ཡ༌ཝའེ༌ ས༌མུའེལ༌ལ༌ བོད༌ད༌ ཛདས༌།
3:1 ནེ༌ 21
3
ཕྲུ༌གུ༌ ཨིན༌ ཟ༌ནེ༌ ས༌མུའེལ༌ལི༌ བླ༌མ༌ ཨེ༌ལིའེ༌ ཡོག༌ག༌ ཡ༌ཝའ༌ ཞབས༌ཏོག༌ ཞུའད༌པིན༌།
ཏེ༌ཏུས༌ལ༌ ཡ༌ཝའེ༌ ཆོགས༌ནེ༌ ཞུ༌ལོན༌ དང༌ ཞལ༌ཟིགས༌ མ༌ཉུ༌ངུན༌ མ༌ནེ༌ ཐོང༌ང༌ མེད༌པིན༌།
2 ཏ༌ ཨེ༌ལིའ༌ མིག༌ནེ༌ གྱལ༌ལ༌ ཅོས༌ཏེ༌ མ༌ཐོང༌ང༌ ཧ༌ལམ༌ ཞ༌ར༌ གྱུར༌ཏེ༌ ཡོད༌པིན༌།
ཞག༌ཤིག༌ ཨེ༌ལི༌ ཁོ༌རང༌ངི༌ ནང༌ང༌ ཚན༌ལ༌ ཉིད༌ ཏངས༌ཏེ༌ ཡོད༌པིན༌།
3 ཆོད༌ཁང༌ངི༌ ནང༌ང༌ དཀོན༌མཆོག༌ག༌ ཕུལ༌ཁན༌ ཆོད༌མའེ༌ ཏ༌རུང༌ མ༌ ཤིའ༌ ཡང༌ ཡ༌ཝའེ༌ ཆད༌དོན༌ནི༌ སྒམ༌ ཡོད༌ས༌ ས༌མུའེལ༌ ཉིད༌ལོགས༌ཏེ༌ ཡོད༌ཏུས༌,
4 ཡ༌ཝའེ༌ བོད༌ད༌ ཛདས༌,
“ས༌མུའེལ༌ ས༌མུའེལ༌།”
ས༌མུའེལ༌ལི༌ ལན༌ཏངས༌,
“ཧ༌ལེ༌,
ཅི༌ སྐྱོད༌ལེ༌?”
5 ཁོ༌ ལངས༌ཏེ༌ ཨེ༌ལི༌ ཡོད༌ས༌ བང༌ཏངས༌ཏེ༌ སོང༌ ཡང༌ ཟེར༌,
“ང༌ འི༌ཀ༌ནེ༌,
ཉེ༌རང༌ངི༌ ངའ༌ བོད༌ད༌ ཛད༌པིན༌ན༌?”
ཨེ༌ལི༌ ལན༌ཏངས༌,
“ངའེ༌ མ༌ བོད༌པིན༌,
ལོགས༌ཏེ༌ སོང༌ ཡང༌ ཉིད༌ལོག༌།”
ཏེ༌ནེ༌ ཁོ༌ ལོགས༌ཏེ༌ སོང༌ ཡང༌ ཉིད༌ ཏངས༌།
6 ཡ༌ཝའེ༌ ཡང༌སྐྱར༌ བོད༌ད༌ ཛདས༌,
“ས༌མུའེལ༌,
ས༌མུའེལ༌།”
ས༌མུའེལ༌ ལངས༌ཏེ༌ ཨེ༌ལི༌ ཡོད༌ས༌ ཡང༌སྐྱར༌ སོང༌ཏེ༌ ཟེརས༌,
“ང༌ འི༌ཀ༌ནེ༌,
ཅི༌ ཉེ༌རང༌ངི༌ ངའ༌ བོད༌ད༌ ཛད༌པིན༌ན༌?”
ཨེ༌ལི༌ ཟེརས༌,
“བུ༌ཚ༌,
ངའེ༌ མ༌ བོད༌པིན༌,
ཉིད༌ཏང༌ང༌ ལོགས༌ཏེ༌ སོང༌།”
7 ས༌མུའེལ༌ལ༌ ཡ༌ཝ༌ ཨིན༌ཁན༌བོ༌ མ༌ཤེས༌ ཅིའ༌ཟེར༌ན༌ ཏ༌རུང༌ ཡ༌ཝའེ༌ ཁོའ༌ ཞུ༌ལོན༌ མ༌སལ༌ལ༌ ཨིན༌པིན༌།
8 ཡ༌ཝའེ༌ ལན༌ སུམ༌པ༌ བོད༌ད༌ ཛདས༌ ཡང༌ ས༌མུའེལ༌ ལངས༌ཏེ༌ ཨེ༌ལི༌ ཡོད༌ས༌ སོང༌ཏེ༌ ཟེརས༌,
“ང༌ འི༌ཀ༌ནེ༌ ཡོད༌ལེ༌,
ཉེ༌རང༌ངི༌ ངའ༌ བོད༌ད༌ ཛད༌པིན༌ན༌?”
