Powia-powia manggalendu Kota Yerusalem
7
Sangga naopu tembo nipakabelo, aku nompakau tau nompataka pompiku pewobo-pewobo bobaa kota. Pade topojaga-topojaga bobaa, topodade-topodade bo tau-tau to Lewi nipakatantu nowia bago ira sambaꞌa bo sambaꞌa. 2 Aku nangonggotaka sampesuwuku i Hanani majadi topoparenta Kota Yerusalem, mosanggani ante i Hananya, balengga tantara ri petoꞌo topojaga kota. Iꞌa sambaꞌa tau to namala raparasaya bo nekou ri jaꞌi Alatala neliu nggari tau-tau ntanina. 3 Niuliku ka ira rombaꞌa, “Neꞌe rabea bobaa-bobaa Kota Yerusalem sampe matongo eo. Tempo topojaga-topojaga bobaa kota danaria ri petoꞌo pojaga ira, bobaa-bobaa etu kana rapiku bo radika polawa. Pelisimo topojaga-topojaga nggari tatongo pue ngata Yerusalem. Pakaumo ira mojaga ri petoꞌo pojaga ri kota bo ri ngayo sapo ira sambaꞌa bo sambaꞌa.”Sanga-sanga tau to natingguli nggari petoꞌo ira nipobatua
4 Kota Yerusalem naluo bo nabete, tapi todeana nakura bo daꞌapa nadea sapo nibangu. 5 Jadi Alatalaku nombawai ka aku pompekiri mompasiromu pura-pura totuꞌa ngata, topanggeniaka, bo todea biasa ala sanga-sanga ira ratulisi nantuki ira santina. Nirataku buku to nitulisi sanga-sanga tau-tau pamulana nanjili nggari petoꞌo ira nipobatua. To nirataku riara buku etu iweꞌi:
6 Eꞌimo tau-tau nggari Propinsi Yehuda to nanjili nggari Tana Babel, petoꞌo ira nipobatua, etumo tau-tau to nikeni mpalai Magau Nebukadnezar mpaka ri Tana Babel nggaulu. Pade ira etu natingguli bali mpaka ri Kota Yerusalem bo ri Bagia Yehuda, mpaka ri kota ira sambaꞌa bo sambaꞌa. 7 Ira narata mpasanggani-nggani ante i Zerubabel, Yesua, i Nehemia, Azarya, i Raamya, i Nahamani, i Mordekhai, i Bilsan, i Misperet, i Bigwai, Nehum bo i Baana.
Eꞌimo sanga-sanga to Israel etu:
8 Muli Paros, ronjobu satu pitumpulu bo rombaꞌa;
9 muli Sefaca, toluatu pitumpulu bo rombaꞌa;
10 muli Arakh, onoatu limampulu bo rombaꞌa;
11 muli Pahat-Moab, etumo muli Yesua bo Yoab, ronjobu waluatu sampulu bo walu mbaꞌa;
12 muli Elam, sanjobu roatu limampulu bo patambaꞌa;
13 muli Zatu, waluatu patampulu bo lima mbaꞌa;
14 muli Zakai, pituatu onompulu mbaꞌa;
15 muli Binui, onoatu patampulu bo walu mbaꞌa;
16 muli Bebai, onoatu rompulu bo walu mbaꞌa;
17 muli Azgad, ronjobu toluatu rompulu bo rombaꞌa;
18 muli Adonikam, onoatu onompulu bo pitumbaꞌa;
19 muli Bigwai, ronjobu onompulu bo pitumbaꞌa;
20 muli Adin, onoatu limampulu bo lima mbaꞌa;
21 muli Ater, etumo muli Hizkia, siompulu bo walu mbaꞌa;
22 muli Hasum, toluatu rompulu bo walu mbaꞌa;
23 muli Bezai, toluatu rompulu bo patambaꞌa;
24 muli Harif, satu sampulu bo rombaꞌa;
25 muli Gibeon, siompulu bo lima mbaꞌa.
26 Tau-tau nggari Kota Betlehem bo Kota Netofa, satu walumpulu bo walu mbaꞌa;
27 tau-tau nggari Kota Anatot, satu rompulu bo walu mbaꞌa;
28 tau-tau nggari Kota Bait-Azmawet, patampulu bo rombaꞌa;
29 tau-tau nggari Kota Kiryat-Yearim, Kota Kefira bo Kota Beerot, pituatu patampulu bo tolumbaꞌa;
30 tau-tau nggari Kota Rama bo kota Gaba, onoatu rompulu bo sambaꞌa;
31 tau-tau nggari Kota Mikhmas, satu rompulu bo rombaꞌa;
32 tau-tau nggari Kota Betel bo Kota Ai, satu rompulu bo tolumbaꞌa;
33 tau-tau nggari Kota Nebo ntanina, limampulu bo rombaꞌa;
34 tau-tau nggari Kota Elam ntanina, sanjobu roatu limampulu bo patambaꞌa;
35 tau-tau nggari Kota Harim, toluatu rompulu mbaꞌa;
36 tau-tau nggari Kota Yerikho, toluatu patampulu bo lima mbaꞌa;
37 tau-tau nggari Kota Lod, Kota Hadid bo Kota Ono, pituatu rompulu bo sambaꞌa;
38 tau-tau nggari Kota Senaa, tolunjobu sioatu tolumpulu mbaꞌa.
