Nabelo mpuꞌu matuwu mosinggabelo
133
Dade i Daud. Nipodade tempo nalau nantuki eo bete ri Yerusalem.Nabelo bo nasana mpuꞌu
ane todea Alatala matuwu mosinggabelo.
2 Etu nasimbayu ewa minya wongi to nasuli olina nitoli ri balengga i Harun, a
noili mpaka ri janggona,
sampe ri tambolo bajuna.
3 Etu nasimbayu ewa loi betuꞌe nggari Bulu Hermon,
nanawu ri bulu-bulu Sion.
Sabana ri setumo i PUE nompopanaꞌu rasi-Na,
etumo katuwua mabelo sampe ri kasae-saena.