ཏེ༌ནེ༌ ཡ༌ཝའེ༌ ཕྲུ༌གུའ༌ བོད༌ད༌ ཛདས༌ཏེ༌ ཨིན༌ཁན༌བོ༌ ཨེ༌ལིའ༌ ཧ༌གོ༌།
9 ཏེ༌བོའེ༌ཕིའ༌ ཁོའེ༌ ས༌མུའེལ༌ལ༌ ཟེརས༌,
“སོང༌ ཡང༌ ཡང༌སྐྱར༌ ཉིད༌ལོག༌ ཡང༌ ཀལ༌ཏེས༌ སུ༌ཞིག༌གི༌ ཁྱོ༌རང༌ང༌ བོད༌ད༌ ཛད༌ན༌ ཟེར༌,
“ཞལ༌ཏ༌ སལ༌ ཡ༌ཝ༌ལེ༌,
ཉེ༌རང༌ངི༌ ཡོག༌པོའེ༌ ཉན༌ཏེ༌ ཡོད༌།”
ཏེ༌ནེ༌ ས༌མུའེལ༌ ལོགས༌ཏེ༌ སོང༌ ཡང༌ ཉིད༌ལོགས༌།
10 ཡ༌ཝ༌ སྐྱོདས༌ཏེ༌ ས༌མུའེལ༌ ཡོད༌ས༌ ཞངས༌ཏེ༌ ཞུགས༌ ཡང༌ སྔུན༌ ཙོགས༌ལ༌ བོད༌ད༌ ཛདས༌,
“ས༌མུའེལ༌,
ས༌མུའེལ༌།”
ཏེ༌ནེ༌ ས༌མུའེལ༌ལི༌ ལན༌ཏངས༌,
“ཞལ༌ཏ༌ སལ༌ལ༌ ཛད༌,
ཉེ༌རང༌ངི༌ ཡོག༌པོ༌ ཉན༌ཏེ༌ ཡོད༌ལེ༌།”
11 ཡ༌ཝའེ༌ ས༌མུའེལ༌ལ༌ མོལས༌,
“ངའེ༌ ཨིས༌ར༌ཨེལ༌ལི༌ ནང༌ང༌ ཏེ༌ཟུག༌ ལས༌ རིག༌ ཅོ༌ཨིན༌,
ཏེ༌བོ༌ ཚོར༌ཁན༌གུན༌ ཧན༌གྲང༌ ཆེན༌།
12 ཏེ༌ ཞག༌ག༌ ཨེ༌ལི༌ དང༌ ཁོའེ༌ ནང༌ཚངས༌སི༌ གྱབ༌གལ༌ལ༌ ངའེ༌ ཟེར༌ཁན༌ ཚང༌མ༌ དྲན༌དྲ༌ གྲུབ༌ཨིན༌,
གོ༌ཟུག༌ནེ༌ སྟིང༌ཇུག༌ ཚོག༌པ༌།
13 ཏེ༌ ཁྲིམས༌ཅད༌པོ༌ ཁོའེ༌ ནང༌ཚངས༌སི༌ཀ༌ ཏུས༌གྱུན༌ ཡོང༌ཨིན༌ ཟེར༌ཏེ༌ ངའེ༌ ཁོའ༌ སྤང༌ པུད༌པིན༌ ཅིའ༌ཟེར༌ན༌ ཁོའེ༌ བུ༌ཚ༌གུན༌ནི༌ ངའེ༌ དུན༌ལ༌ ངན༌པའེ༌ ལས༌ ཅོ༌ཁན༌བོ༌ ཁོའ༌ ཚོར༌ཏེའང༌ ཁོའེ༌ ཁོང༌གུན༌ལ༌ སྐྱོང༌ མ༌སྐྱོངས༌།
14 ཏེན༌ན༌བོའེ༌ ཕིའ༌ ངའེ༌ ནའ༌ ཁུར༌པིན༌ ཨེ༌ལི༌ དང༌ ཁོའེ༌ བུ༌ཚ༌གུན༌ནི༌ སྡིག༌པ༌ ཅོ༌ཁན༌གུན༌ལ༌ སྲོག༌གི༌ ཡ༌ གྲུའི༌ ཆོད༌པ༌ གྱུད༌ཏེ༌ ཤགས༌པ༌ མི༌ ཐོབ༌།”
