Tau-tau to nipelisi netoꞌo ri Kota Yerusalem
11
Topanggeniaka-topanggeniaka nto Yahudi netoꞌo ri Kota Yerusalem. Pade todea to Yahudi nompenoa nowia nomoro ala mompakatantu nggari sampulu ongu njapo saongu njapo kana metoꞌo ri Kota Yerusalem, kota to nagasa etu. Pade sasio ongu njapo batena netoꞌo ri kota-kota ntanina. 2 Naria woꞌu tau-tau to Yahudi ntanina to nompakatantu metoꞌo ri Kota Yerusalem nggari dota ira mboto. Ira nitoiya todea ri setu.3-4 Naria todea Israel, topanggeni-topanggeni agama, tau-tau to Lewi, topokarajaa-topokarajaa ri Sapo Mpepue, bo muli-muli batua i Salomo netoꞌo ri kota-kota Bagia Yehuda, etumo ri tana ira sambaꞌa bo sambaꞌa, bo ri kota-kota ira mboto. Pade naria woꞌu tau-tau nggari muli Yehuda bo muli Benyamin netoꞌo ri Kota Yerusalem.
Eꞌimo sanga topanggeniaka-topanggeniaka todea ri Propinsi Yehuda to netoꞌo ri Kota Yerusalem:
Nggari muli Yehuda:
Ataya ana Uzia, ana i Zakharia, ana Amarya, ana i Sefaca, ana i Mahalaleel, muli Peres. 5 Pade i Maaseya ana i Barukh, ana i Kolhoze, ana i Hazaya, ana Adaya, ana Yoyarib, ana i Zakharia, muli Syela.
6 Pura-pura muli Peres to netoꞌo ri Kota Yerusalem kadeana patatu onompulu bo walu mbaꞌa tau to nabia bo naroso.
7 Nggari muli Benyamin:
Salu ana i Mesulam, ana Yoꞌed, ana i Pedaya, ana i Kolaya, ana i Maaseya, ana Itiel, ana Yesaya, 8 pade i Gabai bo Salai. Kadea ira pura-pura sioatu rompulu bo walu mbaꞌa. 9 Yoel ana i Zikhri topanggeniaka ira bo Yehuda ana i Hasenua wakele topanggeniaka ri kota etu.
10 Nggari muli topanggeni agama:
Yedaya ana Yoyarib, bo Yakhin, 11 i Seraya ana i Hilkia, ana i Mesulam, ana i Zadok, ana i Merayot, ana Ahitub to najadi balengga topanggeni agama nggaulu, 12 bo sampesuwu-sampesuwu ira to nokarajaa ri Sapo Mpepue. Kadea ira waluatu rompulu bo rombaꞌa. Pade naria Adaya ana Yeroham, ana i Pelalya, ana Amzi, ana i Zakharia, ana i Pashur, ana i Malkia, 13 bo sampesuwu-sampesuwuna to najadi topanggeniaka ira santina. Kadea ira roatu patampulu bo rombaꞌa. Pade naria Amasai ana Azareel, ana Ahzai, ana i Mesilemot, ana Imer, 14 bo sampesuwu-sampesuwu ira to najadi tadulako-tadulako to nabia bo naroso. Kadea ira satu rompulu bo walu mbaꞌa. Zabdiel ana i Gedolim najadi topanggeniaka ira.
15 Nggari tau-tau to Lewi:
i Semaya ana i Hasub, ana Azrikam, ana i Hasabya, ana i Buni, 16 i Sabetai bo Yozabad, rombaꞌa topanggeniaka tau-tau to Lewi to nombajagai pokarajaa ri sawaliku Sapo Mpepue. 17 Pade naria Matanya ana i Mikha, ana i Zabdi, ana Asaf, topopalu dade tempo nosambaya nosukuru ka i PUE; i Bakbukya, wakele i Matanya. Pade naria woꞌu Abda ana i Samua, ana i Galal, ana Yedutun. 18 Pura-pura tau to Lewi ri Kota Yerusalem, kota to nagasa etu, kadeana roatu walumpulu bo patambaꞌa.
19 Topojaga-topojaga bobaa Sapo Mpepue:
Akub, i Talmon bo sampesuwu-sampesuwu ira to nombajagai bobaa-bobaa. Kadea ira satu pitumpulu bo rombaꞌa.
20 Labi nggari ira pura-pura, todea Israel ntanina, topanggeni-topanggeni agama bo tau-tau to Lewi ntanina netoꞌo ri pura-pura kota Yehuda, ri tana ntotuꞌa ira nggaulu sambaꞌa bo sambaꞌa. 21 Tapi topokarajaa-topokarajaa ri Sapo Mpepue netoꞌo ri bagia Kota Yerusalem to nosanga ka Ofel, nikeniaka Ziha bo i Gispa.
22 Topanggeniaka tau-tau to Lewi ri Kota Yerusalem nosanga ka Uzi ana i Bani, ana i Hasabya, ana i Matanya, ana i Mikha. Uzi muli Asaf najadi topanggeniaka topodade riara Sapo Mpepue. 23 Ane topodade-topodade, naria parenta magau to nompakatantu bago ira eo-eo.
24 Petahya ana i Mesezabeel nggari muli Zerah ana Yehuda najadi wakele magau Persia riara pura-pura parakara tau-tau to Israel.
Todea ri kota-kota ri sawaliku Kota Yerusalem
25 Naria tau nggari muli Yehuda netoꞌo ri kota-kota namosu pampa-pampa ira. Naria ira netoꞌo ri Kota Kiryat-Arba bo ngata-ngatana, ri Kota Dibon bo ngata-ngatana, ri Kota Yekabzeel bo ngata-ngatana, 26 ri Kota Yesua, ri Kota Molada, ri Kota Bet-Pelet, 27 ri Kota Hazar-Sual, ri Kota Bersyeba bo ngata-ngatana, 28 ri Kota Ziklag, ri Kota Mekhona bo ngata-ngatana, 29 ri Kota En-Rimon, ri Kota Zora, ri Kota Yarmut, 30 ri Kota Zanoah, ri Kota Adulam bo ngata-ngatana, ri Kota Lakhis bo pampa-pampa namosu ri setu, pade ri Kota Azeka bo ngata-ngatana. Jadi ira netoꞌo ri kota-kota nggari Kota Bersyeba sampe narata ri Lemba Hinom.
31 Muli Benyamin netoꞌo ri Kota Geba, ri Kota Mikhmas, ri Kota Aya, ri Kota Betel bo ngata-ngatana, 32 ri Kota Anatot, ri Kota Nob, ri Kota Ananya, 33 ri Kota Hazor, ri Kota Rama, ri Kota Gitaim, 34 ri Kota Hadid, ri Kota Zeboim, ri Kota Nebalat, 35 ri Kota Lod bo ri Kota Ono, bo ri Lemba Tukang-tukang.
36 Naria bara sakuya lunu tau to Lewi nggari Bagia Yehuda to nolinja mpaka ri Bagia Benyamin.