29
1 Ninkanɛ zugʋ kpi'em hali ka ba sa'ali gʋ'ʋŋ la;o sɔb na gbirigi paam san'auŋ ka li maalʋg kae.
2 Pʋpiel ya'a ken tuon, li malis nɛ nidib sʋnya;
nimbɛ'og ya'a di na'am, nidib la na unsidi nɛ sʋnsa'aŋ.
3 Ninkanɛ mɔr ya'am la ma'ad o ba' sʋʋnr,
amaa onɛ dɔl pu'agɔɔnda la na dii o arezaki naae.
4 Na'akanɛ tu'asid sida la, o sʋ'ʋlim la zi'enɛ kiŋ-kiŋ,
amaa onɛ an fufum sɔb ka di'esid ligidi la na san'am teŋ la.
5 Onɛ wʋsa faasid o kpi'a ka sida kae la
bɛnd o nɛ baans linɛ na gban'e o.
6 Nimbɛ'og tʋʋmbɛ'ɛdi gban'ad o,
amaa onɛ an pʋpiel la na yʋ'ʋm ka mɔr sumalisim.
7 Onɛ an pʋpiel tisid nɔŋ dim bʋʋd,
amaa bugusim sɔb on ba'a ka' nɛ ba.
8 Ninla'asnam la tugunnɛ teŋ nidib,
amaa ya'am dim la ma'adnɛ nidib sʋnya.
9 Ya'am sɔb ya'a mɔr zɔlʋgʋ keŋ kɔɔtʋ ni,
zɔlʋg la na pian'ad pian'ayɛɛd ka maan tʋkpiidʋg ka sumbʋgʋsʋm kae.
10 Ninkʋʋdib kis onɛ an sida sɔb
ka mɔɔd ye ba kʋ burikinnam.
11 Zɔlʋg pa'annɛ o sʋnpɛɛn nyain,
amaa ya'am sɔb gban'ad o mɛŋ.
12 Na'ab ya'a kɛlisid ziri,
o na'ayikpɛm wʋsa mɛ na an nimbɛ'ɛdnam.
13 Bʋn yinne bɛ ka nɔŋdaan nɛ onɛ mugusid o taab an yinne;
Zugsɔb la niedi ba wʋsa nini.
14 Na'ab ya'a kad nɔŋdaan saria nɛ sida,
o na'am la na zi'en kiŋ-kiŋ.
15 Sisanbig nɛ sa'alʋgʋ pa'an biig ka tisid o ya'am,
fʋ ya'a bas o ka o tʋm o bɔɔdim o na diisi o ma nyan.
16 Bugusnam ya'a ken tuon, tʋʋmbɛ'ɛd mɛ nɔbigidnɛ,
amaa pʋpielnam na nyɛɛ ba liig.
17 Sa'alimi fʋ biig, ka o na kɛ ka fʋ nyɛt sumbʋgʋsʋm;
ka lɛn kɛ ka fʋ ya'amlɛog bɛɛ o san'an.
18 Zin'ikanɛ ka Wina'am nied si'elnamɛ pa'an na
nidib la bɛllim an yɔri-yɔri;
amaa sumalisim bɛ nɛ onɛ dɔlisid wada la.
19 Sankpan'as pʋ sʋm ka fʋ san'an o nɛ nɔɔr pian'ad ma'anɛ,
daasi'erɛ o na gban'e li gbin, ka lɛɛ kʋ tʋm wʋʋ lin nar si'em.
20 Fʋ nyɛ ninkanɛ pian'ad ka pʋ gu'usid laa?
Zɔlʋg mɔr ti'iri sɔn'oe ninkan la.
21 Fʋ ya'a pɔn'ɔli fʋ sankpan'as o biilimin,
li naarin la o na san'ami fʋ sʋʋnr.
22 Ninkanɛ an sʋnpɛɛn sɔb la ziid nɔŋgbannwa'ar na,
sʋnpɛɛn galisʋg sɔb kpɛn'ɛdi tʋʋmbɛ'ɛdin.
23 Tita'alim lugid ninsaal,
amaa onɛ sied o mɛŋ ka an baanlimm la nyɛt na'asi.
24 Ninkanɛ sʋŋid na'ayiig la anɛ o mɛŋ dataa;
ba na kɛ ka o pɔ amaa ka kʋ tun'e dii li sida kasɛta.
25 Fʋ ya'a zɔt ninsaal, fʋ bɛnd nɛ fʋ mɛŋ baans,
amaa onɛ tis Zugsɔb la sida na bɛ ka daamʋg kae.
26 Nidib bɛdegʋ bɔɔd ye na'ab kɛlisi ba pian'ad,
amaa li anɛ Zugsɔb la tisid ninsaal sida.
27 Pʋpiel kis onɛ an zam sɔb;
Ka bugusim sɔb mɛ kis burikin, o bɛllim an sʋ'ʋŋa la zug.