Dade to Israel tempo padagi
149
Ratoiyata i PUE!Podademo ka i PUE dade to nabouna!
Toiyamo Iꞌa riara kasiromu topomparasaya!
2 To Israel kana madamba-damba mantora i PUE sabana Iꞌa nompajadi ira;
pue ngata Sion kana madamba-damba ri jaꞌi-Na sabana Iꞌa Magau ira!
3 Toiyamo sanga-Na ante motaro madamba-damba,
toiyamo Iꞌa ante kacapi bo rabana!
4 Sabana Iꞌa nadamba ka todea-Na,
nitulungi-Na tau-tau to naede rarana nombadagi bali-bali ira.
5 Todea Alatala kana madamba-damba sabana ira padagi,
bo modade madamba-damba njambengi ntua.
6 Ira kana mantoiya Alatala ante suara to nagai,
ante nanjoko guma to nataja ntimali,
7 ala mombabalasi tau-tau nggari ngata ntanina,
bo mombasuku pura-pura tau ri dunia.
8 Ira kana mombabalanggu magau-magau ira ante rante,
bo mombarante pangga-pangga bete ira,
9 ala mombasuku ira ewa to nipakatantu Alatala ka ira.
Powia-powia ira etu majadi pebila ka pura-pura todea-Na.
Ratoiyata i PUE!