དཱ༌བིད༌དི༌ ཨ༌མ༌ལིཀ༌པ༌གུན༌ མེད༌ཁན༌ ཅོས༌།
30:1 ནེ༌ 31
30
ཞག༌མ༌ སུམ༌མི༌ སྟིང༌ནེ༌ དཱ༌བིད༌ དང༌ ཁོའེ༌ མི༌གུན༌ ཁོ༌རང༌གུན༌ནི༌ གྲོང༌སེབ༌ ཟིག༌ལག༌ག༌ ལེབ༌།
ཨ༌མ༌ལིཀ༌པ༌གུན༌ནི༌,
ཡ༌ཧུ༌དཱའེ༌ ལྷོ༌ ཆོགས༌སི༌ གྲོང༌ཁྱེར༌གུན༌ དང༌ ཟིག༌ལག༌གི༌ ནང༌ང༌ སྤུང༌གོལ༌ ཅོས༌ཏེ༌ ཅོམས༌ ཡང༌ ཟིག༌ལག༌ གང༌པོ༌ མེའ༌ ཏུགས༌ཏེ༌ ཨིན༌པིན༌།
2 ཁོང༌གུན༌ནི༌ ཏེ༌རུ༌ ཡོད༌ཁན༌ བུ༌མོ༌,
ཕྲུ༌གུ༌ དང༌ ཞན༌ མི༌ ཅིག༌གའང༌ མ༌སད༌ད༌ ཁོ༌རང༌གུན༌ ཉམ༌པོ༌ ཁྲིད༌ཏེ༌ ཁྱེརས༌།
3 དཱ༌བིད༌ དང༌ ཁོའེ༌ མི༌གུན༌ནི༌ གྲོང༌སེབ༌ ཁྲེས༌ཏོར༌ ཅོ༌ཁན༌ ཡང༌ ཁོང༌ངི༌ ནང༌ཚངས༌གུན༌ ཟུམས༌ཏེ༌ ཁྱེར༌ཁན༌བོ༌ ཐོང༌ང༌ཅིག༌,
4 དཱ༌བིད༌ དང༌ ཁོའེ༌ མི༌གུན༌ནི༌ ཟུགས༌པོའེ༌ ཤེད༌ མེད༌ཁན༌ ཆ༌ཆ༌ ཀུ༌ཅོ༌ ཏངས༌ཏེ༌ ངུས༌།
5 ཟུམས༌ཏེ༌ ཁྱེར༌ཁན༌གུན༌ནི༌ ཕྲོའ༌ དཱ༌བིད༌དི༌ ན༌མ༌ ཨ༌ཧི༌ནོའམ༌ དང༌ ཨ༌བི༌གཱའིལ༌ ཉིས༌ཀོའང༌ ཡོད༌པིན༌།
6 ཏ༌ དཱ༌བིད༌ མ༌ ཇིགས༌པའེ༌ ནང༌ང༌ ཡོད༌པིན༌ ཅིའ༌ཟེར༌ན༌ མི༌གུན༌ནི༌ ཁོའ༌ རྡོའ༌ གྱབས༌ཏེ༌ སད༌ཅེས༌སི༌ སྤེ༌ར༌ ཏང༌ངད༌པིན༌།
ཁོང༌གུན༌ནི༌ བུ༌ཚ༌གུན༌ དང༌ བུ༌མོ༌གུན༌ ཟུམས༌ཏེ༌ ཁྱེར༌ པ༌སང༌ མི༌ ཚང༌མ༌ མ༌སྲན༌ཏྲེ༌ རྡུག༌པོ༌ ཡོད༌པིན༌།
ཨིན༌ནའང༌ དཱ༌བིད༌ལ༌ ཡ༌ཝ༌ ཁོ༌རང༌ངི༌ དཀོན༌མཆོག༌གི༌ ནང༌ང༌ སེམས༌ཤུགས༌ ཐོབ༌།
7 ཏེ༌ནེ༌ ཁོའེ༌ བླ༌མ༌ ཨ༌བིའ༌ཐར༌ལ༌ ཟེརས༌,
“ཨེ༌ཕོད༌པོ༌ ང༌ ཡོད༌ས༌ ཁྱོང༌།”
ཨ༌བིའ༌ཐར༌རི༌ ཏེ༌བོ༌ ཁོ༌ ཡོད༌ས༌ ཁྱོངས༌།
8 ཏེ༌ནེ༌ དཱ༌བིད༌དི༌ ཡ༌ཝའ༌ ཏྲིའ༌ཛདས༌,
“ངའེ༌ སྤུང༌གོལ༌ ཅོ༌ཁན༌གུན༌ལ༌ ཏེད༌ཏེ༌ ཁྱེར༌ར༌ལེ༌?
ང༌ ཁོང༌གུན༌ ཐོབ༌ཨིན༌ན༌ལེ༌?”
