तिमुथियूस खातिर यीसु मासीह के खास चेला पउलुस के लिखल पहिला चिट्टी
भूमिका
इ चिट्ठी यीसु मसीह के खास चेला पउलुस जवान तिमुथियुस खातिर लिखले हई । यीसु मसीह के बढ़िया खबर सुनावे के पउलुस के पहिला यात्रा में एकर नानी आऊ माई यीसु पर बिसवास करलथीन आऊ बाद में तिमुथियुस बिसवास करलई । पउलुस के दुसरा यात्रा में तिमुथियुस भी ओकर संगे हलई ।
पउलुस तिमुथियुस के इफिसूस नगर के कलीसिया के बिसवासियन के बढ़िया तरी देख-ताक करेला उहंई रहेला कह देलई । मसीह जिन्गी में बिसवासियन कइसन जिन्गी जीये के बारे में तिमुथियुस के बिसवासियन के सिखावे खातिर पउलुस इ चिट्ठी लिखले हई । उहे घरी ढेरे लोगन मसीह के सिक्छा के बिरोध में झुठा सिक्छा देवत हलथीन । इहेसे पउलुस इ चिट्ठी में तिमुथियुस से अइसन बतावत हई कि तिमुथियुस के इ झुठा सिक्छा के बिरोध में लड़ेला चाही आऊ बिसवासियनो के सिक्छा दवेला चाही, ताकि ओकिन इ झुठा सिक्छा देवेवोलन के फाना से बचल रहतथीन । इ चिट्ठी में कलीसिया खातिर बढ़िया जिन्गी जीयेवोला मुखिवन के ठहरावे के बारे में तिमुथियुस के जनकारी देवे के बारे में भी लिखल हई । आऊ कलीसिया के मसोमतियन के कइसे देख-भाल करेला चाही ओकर बारे में भी लिखल हई ।
हमिन के कलीसियन में झुठा सिक्छा देवेवोलन आ सका हथीन । इहेसे हमिनो के एकरा परखत रहेला चाही, आऊ ओकर बिरोध में जइसे इ चिट्ठी में बतावल गलई हई, ओइसही झुठा सिक्छा के बिरोध में लड़ाई लड़ते आऊ हमिन के समाज आऊ हितनात के दबाव आऊ सताव में सच्चा सिक्छा के धइल के मसीह जिन्गी में हमिन के आखिरी दम तक बनल रहेला चाही । आऊ इ चिट्ठी पढ़े से एकरा में बनल रहेला ढ़ाढ़स आऊ हिम्मत मिलतई ।
रूप-रेखा:
पउलुस के जोहार 1:1-2
कलीसिया आऊ एकर मुखिवन खातिर सलाह 1:3-3:16
तिमुथियुस खातिर पउलुस के सलाह 4:1-6:21