Na'abanɛ ka Israel dim da nyaŋ la yʋda
12
1 Israel nidib la da nyaŋi sʋ'oe teŋ la, ka zin'in Joodan nya'aŋ, lin zaŋ Aanon bɔn'ɔgin ti paae Araba bɔn'ɔgin nɛ Hemon zuor la tuon. Ba da nyaŋ na'anam ayi' anina. 2 Na'ab Sihon da bɛnɛ Hesbon tempʋʋgin. O sʋ'ʋlim la da anɛ Gilead teŋ la pʋsʋk, lin da yi Aroa tempʋʋgin, linɛ bɛ Aanon bɔn'ɔg nɔɔrin la, ka li bɛn dɔl kɔldaug la teŋsʋk la, hali ti paae Yabok bɔn'ɔg, linɛ an Amor dim sʋ'ʋlim titɔndig la. 3 Ka lɛn sʋ'oe Araba nya'aŋ linɛ pin'il Kinɛref Tɛukʋn la paae Araba Tɛukʋn (Yaarim Tɛuk) nɛ Bet-Jesimof teŋin dɔl ya-dagɔbʋgʋ keŋ Pisig zuor la teŋir. 4 Ba da la'am nyaŋ Na'ab Og onɛ an Basan na'ab ka bɛ Asitarof nɛ Edire tempʋʋdin la. On ma'aa da kpɛlim Refa dimin la. 5 Hemon zuor la da la'am bɛ nɛ o na'am sʋ'ʋlim la ni, nɛ Saleka, nɛ Basan wʋsa ti paae Gesur nɛ Maaka hali nɛ Gilead pʋsʋk la ti paae Sihon onɛ da an Hesbon na'ab la sʋ'ʋlim titɔndigin. 6 Moses onɛ da an Zugsɔb tʋmtʋm la nɛ o nidib da nyaŋ na'anam ayi' nwa, ka zaŋi ba teŋ la tis Reuben dim nɛ Gad dim nɛ Manase dɔɔg la pʋsʋk ka li an ba sʋ'ʋlim.7 Josua nɛ o nidib mɛ da nyaŋ na'anam banɛ bɛ Joodan ya-tuona, Halak zuor linɛ kpi'e nɛ Edom sʋ'ʋlim la, hali ti paae Baal-Gad linɛ bɛ Lebanon bɔn'ɔgin Hemon zuor la teŋir la. Josua da pʋdig teŋ la tis Israel dɔɔg dim la wʋsa ka li aan ba din. 8 Teŋ kanɛ ka ba pʋdig la mɛ la'am paas teŋ kanɛ bɛ kʋkʋna zug, nɛ zuoya teŋir la, nɛ Araba bɔn'ɔg la, nɛ kʋkʋna, nɛ pipiris, nɛ Negef la wʋsa. Teŋ kaŋa da anɛ Hitti dim nɛ Amor dim nɛ Keenan dim nɛ Perizi dim nɛ Hivi dim nɛ Jebus dim teŋ. 9 Israel nidib la da nyaŋ tempʋʋd na'anam sieba nwa: Jeriko, nɛ Ai linɛ kpi'e nɛ Betel la; 10 Jerusalem nɛ Hebron; 11 Jarimuf nɛ Lakis; 12 Eglon nɛ Giza; 13 Debir nɛ Geder; 14 Horma nɛ Arad; 15 Libna nɛ Adullam; 16 Makeda nɛ Betel; 17 Tapua nɛ Hifa; 18 Afek nɛ Lasaron; 19 Madon nɛ Hazo; 20 Simiron-Meron nɛ Akisiaf; 21 Taanak nɛ Megido; 22 Kedes nɛ Jokneam linɛ bɛ Kaamel la; 23 Dor, ka li na'ateŋ da an Nafof-Dor la, nɛ Goyim linɛ kpi'e nɛ Gilgal la; 24 nɛ Tiza.
Bama wʋsa da la'as nɛ na'anam pistan' nɛ yinne.