Pu'asadir la taaba:
6
1 Fʋ ya'ambʋn la keŋ yaanɛ,fʋn kanɛ an pu'a kanɛ vɛnli gat pu'ab wʋsa la?
Fʋ ya'ambʋn la dɔl suokanɛ
ka ti iee o sʋŋi fɔ?
Pu'asadir la:
2 M ya'ambʋn pʋn sig o lɔmbɔn'ɔgin
ye o kaae o bʋnnyubisa tiis la.
O ieed yam linɛ bɛɛ ani la
ka la'asid na'apu'a-kʋ-si'is-ku'om vɛnla.
3 M ya'ambʋn la anɛ m din ka mam mɛ aan o din;
o gur o pɛ'ɛs la nɛ na'apu'a-kʋ-si'is-ku'om bɛ zin'isi'a la.
Dau la:
4 M ya'ambʋnnɛ, fʋ vɛnli nwɛnɛ Tiza tempʋʋg nɛ,
ka fʋ nɔŋilim nwɛnɛ Jerusalem,
ka kpi'em nwɛnɛ zabzabidibi
zanl tuuta tʋ'ʋsid tanp.
5 Fɛndigimi fʋ nindaa yii m san'an;
ka fʋ kɛ ka li maligim kpɛn'ɛm.
Fʋ zuobid la sɔbigi nwɛnɛ bʋʋsi
naan Gilead zuorin la wa'adi sigid na nɛ.
6 Fʋ nyina la pɛligi nwɛnɛ pɛpielʋg kɔnbid,
nwɛnɛ pɛ'og kanɛ ka ba sʋʋ o ka o nan dʋt na.
Yinne wʋsa mɔr o bu'ar,
yinne kae zi'e o kɔn'ɔkɔn'.
7 Fʋ gbɛ'og la nie bɔbigin la vɛnl
ka gbilisi nwɛnɛ taba kiig.
8 Na'apu'ab la bɛɛ paae pisyuobʋ,
ka pu'abibis an pisnii,
ka pu'asada zu'oe ka' kallɛ.
9 Amaa la'am nɛ wala m dawan la bɛ nɛ o kɔn',
on ma'aa aan o ma bipuŋ,
onɛ ka o du'a o ka nɔŋ o hali la.
Pu'asada la wʋsa nyɛ o ka yɛl ye o anɛ zusʋŋ sɔb;
na'apu'ab nɛ pu'abibis la wʋsa zun'od o.
Pu'asadir la taaba:
10 Anɔ'ɔnɛ nwa nɔɔd wʋʋ bɛogʋ nie?
O pɛligi vɛnl wʋʋ nwadig,
ka nie nwɛnɛ winnig nɛ,
ka nɔɔd o ya'amin wʋʋ nwadbibisi kenna.
Dau la:
11 M duoe keŋ tiis banɛ wan ka la'asi zi'e bɛdegʋ la ni
ye m gɔs tipɔla banɛ bɛ bɔn'ɔgin la,
Ye o gɔs vain vanmɛna banɛ busid la
nɛ pomanganɛt la puud bɛɛ.
12 Man ti ye m baŋ la,
ka m ya'amlɛog kpɛn'
m nidib zaba tɛrekonamin la.
Pu'asadir taaba la:
13 Lɛm na, lɛm na, fʋn kanɛ an Sulam teŋ nida!
Lɛm na lɛm na, ka ti gɔsif!
Dau la:
Bɔ ka ya bɔɔd ye ya gɔs Sulam dim pu'a la
nwɛnɛ onɛ wa'ad banɛ gɔsid la sʋʋginɛ?