<<    <     Kaalʋg     7     >    >> 
Fuug Sʋgʋr la yɔ'ɔgir piini
7
1 Moses n da ti' Fuug Sʋgʋr la naae la, o da bu'oe malʋŋ kpaam niŋi li, ka pɛsigi li nɛ li la'ad la wʋsa ye li an kasi tis Zugsɔb la. O mɛ da lɛn bu'oe malʋŋ kpaam niŋ maan daka la nɛ li la'ad la wʋsa.
2 Ka Israel dim tuongatib da tis maan piini. Ba da anɛ yidaannam banɛ an dɔɔg-dɔɔg tuongatib ka da gɔt nidib la kaalʋg yɛla la. Ba da la'as taaba 3 mɔr maana tɛrekonam ayuobʋ nɛ lɔlis pii nɛ ayi' kɛn Zugsɔb la tuon na. Tuongat wʋsa da mɔr lɔlig yinne ka tuongatib ayi' wʋsa la'asi mɔr tɛreko yinne. Ba da mɔr nɛ'ɛnamɛ kɛn Fuug Sʋgʋrin la na.
4 Zugsɔb la yʋ'ʋn da yɛl Moses ye, 5 “Di'em la'abama ba san'an ka li sʋŋ nɛ La'asʋg Fuug Sʋgʋr zin'ig la maalʋg. Nɔkimi ba pʋdigi tis Levi dim la ka li dɔl nɛ sɔ' wʋsa tʋʋma nar ye o di'e si'em.” 6 Dinzug, Moses da nɔk tɛrekonam la nɛ niigi la tis Levi dɔɔg dim la. 7 O da nɔk tɛrekonam ayi' nɛ niigi anaasi tis Gerson tuŋ la wʋʋ ba tʋʋma nar ye ba di'e si'em, 8 ka mɛ nɔk tɛrekonam anaasi nɛ niigi anii tis Merari tuŋ la wʋʋ ba tʋʋma nar ye ba di'e si'em. Maanmaan kpɛɛm Aaron biig Itamar da pa'annɛ ba ban na tʋm si'em. 9 Amaa Moses da pʋ nɔki tis Kohat tuŋ dim laa, bɔzugɔ ba tʋʋm da anɛ ye ba bugid la'abanɛ an kasi la ba biankimpiind zug.
10 Ban da bu'oe malʋŋ kpaam niŋ maan daka la ni la, tuongatib la da mɔri ba maana kennɛ digin maan daka la tuon, 11 bɔzugɔ Zugsɔb la da pʋn yɛl Moses ye, “Dabisir wʋsa tuongat yinne na mɔr o maan na maal maan daka la pɛsigir yɛla.”
12 Onɛ da mɔr o maan yiiga dabisir la na, da anɛ Nason onɛ an Aminadab biig, Juda dɔɔg la tuongat la. 13 On maan da anɛ anzurifa perinte linɛ tɛbis hali, nɛ anzurifa laa kanɛ mɛ tɛbis, ka li wʋsa pɛ'ɛl nɛ zɔm baanlig linɛ gɛndig nɛ kpaam ka li an zʋʋd maan; 14 nɛ sanlima laa yinne ka li pɛ'ɛl nɛ tudaar kanɛ nyu'od ka li nyuug malis la; 15 nɛ na'arapɔl yinne, nɛ pɛraug yinne, nɛ pɛribig kanɛ nan an yʋʋm yinne, maal nyu'or maan; 16 nɛ bʋribig linɛ na maal tʋʋmbɛ'ɛd maan, 17 nɛ lɔlis ayi', nɛ pɛraad anu, nɛ bʋribis anu nɛ pɛribis anu banɛ nan an yʋʋm yinne, maal taaba la'asʋg maan. Nɛ' da an Nason onɛ an Aminadab biig la maan.
18 Dabiskanɛ da pɛ'ɛs ayi' la Netanɛl onɛ an Zuar biig, Isaka dɔɔg tuongat la da mɔr o maan na. 19 On maan da anɛ anzurifa perinte linɛ tɛbisim an anzurifa kɔbiga nɛ anzurifa lakanɛ mɛ tɛbis, ka li wʋsa pɛ'ɛl nɛ zɔm baanlig linɛ gɛndig nɛ kpaam ka li an maan; 20 nɛ sanlima laa yinne linɛ tɛbisim an anzurifa ligidi piiga, ka li pɛ'ɛl nɛ tudaar kanɛ nyu'od ka li nyuug malis la; 21 nɛ na'arapɔl yinne, pɛraug yinne, nɛ pɛribig kanɛ nan an yʋʋm yinne, maal nyu'or maan; 22 nɛ bʋribig linɛ na maal tʋʋmbɛ'ɛd maan 23 nɛ lɔlis ayi', nɛ pɛraad anu, bʋribis anu nɛ pɛribis anu banɛ an yʋʋm yinne nannɛ maal taaba la'asʋg maan. Nɛ' da an Netanɛl onɛ an Zuar biig la maan.
