SURA KARONGGANINA NGGARI JAꞌI
PETRUS
Tesa nompakanoto isi sura
Sura i Petrus karongganina eꞌi nipakatu ka topomparasaya-topomparasaya to nantarima surana pamulana (3:1). Isi to napokona riara sura eꞌi nangewa guru-guru agama to najaꞌa pokaingguna pade to nanggeni pepatuduki to nasala. Petrus nompopatora ka topomparasaya ala mainga ka guru-guru topodawa etu. Pade iꞌa nompopatora ka ira ala mantambai momparasaya i Pue Yesus bo mantambai manjoko pepatuduki to nakonona, etumo pepatuduki to nipatolele tau-tau to nanggita i Pue Yesus mboto bo nangepe tesana.
To mpuꞌu-mpuꞌu nompakajuꞌa rara i Petrus etumo guru-guru topodawa etu nanguli i Pue Yesus daꞌa marata bali ri dunia eꞌi (3:3-4). Petrus nompakanoto i Pue Yesus daꞌapa narata bali sabana Alatala nosabara ri jaꞌi tau-tau najaꞌa ala ira rawai loga majea bo momparasaya (3:10). Tapi natantumo i Pue Yesus kana marata bali mompakaropu dunia to najaꞌa eꞌi (3:10).
Isi sura to napokona iweꞌi:
1. Petabe (1:1-2)
2. Pepatuduki ala mantambai pokainggu to nabelo (1:3-21)
3. Petrus nompopanjani ka topomparasaya ewa guru-guru topodawa (2:1-22)
4. Petrus nompopatora ka topomparasaya natantumo i Pue Yesus kana marata bali ri dunia (3:1-13)
5. Petrus nompopatora ka topomparasaya pokainggu to masipato ka ira tempo nompopea karata i Pue Yesus bali ri dunia (3:14-18)