24
1 Da mɔr fufum nɛ bugusnama,da bɔɔd ye fʋ la'as nɛ baa;
2 bɔzugɔ ba sʋnf gban'e nɛ zaba,
ka ba nɔɔr pian'ad la ieed yɛla.
3 Ya'am mɛɛd yir,
ka agban'ad si'el gbin kɛt ka li zi'e.
4 Baŋiri kɛt ka yir la dɔɔd la pɛ'ɛn
nɛ la'asʋma nɛ kpan'am wʋsa.
5 Ninkanɛ mɔr ya'am mɔr paŋ,
ka ninkanɛ mɔr baŋir paŋ mɛ paasid.
6 Fʋ ya'a wa'ae zaba ni ieemi li suoya,
ka nyaŋir anɛ fʋn na mɔr banɛ sa'an bɛdegʋ.
7 Ya'am zu'oe galis nɛ zɔlʋgʋ na mɔri li;
bɔzugɔ o pʋ ya'ad o nɔɔr nidib sʋʋgin bɛɛ kɔɔtʋ nii.
8 Onɛ tɛn'ɛsid bɛ'ɛd
ba na buon o ye, pʋtɛn'ɛbɛ'ɛd sɔb.
9 Zɔlʋg gban'ar anɛ tʋʋmbɛ'ɛd,
ka nidib wʋsa kis nintʋ'ʋs.
10 Fʋ ya'a tadig yɛla saŋa,
fʋ sid na tadig amɛŋa!
11 Faanm banɛ wa'ae kum zin'igin la;
ka gban'e banɛ ka ba kʋʋsi ba bɛ'ɛd
ye asɛɛ ka ba kpi la.
12 Fʋ ya'a yɛl ye, “Amaa tinam zi' nɛ' yɛlaa,”
onɛ mi' linɛ bɛ ninsaal pʋtɛn'ɛrin la kʋ baŋi lii?
Onɛ guri fʋ nyɔvʋr la kʋ baŋi lii?
O kʋ yɔ sɔ' wʋsa on tʋm si'el laa?
13 M biiga, dim siind ka li an sʋm
siind linɛ an singbana la na malisi fʋ nɔɔrin.
14 Baŋim ye ya'am mɛ an sʋm tisi fʋ siig;
fʋ ya'a nyɛɛ li, fʋ mɔr ti'ir bɛog sa,
ka fʋ ti'ir la kʋ naae.
15 Da su'a digi gur ye fʋ keŋ san'am pʋpielim sɔb yir
wʋʋ tʋʋmbɛ'ɛd sɔbi tʋm si'em la,
da keŋ o yinne faaɛn o la'adɛ;
16 bɔzugɔ pʋpiel ya'a li nɔɔr ayɔpɔi, o na lɛn duoe,
amaa zam sɔb tʋʋmbɛ'ɛd na dii o.
17 Fʋ dataa ya'a li da kɛ ka li ma'ae fʋ sʋnf ka fʋ dii tigɛ;
o ya'a tu'ug, fʋn da maal sumalisim.
18 Ka ya'a ka' ala Zugsɔb la na nyɛ ka li pʋ malis oo
ka o yis o sʋnpɛɛnni fʋ dataa la san'an.
19 Da kɛ ka fʋ sʋnf zabid nɛ tʋʋmbɛ'ɛd dim la
bɛɛ fʋ bɛn'ɛd fufum nɛ bugusnam la zugɔ,
20 bɔzugɔ tʋʋmbɛ'ɛd sɔb pʋ mɔr bɛogɔ,
ka bugusnam la bugum na kpiis.
21 M biiga, zɔm Zugsɔb la ka mɛ zɔ na'ab la,
ka da la'asi fʋ mɛŋ nɛ banɛ pʋ siakid bama nɔɔrɛ,
22 ka bama ayi' la na kɛ ka san'auŋ paae ba,
ka anɔ'ɔnɛ na baŋ yɛltita'ar kanɛ yiti ba san'an na?
Ya'am dim pian'ad linɛ pɛ'ɛs
23 Ya'am dim pian'ad linɛ pɛ'ɛsi nwa:
Da kad saria nɛ baregaŋa, ka li ka' sʋm.
24 Onɛ wʋsa yɛl taal sɔb ye, “Fʋ mɔr bʋʋd,”
nidib na pɔ nɔɔri tis o ka tɛɛns wʋsa zan'as o.
25 Amaa si'el wʋsa na an sʋ'ʋŋa tis banɛ tu'asid sida la,
ba na nyɛ albareka tita'ar.
26 Nid ya'a pian' sida
li nwɛnɛ on na ʋk o fʋ zi.
27 Kuomi fʋ saman yiiga naae ka naan lɔ'ɔŋ pɔɔg;
lin nya'aŋ ka fʋ nyaan mɛɛ fʋ yir.
28 Da di ziri kasɛti zɛrigi fʋ kpi'a zaalim-zaalim
bɛɛ fʋ ya'ae fʋ nɔɔri faa tis oo.
29 Da yɛl ye, “Asɛɛ m maal o wʋʋ on maal mam si'em la,
m na yɔ dau kaŋa lɛbis wʋʋ on tʋm si'em la.”
30 M dɔl gbanya'a la pɔɔgin gaad,
ka dɔl zɔlʋg onɛ zi' gban'ar la tiis pɔɔgin;
31 ka nyɛ ka gɔn'ɔs yi zin'ig wʋsa,
mɔɔd ma'aa di'e pɔɔg la zan',
ka li kuga zaŋguom la lii digi.
32 M tɛn'ɛs man nyɛ si'el la
ka zamis ya'am li pʋʋgin, ye,
33 Onɛ yɛt ye, “Kɛl ka m gbis bi'ela, ka zɔɔnsim bi'ela
ka kpɛn'ɛsi m nu'us gɛɛgʋni vʋ'ʋs la.”
34 Amaa on bɛ gbɛɛmin la, nɔŋ na kena wʋʋ na'ayiig nɛ
ka fara kpɛn' o nwɛnɛ faandibi kena faaɛn o nɛ.