SURA PAMULANA NGGARI JAꞌI
YOHANES
Tesa nompakanoto isi sura
Topotulisi sura eꞌi Yohanes ana i Zebedeus, sambaꞌa nggari sampulu rombaꞌa anaguru i Pue Yesus. Iꞌa woꞌu topotulisi buku Yohanes bo buku Panggita.
Tempo Yohanes nantulisi surana eꞌi nariamo guru-guru agama to nompatuduki pepatuduki to nasalana. Ira nanguli Kristus daꞌa netimbali najadi manusia. Ira woꞌu nompatuduki ane tau nipakasalama mana paraluu iꞌa mompekiri katuwuna ri dunia, mana paraluu iꞌa nompotowe sanggamanusiana.
Jadi Yohanes nantulisi surana eꞌi ala mombabali pepatuduki to nasalana etu. Nipakanotona Yesus mpuꞌu-mpuꞌu netimbali najadi manusia sabana nikitana ante matana mboto. Nipakanotona woꞌu ka topomparasaya ane ira momparasaya i Pue Yesus ira kana mompotowe sanggamanusiana. Pade nipakanotona ka ira natantumo tau to nomparasaya i Pue Yesus kana mombarata katuwua mabelo sampe ri kasae-saena.
Isi sura to napokona iweꞌi:
1. Yesus mpuꞌu-mpuꞌu netimbali najadi manusia (1:1-4)
2. Topomparasaya nasintuwu belo ante Alatala bo Anana Yesus (1:5-2:27)
3. Tandaina isema ana-ana nu Alatala (2:28-4:6)
4. Topomparasaya masipato mosipotowe (4:7-21)
5. Topomparasaya Yesus mamala mombadagi kajaꞌana ri dunia bo mombarata katuwua mabelo sampe ri kasae-saena (5:1-21)