Yʋʋma
GBAUŊ KANƐ PIN'IL
Yʋʋma 1-41
Zugsɔb nidib nɛ nimbɛ'ɛdnam yɛla
1
1 Yɛlsʋm bɛ nɛ onɛ pʋ di'ed nimbɛ'ɛdnam sa'alʋgɔbɛɛ dɔl tʋʋmbɛ'ɛd dimi dɔl suosieba la,
bɛɛ nɔk o mɛŋi la'as nɛ nintʋ'ʋsnama.
2 Amaa o sʋnf bɔɔdim anɛ ye o dɔl Zugsɔb wada la
ka zamisidi li yʋ'ʋŋ nɛ nintaŋ wʋsa.
3 O sɔb nwɛnɛ tikanɛ ka ba sɛ kɔlʋg nɔɔrin nɛ,
ka li wan saŋa kanɛ nar ye li wal
ka li vaand pʋ sʋʋgida.
O ya'a maal si'el wʋsa o nyɛti li nyɔɔd.
4 Nimbɛ'ɛdnam la on ka' ala!
Ba nwɛnɛ udug
linɛ ka sisi'em da'adi ken.
5 Alazug tʋʋmbɛ'ɛd dim na paam kʋʋsbɛ'ɛd,
ba na baki ba yis ka bas pʋpielim dim la.
6 Bɔzugɔ Zugsɔb la gur pʋpielim dim la,
amaa nimbɛ'ɛdnam la kennɛ san'auŋʋn.