལ༌ འི༌ ཆག༌བྲིས༌ བྲི༌ཅེས༌སི༌ གྱུན༌ཚན༌གུན༌ ནི༌:
1 ཏད༌པ༌ཅན༌གུན༌ ཏད༌པའེ༌ ནང༌ང༌ ལྡན༌ཏེ༌ སམ༌བ༌ཅན༌ གྱུར༌ཅེས༌།
2 མ༌ཤི༌ཀ༌ ལོགས༌ཏེ༌ ཕེབས༌སི༌ ཏུས༌ལ༌ འི༌ ཇིག༌རྟེན༌ དང༌ ནམ༌ཁའ༌ ཇུང༌ཅེས༌པོ༌ ཧ༌གོ༌ཅུག༌ཅེས༌།
3 མ༌ཤི༌ཀ༌ ལོགས༌ཏེ༌ སྐྱོད༌ཅེས༌སི༌ ལོན༌བོ༌ མི༌ ཆོགས༌ནེ༌ མན༌པ༌,
དཀོན༌མཆོག༌ནེ༌ ཨིན༌ཁན༌བོ༌ ཧ༌གོ༌ཅེས༌།
4 ཤང༌ ཅོས༌ཏེ༌ ཟུས༌མའེ༌ ལོབ༌བོན༌གུན༌,
ཁོང༌གུན༌ནི༌ ལས༌ དང༌ ལབ༌ཞ༌ གྱུད༌ཏེ༌ ངོ༌ཤེ༌ཤེས༌།