Job
16
1 Ka Job lɛbis ye,2 “Man wʋm yɛlbama buudi hali bɛdegʋ;
ya ma' ye ya bɛlisidim nɛ
ka lɛɛ maligim kpɛn'ɛsidim yɛla ni!
3 Ya yɛtim ye, ‘Fʋ pian'ayɛɛd la ka' naarɛɛ?
Bɔ kimm ka fʋ kirid ye fʋ lɛbisi ti pian'ad la?’
4 Ya ya'a aan wʋʋ man an si'em nwa,
mam mɛ naan tun'e pian' tisi ya wʋʋ yanamɛ pian'ad si'em tisidim la.
5 M naan nɔkini m nɔɔr nwa pian' kpɛmisini ya,
ka bʋgʋlinɛ ya sʋʋnr nɛ m nɔŋgban pian'ad.
6 La'am nɛ ala m ya'a pian', m niŋgbina zabir la kʋ gaadɛ;
m ya'a mɛ sinni m nɔɔr li kʋ gaadɛ.
7 Ya'a an sida, Wina'am, fʋ kɛ ka m tadignɛ hali,
fʋ widigi m yir la wʋsa.
8 Fʋ kɛ ka m lieb giinla nɛ kɔnba gʋllim,
ka li an kasɛt ye man tʋmnɛ tʋʋmbɛ'ɛd.
9 Wina'am sʋʋnr pɛlig nɛ mam ka o aansidi m zɔra-zɔra.
O nyiidim nɛ hali;
m dataa la nini mu'oe nɛ mam hali.
10 Saalib la'adim nɛ ka nɔkimi maali ba bʋnla'adir;
ba lɔbidim tampian'as
ka maal nɔɔr yinne kisigim.
11 Wina'am zaŋimi tis nimbɛ'ɛdnam,
ka lɔbimi bas pitɔɔg dim nu'ugin.
12 M daa bɛ nɛ nimma'asimin ka o kpɛn kʋʋm vuguri;
o gban'anɛ m niŋgɔɔnr ka tɛbigimɛ tud sa ka m kɔ' bur-bur.
O zaŋim nɛ ka m an wʋʋ sian'arin bʋnkɔnbʋg
13 ka tɔɔndim nɛ piema zin'is wʋsa.
O kʋnsim hali paae m sianini ka pʋ zɔt nimbaanliga
ka m ziim yii pʋbid teŋin.
14 Daar woo o sʋnf duodi nɛ man
ka o katim n gin wʋʋ zabzabid nɛ.
15 Man sɛn sʋnsa'aŋ fuugʋ libili m niŋgbina,
ka zin' teŋin ka m ti'ir kae.
16 Man kaas nɛ ka m nini mu'oe,
m nini la fʋlisi fʋlisnɛ.
17 Amaa la'am nɛ wala, m mi' ye m nu'us ka' dian'adɛ,
ka m winsɔsʋg an sʋ'ʋŋa.
18 Ateŋaa, da dii m ziim,
da kɛ ka m fabʋlʋg nwa lieb zaalim.
19 Hali nannankaŋa nwa, m kasɛta sɔb bɛ nɛ arezana ni;
ɛɛn, m nu'unwɛ'ɛd la bɛ nɛ saazug.
20 M ninta'am litnɛ bɔr-bɔr Wina'am tuon
ka m zuanam maannim siaa.
21 M bɔɔd ye m sʋndaan naan bɛɛ nwɛ' Wina'am nu'ugʋ tisim
nwɛnɛ nid nɛ o zua nɛ.
22 Yʋma fiin nwa kpɛlim
ka man na dɔl suokanɛ ka' lɛbig na la keŋ.”