24 Dabiskanɛ da pɛ'ɛs atan' la Eliab onɛ da an Helon biig ka an Zebulun dɔɔg la tuongat la, da mɔr o maan na. 25 On maan da anɛ anzurifa perinte linɛ tɛbisim an anzurifa gbila kɔbiga nɛ pistan' nɛ anzurifa lakanɛ ka ba mɔri misid ka li tɛbisim an anzurifa gbila pisyɔpɔi, ka li wʋsa pɛ'ɛl nɛ zɔm baanlig linɛ gɛndig nɛ kpaam ka li an maan; 26 nɛ sanlima laa yinne ka li tɛbisim an anzurifa gbila piiga ka li pɛ'ɛl nɛ tudaar kanɛ nyu'od ka li nyuug malis la; 27 nɛ na'arapɔl yinne nɛ pɛraug yinne, nɛ pɛribig kanɛ an yʋʋm yinne, maal nyu'or maan; 28 nɛ bʋribig linɛ na maal tʋʋmbɛ'ɛd maan, 29 nɛ lɔlis ayi', nɛ pɛraad anu nɛ bʋribis anu nɛ pɛribis anu banɛ an yʋʋm yinne maal taaba la'asʋg maan. Nɛ' da an Eliab onɛ an Helon biig la maan.
30 Dabiskanɛ da pɛ'ɛs anaasi la Elizu onɛ an Sediu biig ka an Reuben dɔɔg tuongat la, da mɔr o maan na. 31 On maan da anɛ anzurifa perinte linɛ tɛbisim an anzurifa gbila kɔbiga nɛ pistan' nɛ anzurifa lakanɛ ka ba mɔri misid la, ka li tɛbisim an anzurifa gbila pisyɔpɔi, ka li wʋsa pɛ'ɛl nɛ zɔm baanlig linɛ gɛndig nɛ kpaam ka li an zʋʋd maan; 32 nɛ sanlima laa yinne ka li tɛbisim an anzurifa gbila piiga pɛ'ɛl nɛ tudaar kanɛ nyu'od ka li nyuug malis la; 33 nɛ na'arapɔl yinne nɛ pɛraug yinne nɛ pɛribig kanɛ an yʋʋm yinne maal nyu'or maan; 34 nɛ bʋribig linɛ na maal tʋʋmbɛ'ɛd maan, 35 nɛ lɔlis ayi' nɛ pɛraad anu nɛ bʋribis anu nɛ pɛribis anu banɛ an yʋʋm yinne maal taaba la'asʋg maan. Nɛ' da an Elizu onɛ an Sediu biig la maan.
36 Dabiskanɛ da pɛ'ɛs anu la Selumiel onɛ an Zurisiadai biig ka an Simeon dɔɔg tuongat la, da mɔr o maan na. 37 On maan da anɛ anzurifa perinte linɛ tɛbisim an anzurifa gbila kɔbiga nɛ pistan' nɛ anzurifa lakanɛ ka ba mɔri misid la ka li tɛbisim an anzurifa gbila pisyɔpɔi, ka li wʋsa pɛ'ɛl nɛ zɔm baanlig linɛ gɛndig nɛ kpaam ka li an maan; 38 nɛ sanlima laa yinne ka li tɛbisim an anzurifa gbila piiga, ka li pɛ'ɛl nɛ tudaar kanɛ nyu'od ka li nyuug malis la; 39 nɛ na'arapɔl yinne nɛ pɛraug yinne nɛ pɛribig kanɛ an yʋʋm yinne maal nyu'or maan; 40 nɛ bʋribig linɛ na maal tʋʋmbɛ'ɛd maan, 41 nɛ lɔlis ayi', nɛ pɛraad anu nɛ bʋribis anu nɛ pɛribis anu banɛ an yʋʋm yinne maal taaba la'asʋg maan. Nɛ' da an Selumiel onɛ an Zurisiadai biig la maan.
