Wina'am nidib sɔsid Zugsɔb ye o guri ba
(Yʋm 14)
53
1 Zɔlʋg yɛt o pʋtɛn'ɛrin ye,“Wina'am kae!”
Ba san'am nɛ, ka ba suoya wʋsa an bɛ'ɛd;
sɔ' kae tʋm sʋm.
2 Wina'am naan arezana gɔsid saalib
ye o na nyɛ ya'am daani ba sʋʋgin
nɛ onɛ ieed on Wina'am.
3 Ayei! Sɔ' wʋsa fɛndignɛ,
ba wʋsa yʋ'ʋn san'am nɛ;
sɔ' kae tʋm sʋm,
hali baa nid yinne mɛnɛ.
4 Tʋʋmbɛ'ɛd dim la kʋ zamis ya'am?
Ba vɔnnɛ m nidib la wʋʋ saalibi vɔn sa'ab si'em la;
ka mɛ pʋn pʋ sɔsid Wina'am.
5 Amaa dabietita'ar linɛ nan zi' gban'e ba
yʋ'ʋn na paae ba hali pamm.
Wina'am na widig banɛ zabid nɛ ya la;
ya diisi ba nyan, bɔzugɔ Wina'am nɛ'ɛsi banɛ.
6 M bɔɔd ye Israel faangir naan Zion teŋin na!
Wina'am ya'a ti lɛbis o nidibi ba zin'igin,
Jakob nɛ Israel dim na mɔr sumalisim!