ཐེ༌ས༌ལོ༌ནི༌ཀའེ༌ ཆོས༌ཚོགས༌ལ༌ པ༌འུ༌ལུའི༌ ཆག༌བྲིས༌ ཏང༌པོ༌།
ཐེ༌ས༌ལོ༌ནི༌ཀའེ༌ ཆོས༌ཚོགས༌ལ༌ པ༌འུ༌ལུའི༌ ཆག༌བྲིས༌ ཏང༌པོའེ༌ སྐོར༌།
འི༌ ཆག༌བྲིས༌པོ༌ གཙོ༌བོ༌ ཡེ༌ཤུའི༌ སྐུ༌ཚབས༌ པ༌འུ༌ལུའི༌ བྲིའ༌ ཛད༌ཁན༌བོ༌ ང༌དང༌ང༌ འི༌ ཆག༌བྲིས༌ དང༌ སྔུན༌མའེ༌ ཆོས༌ཚོགས༌སི༌ འུ༌སྐྱོང༌གུན༌ནི༌ སྤང༌པོ༌གུན༌ནེ༌ གྱུས༌ ཆའ༌ནོག༌།
ཆོས༌སི༌ ཁས༌པ༌གུན༌ནི༌ པ༌འུ༌ལུའི༌ འི༌ ཆག༌བྲིས༌པོ༌ ཀོ༌རིན༌ཐི༌ གྱལ༌སའེ༌ ནང༌ང༌ ཡོད༌ ཟ༌ནེ༌ བྲིའ༌ ཛད༌ཁན༌བོ༌ སམ༌མ༌ནོག༌།
ཁོང༌ངི༌ འི༌ ཆག༌བྲིས༌པོ༌ ཡེ༌ཤུ༌ ཀྲོངས༌ཏེ༌ སོན༌ཏེའ༌ ཞངས༌ཏེ༌ སྟིང༌ནེ༌,
ལོ༌ 19-20 འི༌ ཉེ༌ཁོར༌ལ༌ བྲིའ༌ ཛད༌ཏེ༌ ཨིན༌ནོག༌།
ཐེ༌ས༌ལོ༌ནི༌ཀའེ༌ གྱལ༌ས༌ མ༌ཀེ༌དོ༌ནི༌ཡཱའེ༌ གྱལ༌ཁག༌གི༌ ནང༌ང༌ ཚང༌མའེ༌སང༌ ཁག༌ཅན༌ གྱལ༌ས༌ཞིག༌ ཨིན༌པིན༌།
ཏེ༌བོ༌ གྱ༌ཚོའེ༌ ཐའ༌མའ༌ ཆགས༌ཏེ༌ མ༌ ཁག༌ཅན༌ དང༌ ཆུག༌པོ༌ གྱལ༌ས༌ཞིག༌ ཨིན༌པིན༌།
ཁོང༌ གོ༌མ༌ ཏེ༌རུ༌ སྐྱོད༌ ཟ༌ནེ༌ ཡ༌ཧུ༌དཱ༌པ༌གུན༌ནི༌ ཏེ༌ གྱལ༌སའེ༌ མི༌གུན༌ལ༌ པ༌འུ༌ལུའ༌ གྱབ༌གལ༌ ཅོས༌ཏེ༌ ནགས༌ སྟན༌ཅུགས༌ པ༌སང༌ ཁོང༌ ཏེ༌རུ༌ ཏུས༌ ཉུ༌ངུན༌ཞིག༌ མ༌ནེ༌ ཞུགས༌ མ༌ཐུབ༌བ༌ ཤོར༌གོས༌།
ཁོང༌ ཤོར༌ ཟ༌ནེ༌ ཏེ༌རུ༌ མ༌ཤི༌ཀའེ༌ ནང༌ང༌ ཏད༌པ༌ ཁྱོང༌ཁན༌ སོ༌མ༌ ཁ༌ཅིག༌ མ༌ནེ༌ མེད༌པིན༌།
པ༌འུ༌ལུའི༌ འི༌ ཆག༌བྲིས༌ བྲི༌ཅེས༌སི༌ གྱུན༌ཚན༌ ནི༌:
1 ཏད༌པ༌ སོ༌མ༌ ཁྱོང༌ཁན༌གུན༌ལ༌ རྡུག༌ངལ༌ལི༌ ནང༌ང༌ རེ༌ཝ༌ མི༌ཕང༌ཅེས༌སི༌ སྤོས༌པ༌ སལ༌ཅེས༌།
2 དཀོན༌མཆོག༌ ཐུགས༌ཐད༌ཁན༌ནི༌ མི༌ཚེ༌ ཕུད༌ཅེས༌སི༌ ནང༌ང༌ ལབ༌ཞའ༌ སལ༌ཅེས༌།
3 ཁོང༌གུན༌ལ༌ ཏད༌པ༌ཅན༌ ཤི༌ཁན༌གུན༌ལ༌ མ༌འོངས༌པའེ༌ ཏུས༌སི༌ ནང༌ང༌ ཤི༌ཁན༌གུན༌ནི༌ ཕྲོ༌ནེ༌ སོན༌ཏེའ༌ ལང༌ཅེས༌སི༌ ལབ༌ཞ༌གུན༌ གྱུད༌ཏེ༌ སྤོས༌པ༌ སལ༌ཅེས༌གུན༌ ཨིན༌པིན༌།