39 Eꞌimo topanggeni-topanggeni agama:
muli Yedaya nggari muli Yesua, sioatu pitumpulu bo tolumbaꞌa;
40 muli Imer, sanjobu limampulu bo rombaꞌa;
41 muli Pasyhur, sanjobu roatu patampulu bo pitumbaꞌa;
42 muli Harim, sanjobu sampulu bo pitumbaꞌa.
43 Eꞌimo tau-tau to Lewi:
muli Yesua muli Kadmiel, muli Hodewa, pitumpulu bo patambaꞌa.
44 Eꞌimo topodade-topodade ri Sapo Mpepue:
muli Asaf, satu patampulu bo walu mbaꞌa.
45 Eꞌimo topojaga-topojaga bobaa Sapo Mpepue:
muli Salum, muli Ater, muli Talmon, muli Akub, muli Hatita bo muli Sobai, satu tolumpulu bo walu mbaꞌa.
46 Eꞌimo topokarajaa-topokarajaa ri Sapo Mpepue:
muli Ziha, muli Hasufa, muli Tabaot, 47 muli Keros, muli Sia, muli Padon, 48 muli Lebana, muli Hagaba, muli Salmai, 49 muli Hanan, muli Gidel, muli Gahar, 50 muli Reaya, muli Rezin, muli Nekoda, 51 muli Gazam, muli Uza, muli Paseah, 52 muli Besai, muli Meunim, muli Nefusim, 53 muli Bakbuk, muli Hakufa, muli Harhur, 54 muli Bazlit, muli Mehida, muli Harsa, 55 muli Barkos, muli Sisera, muli Temah, 56 muli Neziah, bo muli Hatifa.
57 Eꞌimo muli batua-batua i Salomo:
muli Sotai, muli Soferet, muli Perida, 58 muli Yaala, muli Darkon, muli Gidel, 59 muli Sefaca, muli Hatil, muli Pokheret-Hazebaim bo muli Amon.
60 Kadea pura-pura topokarajaa ri Sapo Mpepue bo muli batua-batua i Salomo toluatu siompulu bo rombaꞌa.
61 Eꞌimo tau-tau to natingguli nggari Kota Tel-Melah, Kota Tel-Harsa, Kota Kerub, Kota Adon, bo Kota Imer, tapi ira daꞌa namala nompopokita ane ira muli tau-tau to Israel:
62 muli Delaya, muli Tobia, muli Nekoda, onoatu patampulu bo rombaꞌa.
63 Nggari olo topanggeni-topanggeni agama:
muli Habaya, muli Hakos, bo muli Barzilai. (Barzilai nomporongo sambaꞌa ana besi Barzilai, tau nggari Bagia Gilead, sampe iꞌa nipoposanga nantuki sanga ira santina etu.)
64 Ira nangelo sanga-sanga ira riara buku tuntu sanga-sanga ntotuꞌa ira nggaulu, tapi daꞌa nirata ira. Sabana etu ira nireke daꞌa masipato raonggotaka majadi topanggeni agama. 65 Pade gubernur Bagia Yehuda nombatagi ira manggoni panggoni to nipesomba ka Alatala to Neliu Nggagasa ane daꞌapa maria topanggeni agama to mompakatantu etu ante mompake Urim bo Tumim.a
66 Jadi kadea ntodea to nanjili nggari petoꞌo ira nipobatua etu, patampulu ronjobu toluatu bo onompulu mbaꞌa. 67 Ntanina nggari ira etu naria woꞌu batua-batua ira, nabelo ka langgai nabelo ka besi, kadeana pitu njobu toluatu tolumpulu bo pitu mbaꞌa. Pade naria woꞌu roatu patampulu bo alima mbaꞌa topodade, nabelo ka langgai nabelo ka besi. 68 Naria woꞌu jara ira pituatu tolumpulu bo aono ongu, bagal ira roatu patampulu bo lima ongu, 69 unta ira patatu tolumpulu bo lima ongu, bo keledai ira aono njobu pituatu bo rompulu onguna.
70 Naria bara sakuya mbaꞌa topanggeniaka ira santina nombawai petulungi mantulungi pokarajaa etu. Pade gubernur nombawai walu kilo bulawa, limampulu ongu panombo, bo limatu bo tolumpulu ntonga pakea topanggeni agama. 71 Pade naria bara sakuya mbaꞌa topanggeni ira santina nombawai petulungi mantulungi pokarajaa etu, kadeana satu onompulu walu kilo bulawa bo sanjobu roatu limampulu kilo salaka. 72 Pewai to niwai todea ntanina etumo satu onompulu walu kilo bulawa, satu patampulu kilo salaka, bo onompulu pitu ntonga pakea topanggeni agama.
73 Topanggeni-topanggeni agama, tau-tau to Lewi, topojaga-topojaga bobaa, topodade-topodade, sabagia nggari todea, topokarajaa-topokarajaa ri Sapo Mpepue, bo pura-pura to Israel ntanina netoꞌo ri kota-kota ira sambaꞌa bo sambaꞌa.