15 ས༌མུའེལ༌ ང༌མོ༌ ཚོག༌པ༌ མལ༌ཙེ༌ ནང༌ང༌ དུགས༌ ཡང༌ ལངས༌ཏེ༌ ཏུས༌གྱུན༌ ཙོགས༌ལ༌ ཡ༌ཝའེ༌ ཆོད༌ཁང༌ངི༌ སྒོ༌ ཕེས༌།
ཏེ༌ ཞལ༌ཟིགས༌པོ༌ ཨེ༌ལིའ༌ ཤད༌ད༌ལ༌ ཁོ༌ ཇིགས༌,
16 ཨིན༌ནའང༌ ཨེ༌ལི༌ ཁོའ༌ བོདས༌,
“ས༌མུའེལ༌ ངའེ༌ བུ༌ཚ༌།”
ས༌མུའེལ༌ལི༌ ལན༌ཏངས༌,
“འི༌ཀ༌ནེ༌ ཡོད༌ལེ༌།”
17 ཨེ༌ལི༌ ཟེརས༌,
“ཡ༌ཝའེ༌ ཁྱོ༌རང༌ང༌ ཅི༌ མོལ༌ལ༌ རག༌?
ཅི༌ཚང༌མ༌ ངའ༌ ཤོད༌།
དཀོན༌མཆོག༌གི༌ ཁྱོ༌རང༌ང༌ ཆད༌པ༌ སྲན༌ཏྲེ༌ སལ༌ཨིན༌ ཀལ༌ཏེས༌ ཁྱོ༌རང༌ངི༌ ཁོང༌ངི༌ མོལ༌ཁན༌ ཆུ༌ངུན༌ ཞིག༌གའང༌ སྦས༌ཏེ༌ བོར༌ན༌།”
18 ཏེ༌ནེ༌ ས༌མུའེལ༌ལི༌ ཨེ༌ལིའ༌ ཅི༌ཚང༌མ༌ ཤདས༌,
ཅི༌ཞིག༌གའང༌ སྦས༌ཏེ༌ མ༌བོརས༌།
ཨེ༌ལི༌ ལན༌ཏངས༌,
“ཁོང༌ ཡ༌ཝ༌ དཀོན༌མཆོག༌ ཞུགས༌ཏེ༌ ཨིན༌ནོག༌།
ཁོང༌ངི༌ ཁོང༌རང༌ ཐུགས༌ཐད༌ད༌ ཛད༌ཁན༌བོ༌ ཛད༌ཤིག༌།”
19 ས༌མུའེལ༌ ལྡན༌ཨིན༌ སོང༌ ཡང༌ ཡ༌ཝ༌ ཁོ༌ ཉམ༌པོ༌ ཞུགས༌ཏེ༌ ཡོད༌པིན༌།
ས༌མུའེལ༌ལི༌ ཟེར༌ཁན༌ ཚང༌མ༌ དྲན༌དྲ༌ གྲུབ༌ཨིན༌ སོང༌།
20 ཡང༌ ཅང༌ ཆོགས༌སི༌ དཱན༌ནེ༌ ཏངས༌ཏེ༌ ལྷོ༌ ཆོགས༌ལ༌ བེར༌ཤེ༌བ༌ ཚོག༌པ༌ ཨིས༌ར༌ཨེལ༌པ༌ ཚང༌མའེ༌,
ས༌མུའེལ༌ ཏན༌ཏན༌ལ༌ ཡ༌ཝའེ༌ ཀལ༌ལ༌ ཛད༌ཁན༌ནི༌ ལུང༌སྟོན༌པ༌ ཨིན༌ཁན༌བོ༌ ཤེས༌སད༌པིན༌།
21 ཤི༌ལོའེ༌ ནང༌ང༌ ཡ༌ཝའེ༌ ཁོང༌རང༌ ཡང༌ནེ༌ ཡང༌ སྔོན༌ ཅུག༌ག༌ ཛད༌ཏེ༌ ས༌མུའེལ༌ལ༌ ལོན༌གུན༌ སལ༌ལད༌པིན༌།