ཡང༌ ཡ༌ཝའེ༌ ཁོའ༌ མོལས༌,
“འོ༌ན༌,
ཁོང༌གུན༌ནི༌ གྱབ༌ནེ༌ སོང༌།
ཁྱོ༌རང༌ང༌ ཁོང༌གུན༌ ཐོབ༌ཏེ༌ ཁོང༌ངི༌ ཁྱེར༌ཁན༌ ཚང༌མ༌ ཁྱོ༌རང༌ངི༌ ཐར༌ཅུག༌ཨིན༌།”
9 ཏེ༌ནེ༌ དཱ༌བིད༌ ཁོ༌རང༌ངི༌ མི༌ 600 ཉམ༌པོ༌ སོང༌ ཡང༌ ཁོང༌གུན༌ བེ༌སོར༌རི༌ ལུང༌པ༌ ལེབ༌།
10 ཨིན༌ནའང༌ ཁོང༌གུན༌ནི༌ ཕྲོ༌ནེ༌ མི༌ 200 མ༌སྲན༌ཏྲེ༌ ངལ༌ཏེ༌ ཡོད༌ པ༌སང༌ ཁོང༌གུན༌ ཏེ༌ ལུང༌པ༌ རྒལ༌ཏེ༌ མ༌སོང༌།
ཏེ༌བོའེ༌ཕིའ༌ དཱ༌བིད༌ མི༌ 400 ཁྲིད༌ཏེ༌ སོང༌།
11 ལམ༌ནེ༌ ཆེན༌ ཡོད༌ ཟ༌ནེ༌ ཁོང༌གུན༌ལ༌ ཨི༌ཇིབ༌པ༌ མི༌ཞིག༌ ཞིང༌ཞིག༌གི༌ཀ༌ ཐོང༌ ཡང༌ ཁོ༌ དཱ༌བིད༌ ཡོད༌ས༌ ཁྲིད༌ཏེ༌ ཁྱོངས༌།
ཁོང༌གུན༌ནི༌ ཁོའ༌ ཟའ༌ཅེས༌ལ༌ ཏ༌གི༌ དང༌ ཐུང༌ཅེས༌ལ༌ ཆུ༌ ཏངས༌།
12 ཁོང༌གུན༌ནི༌ ཁོའ༌ ཕིག༌ དང༌ བ༌ཤོ༌ ནན༌ཏེ༌ ཁོ༌ལག༌ ཅོ༌ཁན༌གུན༌ ཏངས༌ ཅིའ༌ཟེར༌ན༌ ཁོའ༌ ཅའང༌ ཟ༌གྱུ༌ མེད༌པ༌ ཉིན༌ སུམ༌ དང༌ ཚན༌ སུམ༌ ཆའད༌པིན༌།
ཁོའེ༌ ཟན༌ ཟོས༌ ཡང༌ ཟུགས༌པོའེ༌ ནང༌ང༌ ཤེད༌ སྐྱེས༌།
13 དཱ༌བིད༌དི༌ ཁོའ༌ ཏྲིས༌,
“ཁྱོ༌རང༌ སུའི༌ ཨིན༌ ཡང༌ ཁྱོ༌རང༌ ཀ༌ནེ༌ ཡོངས༌ཏེ༌ ཨིན༌?”
ཁོའེ༌ ལན༌ཏངས༌,
“ང༌ ཨ༌མ༌ལིཀ༌པ༌ ཞིག༌གི༌ ཡོག༌པོ༌ ཨི༌ཇིབ༌ནེ༌ ཨིན༌།
ཞག༌པོ༌ སུམ༌མི༌ སྔུན༌ལ༌ ང༌ ཟུ༌མོ༌ ཡོངས༌ པ༌སང༌ ངའེ༌ སྤོན༌བོའེ༌ ངའ༌ ཕངས༌ཏེ༌ སོང༌,
14 ནམ༌ ང༌ཞ༌གུན༌ ཡ༌ཧུ༌དཱའེ༌ ཡུལ༌ཇོངས༌སི༌ ལྷོ༌ ཆོགས༌ ཀེ༌རེཐ༌པ༌གུན༌ དུག༌ས༌ དང༌ ཞན༌ གྲོང༌ཁྱེར༌གུན༌ ཡང༌ ཀེ༌ལེབ༌བི༌ པུར༌གྱུད༌གུན༌ དུག༌ས༌ ཧིབ༌རོན༌ནི༌ གྱལ༌ས༌ ཅོམས༌ཏེ༌ ཡོང༌ངད༌པིན༌།
ང༌ཞའེ༌ ཟིག༌ལག༌གི༌ གྲོང༌སེབ༌བའང༌ མེའ༌ སྲགས༌པིན༌།”
15 དཱ༌བིད༌དི༌ ཏྲིས༌,
“ཁྱོ༌རང༌ངི༌ ཏེ༌ གྲོང༌ཁྱེར༌གུན༌ ཅོམས༌ཁན༌ སྡེ༌ ཡོད༌ས༌ ང༌ཞའ༌ ཁྱེར༌ཨིན༌ན༌?”
