Bilidad
25
1 Ka Bilidad onɛ yi Suh na la lɛbis ye,2 “Paŋ nɛ dabiem wʋsa anɛ Wina'am din;
o kɛ ka sumbʋgʋsʋm bɛ saazug.
3 Anɔ'ɔnɛ na tun'e kaal o zabzabidib la?
Yaanɛ ka Wina'am nɛɛsim la pʋ paae?
4 Ninsaal na niŋ wala an pʋpiel Wina'am tuonnɛ?
Ninsaal biig na niŋ wala pʋ mɔr taal Wina'am tuonnɛ?
5 Nwadig nɛ nwadbibis nɛɛsim
ya'a an zaalim o nini ni,
6 ka ninsaal onɛ nwɛnɛ titan
bɛɛ zunzunr Wina'am nifin la na an wala?”