थिसलुनिकि नगर के कलीसिया खातिर खास चेला पउलुस के लिखल दूसरा चिट्टी
इ चिट्ठी के परिचय
थिसलुनिकि नगर के कलीसिया खातिर पउलुस के इ दूसरा चिट्ठी में जवन कुछु आपन पहिला चिट्ठी में लिखल हई, उ सब के दोहरा के इयाद करावत हई । इ चिट्ठी में पउलुस अइसन लिखले हई कि “हे भइवन-बहिनियन, तोहिन के बिसवास बढ़ते जात हई आऊ तोहिन सब के अपनन में एक दूसर से परेम बढ़ते जात हई, इहेसे हमिन तोहिन के बारे में हर घरी परमेस्वर के धन्यबाद करत हियई। आऊ उहां के बिसवासियन के दुख-तकलिफ के घरी ओकिन के बिसवास आऊ परेम ढेर मजबुत होलई । एकर बारे में भी पउलुस परमेस्वर के धन्यबाद करत हई । इ कलीसिया के बिसवासियन ढेरे झुठा सिक्छा के बारे में सुनत हलथीन कि यीसु मसीह के दुबारा आवल हो चुकलई । इहेसे एकर बिरोध में पउलुस बतावत हई कि “हे भइवन-बहिनियन, जवन जवन सिक्छा हमिन बोली चाहे चिट्ठी के चलते सिखउले ही ओकरे में बनल रहिहं ।
इ चिट्ठी में अइसन लिखल हई कि यीसु मसीह परे बिसवास करे के चलते जेकिन तोहिन परे अत्याचार करत हथीन ओकिन हरमेसा खातिर डंड़ पउतथीन, बाकि हमिन के परभु के नाता में रहे से अमर जिन्गी मिलतई ।
इ चिट्ठी में पउलुस अइसन बतावत हई कि “कवनो तोहिन के कवनो तरी से नई ठगे, काहेकि यीसु मसीह के राजा बन के आवे के पहिले अदमिनियन बिसवास के छोड़ देतथीन आऊ जखनी पबितर आत्मा इहां से दूर हो जतई तब नास के बेटा आ जतई ।
रूप-रेखा
जोहार 1:1-2
धन्यबाद 1:3-4
सताव के घरी ढाड़स देवे के बारे में 1:5-12
यीसु मसीह के आवे के बारे में सिक्छा 2:1-17
पराथना करे के आऊ बढ़िया जिनगी जीये के सलाह 3:1-15
आखिरी जोहार 3:16-18