झुठा सिकछा देवेवोलन के बिरोध में चेतावनी
4
1 पबितर आत्मा साफ-साफ कहत हथीन कि आवेवोला घरीa में कुछ झुठा सिकछा देवेवोलन दुस्ट आत्मवन के बस में होके झुठा सिक्छा देतथीन, आऊ ओकर चलते केतने लोगन धोखा खतथीन आऊ उ सइतान से आइल सिक्छाb के मान के मसीह के सिक्छा के छोड़तथीन । 2 ओकिन उहे छली लोगनc के चलते बहक जतथीन, आऊ ओकिन कहियो नई जानतथीन कि गलत करत हथीन कि सही करत हथीन, काहेकि ओकिन के बिवेक दागल लोहा जइसन मुवल हई ।3 ओकिन झूठो के अइसन सिखावा हथीन कि अदमिनियन के बियाह नई करेला चाही आऊ कई-कई किसिम के खाना भी नई खाएला चाही, जे खाना के सच्चाई के जानेवोलन आऊ बिसवास करेवोलन खातिर दन्यबाद साथे खायेला परमेस्वर बनउले हथीन। 4 काहेकि जे कुछु परमेस्वर बनउले हथीन, उ सब बढ़िया हई । अगर परमेस्वर के धन्यबाद दे के खाना के मंजूर करतई, त कुछ भी खाना इन्कार करे के लायक नई हई । 5 काहेकि परमेस्वर के वचन आऊ पराथना के चलते उ पबितर हो जा हई ।
दूसर बिसवासियन खातिर एगो नमुना बनिहें
6 अगर तू भइवन-बहिनियन के इ बतिया के इयाद दिलउते रहबे, त बिसवास के सच्चाई आऊ सही सिक्छा, जवन तू मानत* अइल हें, ओकरा में बढ़त बढ़त तू मसीह यीसु के सेवा बढ़िया तरी से करते रहबे । 7 बेमतलब किसा से हटल रहिहें; इ परमेस्वर के बिसवास में बढ़ेला कुछु मदत नई करतई । आऊ परमेस्वर के नजर में बढ़िया जिन्गी जीयेला अपने आप के सिखते रहिहें । 8 काहेकि कसरत करे से देह के कुछु फइदा होवा हई, बाकि सब बतिया में परमेस्वर के नजर में बढ़िया जिन्गी जीये में जादे फइदा होवा हई । इहे इ दुनिया के जिन्गी आऊ आवेवोला जिन्गी में परमेस्वर के संगे जिये के वादा देवा हई ।
9 इ बिसवासजोग बतिया हई, आऊ मंजूर करे के जोग हई। 10 इ बतिया के चलते हमिन ढेर मेहनत करली, काहेकि हमिन के आसरा जीयत परमेस्वर परे रखत हई; उहे सब आदमिनयन के आऊ खास कर के उनकरा परे बिसवास करेवोलन के मुक्ती देवेवोला हथीन ।
11 इ सब बतियन के हुकुम देहीं आऊ सिखउते रहिहें, 12 तू अभी जवान हई, इहेसे कवनो तोहरा नीच नई समझेला चाही, बाकि आपन बोली में आऊ आपन आचरन में आऊ दूसरका के पेयार-दुलार करे में, आऊ परमेस्वर पर बिसवास करे में, आऊ पबितर जिन्गी जीये में दूसर बिसवासियन खातिर एगो नमुना बनिहें । 13 जबला हम नई अबई, तबला तू सब के बीचे में वचन पढ़े में आऊ सिक्छा देवे में आऊ सिखावे में लगल रहिहें ।
14 जखनी कलीसिया के मुखिवन आपन हाथ तोहर कपार पर रख के परमेस्वर के बतिया बतावे घरी जवन बरदानd परमेस्वर तोहरा देले हथीन, ओकरा काम में लावत रहिहें । 15 इ सब बतियन के धेयान से करते रहिहें । एकरा पुर्ती करेला आपन जान के लगउले रहिहें, ताकि सब अदमिनियन तोहर बढ़तीe* के देखतथीन । 16 आपन आचरन आऊ आपन सिक्छा में चेतल रहिहें । एकरा करेला कहियो मत छोड़िहें, काहेकि अगर तू अइसन करते रहबे, त तू आपन खातिर आऊ तोहर बतिया सुनेवोलनो खातिर मुक्ती के कारण होतई* ।