Winsɔsʋg linɛ na tilig nid o dataas nu'usin
54
1 Wina'am, faanmi mɛ fʋ yʋ'ʋr la zug;ka tisim bʋʋd nɛ fʋ paŋ la.
2 Wʋmmi m sɔsʋg, O Wina'am;
kɛlisimi m pian'ad linɛ yiti m nɔɔrin na.
3 Teŋ zʋŋ dimi zabid nɛ m;
nimbɛ'ɛdnam banɛ ba'a kae nɛ Wina'am la
bɔɔd ye ba kʋʋm.
4 Sida, Wina'am anɛ m sʋŋid;
Zugsɔb la kɛ ka m vʋe.
5 Kɛl ka bɛ'ɛd linɛ ka m dataas gban'ad la lɛbi ba zugin;
fʋ yɛlsida zugɔ, kɛl ka ba nyɛ san'auŋ.
6 M na maal maan linɛ an ya'amlɛog piini tisif;
M na dʋ'ʋsi fʋ yʋ'ʋr, O Zugsɔba,
bɔzugɔ li an sʋm.
7 Bɔzugɔ o yisim yɛla wʋsa ni,
ka m nini nyɛ m dataas la li si'em.