ཞོན༌ནུའི༌ ལན༌ཏངས༌,
“ཀལ༌ཏེས༌ ཉེ༌རང༌ངི༌ ང༌ མི༌སད༌ ཡ༌ ང༌ ངའེ༌ སྤོན༌བོའེ༌ ལག༌ག༌ མི༌སྟད༌ མོལ༌ཏེ༌ དཀོན༌མཆོག༌གི༌ ཚན༌ནི༌ ནང༌ང༌ ནའ༌ ཁུར༌ན༌ ངའེ༌ ཉེ༌ཞའ༌ ཁོང༌གུན༌ ཡོད༌ས༌ ཁྱེར༌ཨིན༌།”
16 ཏེ༌ནེ༌ ཁོའེ༌ དཱ༌བིད༌ ཁོང༌གུན༌ ཡོད༌ས༌ ཁྱེརས༌ ཡང༌ ཁོང༌གུན༌ནི༌ ཨ༌མ༌ལིཀ༌པ༌གུན༌ ཟེན༌ ཐུང༌ཨིན༌ སྐྱིད༌པོ༌ ཅོ༌ཨིན༌ ཐང༌ངི༌ཀ༌ ཡན༌ཏེ༌ དུགས༌ཏེ༌ ཐོང༌ ཅིའ༌ཟེར༌ན༌ ཁོང༌གུན༌ནི༌ ལག༌ག༌ ཕི༌ལིས༌ཏི༌ དང༌ ཡ༌ཧུ༌དཱའེ༌ ཡུལ༌གུན༌ ཅོམས༌ཏེ༌ ཁྱོང༌ཁན༌ གྱུ༌ནོར༌ མང༌པོ༌ ཡོད༌པིན༌།
17 དཱ༌བིད༌ དང༌ ཁོའེ༌ མི༌གུན༌ནི༌ ཉི༌མ༌ སྐྱོད༌ཏེ༌ སྟིང༌ནེ༌ ཁོང༌གུན༌ལ༌ ནོལ༌ཅེས༌ གོ༌ཟུག༌ ཡང༌ སྟིང༌མ༌ ཞག༌གི༌ ཕི༌ཏོག༌ ཚག༌པ༌ ནོལས༌ ཡང༌ རྔ༌བོང༌གུན༌ནི༌ཀ༌ ཞོན༌ཏེ༌ ཤོར༌ཁན༌ ཞུ༌ནུ༌ 400 མ༌སྟོགས༌ ཨ༌མ༌ལིཀ༌པ༌ ཅིག༌གའང༌ ཁོང༌གུན༌ནི༌ སོན༌ཏེའ༌ མ༌བོརས༌།
18 ཁོང༌རང༌ངི༌ ན༌མ༌ ཉིས༌ཀོ༌ ཐེས༌ཏེ༌ དཱ༌བིད༌ལ༌ ཨ༌མ༌ལིཀ༌པ༌གུན༌ནི༌ ཁྱེར༌ཁན༌ ཚང༌མ༌ ལོགས༌ཏེ༌ ཐོབ༌།
19 ཅི༌ཞིག༌གའང༌ མ༌སྟོར༌,
ཆུ༌ངུན༌ ཡ༌ ཆེན༌མོ༌,
བུ༌ཚ༌ ཡ༌ བུ༌མོ༌ ཡ༌ ཅོམས༌ཁན༌ ཡ༌ ཁོང༌ངི༌ ཁྱེར༌ཁན༌ ཅི༌ཞིག༌གའང༌།
དཱ༌བིད༌དི༌ ཅི༌ཚང༌མ༌ ལོགས༌ཏེ༌ ཁྱོངས༌།
20 ཁོང༌ངི༌ ར༌ལུག༌ ཁྱུ༌ དང༌ ཞན༌ དྲུད༌གྲོའེ༌ ཁྱུ༌ གུན༌ ལོགས༌ཏེ༌ ཁྱོངས༌ ཡང༌ ཁོའེ༌ མི༌གུན༌ནི༌ ཏེ༌གུན༌ ཁོ༌རང༌གུན༌ནི༌ སང༌ སྔུན༌ལ༌ གྱབ༌ཨིན༌ ཟེརས༌,
“འི༌ ཅོམས༌ཏེ༌ ཁྱོངས༌ཁན༌གུན༌ དཱ༌བིད༌དི༌ ཨིན༌།”
21 ཏེ༌ནེ༌ ངལ༌ཏེ༌ གྲུལ༌ མ༌ཉན༌ཁན༌ མི༌ 200 དཱ༌བིད༌དི༌ བེ༌སོར༌ ལུང༌པའེ༌ ནང༌ང༌ བོར༌ཁན༌གུན༌ ཡོད༌ས༌ ཁོང༌གུན༌ ལེབ༌།
