Yʋʋma
Gbauŋ nwa yɛla
Nidib kɔn'ɔb, kɔn'ɔbi sɔb Yʋʋma gbauŋ la ye ba wɔ'ɔg Wina'am bɛɛ ba nie ba pʋtɛnda tis Wina'am. Na'ab David n da yʋ'ʋm yʋʋma la bɛdegʋ. Yʋʋm sieba bigisidi Wina'am wɔ'ɔgir bɛɛ sumalisim; ka sieba mɛ bigisid sʋnpɛɛn nɛ sʋnsa'aŋ yɛla. Yʋʋm bama sʋŋidi ti nɛ ka hali baa li ya'a an si'em ti kennɛ Wina'am san'an na. Yʋʋm sieba sɔbnɛ ka nidib bɛdegʋ na nyaŋi la'asi yʋ'ʋm. Yʋʋma la wʋsa la'as nɛ kɔbiga nɛ pisnu (150) ka pʋdig zin'is anu (5). Yʋʋma zut kɔbiga nɛ pii nɛ awai (119) wa'ami gat zut banɛ kpɛlim la wʋsa ka Wina'am yʋ'ʋr mɛ bɛ pʋdigirnam la bɛdegʋ ni.