Muli Esau
1 Taw. 1:34-37
36
Iweꞌimo tesa muli Esau to niuli woꞌu Edom. 2 Esau nomporongo tolumbaꞌa besi to Kanaan, etumo: Ada ana Elon tau to Het, Oholibama ana Ana bo makumpu i Zibeon tau to Hewi, 3 bo i Basmat ana Ismael bo tuaꞌi i Nebayot. 4 Ada noana ka Elifas, i Basmat noana ka i Rehuel. 5 Pade Oholibama noana ka Yeush, Yaelam bo i Korah. Etumo ana-ana Esau to niote ri Tana Kanaan.6 Naopu etu Esau nompalasi tuaꞌina Yakub pade nolinjamo iꞌa mpaka ri bagia ntanina. Iꞌa nanggeni rongo-rongona, ana-anana bo pura-pura ira saongu njapo nosanggani-nggani ante pura-pura pompatuwuna bo mbara-mbara to niratana ri Tana Kanaan. 7 Esau nosimpogaꞌamo ante Yakub sabana mbara-mbara ira etu neliu nggadea sampe ira mana mamala matuwu mpasanggani. Pade tana to nipetoꞌo ira etu daꞌa nagana panggoni mompatuwu pompatuwu ira to nelabimo kadeana etu. 8 Etu sampe Esau, to niuli woꞌu Edom, nalau netoꞌo ri bagia buluna Seir.
9 Iweꞌimo tesa muli Esau, totuꞌa ntau to Edom to netoꞌo ri bagia Buluna Seir: 10-13 Rongo Esau to nosanga ka Ada nangote sambaꞌa ngana langgai to nosanga ka Elifas. Pade Elifas noana ka limambaꞌa ngana langgai, etumo: i Teman, Omar, i Zefo, i Gaetam bo i Kenas. Elifas naria rongo piarana to nosanga ka i Timna. Iꞌa noana ka sambaꞌa ngana to nosanga ka Amalek.
Rongo Esau to nosanga ka i Basmat nangote sambaꞌa ngana langgai to nosanga ka i Rehuel. Pade i Rehuel noana ka patambaꞌa ngana langgai, etumo: i Nahat, i Zerah, i Syama bo i Miza.
14 Rongo Esau to nosanga ka Oholibama, ana Ana bo makumpu i Zibeon, nangote tolumbaꞌa ngana langgai, etumo: Yeush, Yaelam bo i Korah.
15-16 Iweꞌimo muli Esau to najadi madika:
Teman, Omar, i Zefo, i Kenas, i Korah, i Gaetam, Amalek.
Ira etu puramo madika to nipomuli Elifas ana ulumbua Esau ri Tana Edom. Ira etu makumpu Ada rongo Esau.
17 Iweꞌimo muli i Rehuel ana Esau to najadi madika:
Nahat, i Zerah, i Syama bo i Miza.
Ira puramo madika to nipomuli i Rehuel ri Tana Edom, makumpu nu Basmat rongo Esau.
18 Iweꞌimo ana Oholibama rongo Esau to najadi madika:
Yeush, Yaelam bo i Korah.
Ira puramo madika to nipomuli rongo Esau Oholibama, ana besi Ana. 19 Jadi iwetu puramo sanga ana-ana Esau to niuli woꞌu Edom, pade iwetumo sanga ira to najadi madika ri Tana Edom.
Muli Seir
1 Taw. 1:38-42
20-21 Iweꞌimo muli i Seir to Hori topetoꞌo pamulana ri bagia etu:
Lotan, i Syobal, i Zibeon, Ana, i Disyon, Ezer bo i Disyan.
Ira puramo ana i Seir to Hori to najadi madika ri Tana Edom.
22 Iweꞌimo ana-ana i Lotan:
Hori bo i Heman. Sampesuwu besi i Lotan nosanga ka i Timna.
23 Iweꞌimo ana-ana i Syobal:
Alwan, i Manahat, Ebal, i Syefo bo Onam.
24 Iweꞌimo ana-ana i Zibeon:
Aya bo Ana. Ana eꞌimo to nombarata mata ue mpane ri karawa baina tempo iꞌa nompoewu keledai umana i Zibeon.
25 Iweꞌimo ana-ana i Ana:
Disyon, bo Oholibama, ana besina.
26 Iweꞌimo ana-ana i Disyon:
Hemdan, Esyban, Yitran bo i Keran.
27 Iweꞌimo ana-ana Ezer:
Bilhan, i Zaawan bo Akan.
28 Iweꞌimo ana-ana i Disyan:
Us bo Aran.
29-30 Jadi iweꞌimo sanga-sanga madika nto Hori:
Lotan, i Syobal, i Zibeon, Ana, i Disyon, Ezer, bo i Disyan.
Ira etumo madika muli nto Hori to nanggeniaka todeana ri Tana Seir.
Magau-magau nto Edom
1 Taw. 1:43-54
31 Iweꞌimo sanga magau-magau to noparenta ri Tana Edom daꞌapa naria magau nto Israel:
32 Bela ana i Beor najadi magau ri Tana Edom. Iꞌa netoꞌo ri ngata Dinhaba.
33 Naopu i Bela namate, iꞌa nisambei Yobab ana i Zerah nggari ngata Bozra.
34 Naopu Yobab namate, iꞌa nisambei i Husyam nggari tana nto Teman.
35 Naopu i Husyam namate, iꞌa nisambei i Hadad ana i Bedad to nombadagi to Midian ri Tana Moab. Hadad netoꞌo ri ngata Awit.
36 Naopu i Hadad namate, iꞌa nisambei i Samla nggari ngata Masreka.
37 Naopu i Samla namate, iꞌa nisambei i Saul nggari ngata Rehobot ri wiwi binangga.
38 Naopu i Saul namate, iꞌa nisambei i Baal-Hanan ana Akhbor.
39 Naopu i Baal-Hanan ana Akhbor namate, iꞌa nisambei i Hadar nggari ngata Pahu. Rongona nosanga ka i Mehetabeel ana i Matred bo makumpu i Mezahab.
40-43 Iweꞌimo sanga madika to nipomuli Esau, nantuki sanga todeana bo bagia to nipetoꞌo ira:
Timna, Alwa, Yetet,
Oholibama, Ela, i Pinon
i Kenas, i Teman, i Mibzar
i Magdiel bo Iram.
Ira etumo madika-madika ri Tana Edom, nisunju nantuki sanga bagia to nipetoꞌo ira.
Jadi Esau totuꞌa ntau to Edom.