ཁོང༌གུན༌ དཱ༌བིད༌ དང༌ ཁོའེ༌ མི༌གུན༌ལ༌ ཐུག༌ག༌ བིང༌ཏེ༌ ཡོངས༌ ཡང༌ ཁོང༌གུན༌ དུན༌ལ༌ ལེབ༌བ༌ཅིག༌ དཱ༌བིད༌དི༌ ཁོང༌གུན༌ ཁམ༌ཟང༌ ཨིན༌ན༌ ཟེར༌ཏེ༌ ཏྲིས༌།
22 ཨིན༌ནའང༌ དཱ༌བིད༌དི༌ མི༌གུན༌ནི༌ ཕྲོ༌ནེ༌ ངན༌པ༌ དང༌ ཕ༌སད༌ཕིང༌ཁན༌ མི༌ ཁ༌ཅིག༌གི༌ ཟེརས༌,
“ཁོང༌གུན༌ ང༌དང༌ ཉམ༌པོ༌ མ༌སོང༌པ༌ ཁོང༌གུན༌ལ༌ ཅོམས༌ཏེ༌ ཁྱོང༌ཁན༌ནི༌ ནོར༌གུན༌ བགོས༌ཏེ༌ མི༌ཏང༌ ཨིན༌ནའང༌ ཁོང༌གུན༌ ཁོང༌རང༌གུན༌ནི༌ ན༌མ༌ དང༌ ཕྲུ༌གུ༌གུན༌ ཁྲིད༌ཏེ༌ ང༌དང༌ནེ༌ ཐག༌རིང༌ང༌ ཆ༌གོས༌།”
23 ཨིན༌ནའང༌ དཱ༌བིད༌དི༌ ཟེརས༌,
“མན༌ ངའེ༌ སྤུན༌གུན༌ ཡ༌ཝའེ༌ ང༌དང༌ང༌ སལ༌ཁན༌ གྱུར༌ནོར༌ ཉམ༌པོ༌ ཏེ༌ ཙོགས༌ ཅོ༌ མ༌གོས༌།
ཁོང༌ངི༌ ང༌དང༌གུན༌ སྐྱོབ༌བ༌ ཛད༌ཏེ༌ སྤུང༌གོལ༌ ཅོ༌ཁན༌ནི༌ མི༌གུན༌ ང༌དང༌ངི༌ ལག༌ག༌ སྟད༌ད༌ ཛདས༌།
24 ཁྱོ༌ཞའེ༌ ཟེར༌ཁན༌གུན༌ལ༌ སུའི༌ ཉན༌ཨིན༌?
ང༌དང༌གུན༌ནི༌ ཅོམས༌ཏེ༌ ཁྱོང༌ཁན༌ནི༌ ནང༌ང༌ འི༌རུ༌ ཟའ༌ཐུང༌ སྲུངས༌ཏེ༌ དུག༌ཁན༌ དང༌ ནོལ༌ལ༌ ཆའ༌ཁན༌གུན༌ནི༌ སྐལ༌ལ༌ དྲན༌དྲ༌ ཡོང༌གོས༌།
ཚང༌མའ༌ དྲན༌དྲ༌ ཐོབ༌གོས༌།”
25 ཏེན༌ན༌ ཏུས༌ནེ༌ ཕར༌ལ༌ ཏེ༌བོ༌ དཱ༌བིད༌དི༌ ཨིས༌ར༌ཨེལ༌པའེ༌ ཕིའ༌ ཁྲིམས༌ཤིག༌ ཅོས༌ ཡང༌ ཏེ༌བོ༌ དག༌སའང༌ ཡོད༌ཏེ༌ ཨིན༌ནོག༌།
26 ཟིག༌ལག༌ག༌ ལེབ༌བ༌ཅིག༌ དཱ༌བིད༌དི༌ ཅོམས༌ཏེ༌ ཁྱོང༌ཁན༌ནི༌ ནང༌ནེ༌ ཁག༌ཤིག༌ ཁོའེ༌ ཛ༌འོ༌ ཡ༌ཧུ༌དཱ༌པའེ༌ འུ༌སྐྱོང༌གུན༌ལ༌ ཀལ༌ཏེ༌ ཟེརས༌,
“ཡ༌ཝའེ༌ གྲ༌འོ༌གུན༌ནི༌ ཀ༌ནེ༌ ཅོམས༌ཁན༌ནི༌ ཕྲོ༌ནེ༌ ཁྱོ༌ཞའེ༌ ཕིའ༌ སྐྱེས༌ཤིག༌།”