ཐེ༌ས༌ལོ༌ནི༌ཀའེ༌ ཆོས༌ཚོགས༌ལ༌ པ༌འུ༌ལུའི༌ ཆག༌བྲིས༌ ཉིས༌པ༌།
ཐེ༌ས༌ལོ༌ནི༌ཀའེ༌ ཆོས༌ཚོགས༌ལ༌ པ༌འུ༌ལུའི༌ ཆག༌བྲིས༌ ཉིས༌པའེ༌ སྐོར༌།
འི༌ ཆག༌བྲིས༌པོ༌ གཙོ༌བོ༌ ཡེ༌ཤུའི༌ སྐུ༌ཚབས༌ པ༌འུ༌ལུའི༌ བྲིའ༌ ཛད༌ཁན༌བོ༌ ང༌དང༌ང༌ འི༌ ཆག༌བྲིས༌ དང༌ སྔུན༌མའེ༌ ཆོས༌ཚོགས༌སི༌ འུ༌སྐྱོང༌གུན༌ནི༌ སྤང༌པོ༌གུན༌ནེ༌ གྱུས༌ ཆའ༌ནོག༌།
ཆོས༌སི༌ ཁས༌པ༌གུན༌ནི༌ སམ༌མ༌ནོག༌,
པ༌འུ༌ལུའི༌ འི༌ ཆག༌བྲིས༌པོ༌ ཀོ༌རིན༌ཐི༌ གྱལ༌སའེ༌ ནང༌ང༌ ཡོད༌ ཟ༌ནེ༌,
ནམ༌ སི༌ལས༌ དང༌ ཏི༌མོ༌ཐི༌ ཉིས༌ཀོ༌ ཐེ༌ས༌ལོ༌ནི༌ཀ༌པ༌གུན༌ལ༌ ཆག༌བྲིས༌ ཏང༌པོ༌བོ༌ ཁྱེར༌ཏེ༌ ལོགས༌ཏེ༌ ལེབས༌ཏེ༌ སྟིང༌ནེ༌ བྲིའ༌ ཛད༌ཏེ༌ ཨིན༌ནོག༌།
ཁོང༌ངི༌ འི༌ ཆག༌བྲིས༌པོ༌ ཡེ༌ཤུ༌ ཀྲོངས༌ཏེ༌ སོན༌ཏེའ༌ ཞངས༌ཏེ༌ སྟིང༌ནེ༌ ལོ༌ 19-20 འི༌ ཉེ༌ཁོར༌ལ༌ བྲིའ༌ ཛད༌ཏེ༌ ཨིན༌ནོག༌།
པ༌འུ༌ལུའི༌ ཐེ༌ས༌ལོ༌ནི༌ཀའེ༌ ནང༌ང༌ ཡོད༌ཁན༌ནི༌ མ༌ཤི༌ཀ༌པ༌གུན༌ལ༌,
འི༌ ཆག༌བྲིས༌ བྲི༌ཅེས༌སི༌ གྱུན༌ཚན༌གུན༌ ནི༌:
1 ཁོང༌གུན༌ ཏད༌པ༌,
ཅམས༌པ༌ དང༌ ཟོད༌པའེ༌ ནང༌ང༌ ལྡན༌ཁན༌བོའེ༌ ཕིའ༌ དཀོན༌མཆོག༌ག༌ ཐུག༌རྗེ༌ཆེ༌ ཞུའད༌ ཟེར༌ཏེ༌ སྤོས༌པ༌ ཏང༌ཅེས༌།
2 མ༌ཤི༌ཀ༌ ལོགས༌ཏེ༌ སྐྱོད༌ ཟ༌ནེ༌,
ཁོང༌གུན༌ལ༌ ནགས༌བར༌དོ༌གུན༌ནི༌ ཀ༌ནེ༌ ཐར༌པ༌ ཡང༌ ཏད༌པ༌ མེད༌ཁན༌གུན༌ལ༌ ཁྲིམས༌ཅད༌ ཁྱོང༌ང༌ ཛད༌ཅེས༌པོ༌ ཤད༌ཅེས༌།
3 མ༌ཤི༌ཀ༌ ལོགས༌ཏེ༌ སྐྱོད༌ ཚར༌ཏེ༌ ཨིན༌ནོག༌ ཟེར༌ཁན༌ནི༌ འུ༌ཡ༌བོ༌ ཟུན༌བ༌ ཨིན༌ནོག༌ ཟེར༌ཏེ༌ ཤད༌ཅེས༌།
4 ཁོང༌ངི༌ ལབ༌ཞ༌གུན༌ ཁོང༌རང༌ངི༌ ཤད༌ཏེ༌ ཡ༌ ཆག༌བྲིས༌ བྲིས༌ཏེ༌ ཨིན༌གྲོ༌ ཏེ༌གུན༌ལ༌ ཁའ༌ཉན༌ཅེས༌སི༌ ཕིའ༌ སྤོས༌པ༌ ཏང༌ཅེས༌།
5 ཁའ༌ མ༌ཉན༌ཁན༌གུན༌ ཀ༌ཟུག༌གི༌ སྐྱོང༌ཨིན༌ ཏེ༌བོའེ༌ སྐོར༌ལ༌ ལབ༌ཞ༌ ཏང༌ཅེས༌།