12
1 Onɛ siakid o gbɛlʋŋ nɛ sa'alʋg anɛ onɛ mɔr baŋir,amaa onɛ pʋ siakid ye ba yɛl o gbɛlʋŋ anɛ yalim.
2 Zugsɔb la sʋʋnr malis nɛ ninsʋma,
amaa o kʋʋs ya'ambɛ'ɛd sɔb la bɛ'ɛd.
3 Nid kʋ dɔl bugusim suori nyɛ zi'esim,
amaa pʋpiel kʋ lii.
4 Pu'a kanɛ mɔr zusʋŋ anɛ na'am zupibigi tis o sid,
amaa pu'a kanɛ diisid o sid nyan nwɛnɛ ban'as o sid kɔnba ni.
5 Pʋpielim sɔb gban'ar anɛ sida,
bugusim sɔb sa'alʋg mɛ anɛ dama'am.
6 Bugus pian'ad anɛ ninkʋʋr,
amaa pʋpielnam pian'adi faandi ba.
7 Ba ya'a kad bugusim sɔbi yis, o kʋ lɛb na ya'asɛ;
amaa pʋpielim sɔb yir zi'enɛ kiŋ-kiŋ.
8 Ba zun'od ninsaal nɛ o ya'am zug,
amaa ka nɛ'ɛsid banɛ pʋ tɛn'ɛsidi paad la.
9 Li an sʋm nɛ nidi na an tadim
ka tʋmmi diisid o mɛŋ,
sɔn'oe onɛ dʋ'ʋs o mɛŋ ka diib kae.
10 Pʋpielim sɔb tɛnr o bʋnkɔnbid yɛla,
amaa hali bugus nimbaanlzɔɔr anɛ zam.
11 Onɛ kuod na paam diib bɛdegʋ,
amaa onɛ yaannɛ gin zaalim-zaalim pʋ mɔr pʋtɛn'ɛrɛ.
12 Bugus bɔɔdi la'abanɛ ka bugusim dim faand la,
amaa pʋpiel ba'a nya'a ka wan walsʋma.
13 Nimbɛ'og mɛŋ pian'abɛ'ɛdi gban'ad o,
amaa pʋpiel yiti yɛla ni.
14 Ninsaal nɔɔr pian'adi tisid o bʋnsʋŋ
wʋʋ o nu'ug tʋʋma tisid o nyɔɔd si'em la.
15 Zɔlʋgʋ tɛn'ɛsid ye o suoya la an sʋm tis o,
amaa ya'am sɔb kɛlisidi sa'alʋg.
16 Zɔlʋg sʋnf pʋ ya'asid pɛligirɛ,
amaa pʋtɛn'ɛsʋma sɔb pʋ nɔkid tʋ'ʋd ka li an si'ela.
17 Sida sɔb ditnɛ kasɛta linɛ mɔr sida,
amaa ziri kasɛt sɔb pian'ad anɛ faad.
18 Onɛ pʋ gu'usid la pian'ad kunsid nɛ nwɛnɛ sʋ'ʋg nɛ
amaa ya'am sɔb pian'ad mɔri laafi kenna.
19 Sida sɔb pian'ad zi'enɛ saŋa wʋsa,
amaa ziri sɔb pian'ad pʋ yuugida.
20 Banɛ gban'e bɛ'ɛd la, ziri ma'aa bɛɛ ba sʋnya ni,
amaa banɛ pa'an yɔlisim yɛla la mɔr sumbʋgʋsʋm.
21 Yɛlbɛ'ɛd pʋ paad pʋpiela,
amaa bugus bɛ nɛ yɛla ni ma'aa.
22 Zugsɔb la kis faad dim,
amaa o ya'am bɔɔdnɛ sida dim.
23 Ya'am sɔb mɔr o baŋir o san'an baanlimm,
amaa zɔlʋg pian'ad o ya'amka'alʋg pian'ad paalʋ ni.
24 Fʋ nu'us ya'a bɔɔd tʋʋma, li na kɛ ka fʋ lieb na'ab,
amaa gbanya'am na kɛ ka fʋ lieb yammʋg.
25 Sʋnsa'aŋ tadigidnɛ nid,
amaa pian'asʋŋ bʋgʋn o sʋʋnr.
26 Pʋpiel pa'an o zua suosʋma,
amaa bugus suor kpɛn'ɛsid o nɛ mɔɔg.
27 Gbanya'a kʋ nyɛ wɛog ni'imi sɛn'ɛɛ,
amaa onɛ tʋm hali nɛ nimmua na paam mɔrim pamm.
28 Pʋpielim suor mɔr vʋm;
ka fʋ ya'a dɔlli li, fʋ kʋ kpii.