42 Dabiskanɛ da pɛ'ɛs ayuobʋ la Eliasaf onɛ an Duodi biig ka an Gad dɔɔg tuongat la, da mɔr o maan na. 43 On maan da anɛ anzurifa perinte linɛ tɛbisim an anzurifa gbila kɔbiga nɛ pistan' nɛ anzurifa lakanɛ ka ba mɔri misid la ka li tɛbisim an anzurifa gbila pisyɔpɔi ka li wʋsa pɛ'ɛl nɛ zɔm baanlig linɛ gɛndig nɛ kpaam ka li an zʋʋd maan; 44 nɛ sanlima laa yinne linɛ tɛbisim an anzurifa gbila piiga ka li pɛ'ɛl nɛ tudaar kanɛ nyu'od ka li nyuug malis la; 45 nɛ na'arapɔl yinne nɛ pɛraug yinne, nɛ pɛribig kanɛ nan an yʋʋm yinne maal nyu'or maan; 46 nɛ bʋribig linɛ na maal tʋʋmbɛ'ɛd maan, 47 nɛ lɔlis ayi' nɛ pɛraad anu nɛ bʋribis anu nɛ pɛribis anu banɛ an yʋʋm yinne maal taaba la'asʋg maan. Nɛ' da an Eliasaf onɛ an Duodi biig la maan.
48 Dabiskanɛ da pɛ'ɛs ayɔpɔi la Elisama onɛ an Ammihud biig, ka an Efiram dɔɔg tuongat la, da mɔr o maan na. 49 On maan da anɛ anzurifa perinte linɛ tɛbisim an anzurifa gbila kɔbiga nɛ pistan' nɛ anzurifa lakanɛ ka ba mɔri misid la ka li tɛbisim an anzurifa gbila pisyɔpɔi ka li wʋsa pɛ'ɛl nɛ zɔm baanlig linɛ gɛndig nɛ kpaam ka li an zʋʋd maan; 50 nɛ sanlima laa yinne linɛ tɛbisim an anzurifa gbila piiga, ka li pɛ'ɛl nɛ tudaar kanɛ nyu'od ka li nyuug malis la; 51 nɛ na'arapɔl yinne nɛ pɛraug yinne, nɛ pɛribig kanɛ an yʋʋm yinne nannɛ maal nyu'or maan; 52 nɛ bʋribig linɛ na maal tʋʋmbɛ'ɛd maan 53 nɛ lɔlis ayi', nɛ pɛraad anu nɛ bʋribis anu nɛ pɛribis anu banɛ an yʋʋm yinne nannɛ maal taaba la'asʋg maan. Nɛ' da an Elisama onɛ an Ammihud biig la maan.
54 Dabiskanɛ da pɛ'ɛs anii la Gamaliel onɛ an Pedazu biig ka an Manase dɔɔg tuongat la, da mɔr o maan na. 55 On maan da anɛ anzurifa perinte linɛ tɛbisim an anzurifa gbila kɔbiga nɛ pistan' nɛ anzurifa lakanɛ ka ba mɔri misid la ka li tɛbisim an anzurifa gbila pisyɔpɔi ka li wʋsa pɛ'ɛl nɛ zɔm baanlig linɛ gɛndig nɛ kpaam ka li an zʋʋd maan; 56 nɛ sanlima laa yinne linɛ tɛbisim an anzurifa gbila piiga, ka li pɛ'ɛl nɛ tudaar kanɛ nyu'od ka li nyuug malis la; 57 nɛ na'arapɔl yinne nɛ pɛraug yinne, nɛ pɛribig kanɛ an yʋʋm yinne maal nyu'or maan; 58 nɛ bʋribig linɛ na maal tʋʋmbɛ'ɛd maan 59 nɛ lɔlis ayi' nɛ pɛraad anu nɛ bʋribis anu nɛ pɛribis anu banɛ an yʋʋm yinne maal taaba la'asʋg maan. Nɛ' da an Gamaliel onɛ an Pedazu biig la maan.
60 Dabiskanɛ da pɛ'ɛs awai la Abidan onɛ an Gideon biig, Benjamin dɔɔg tuongat la, da mɔr o maan na. 61 On maan da anɛ anzurifa perinte linɛ tɛbisim an anzurifa gbila kɔbiga nɛ pistan' nɛ anzurifa lakanɛ ka ba mɔri misid la ka li tɛbisim an anzurifa gbila pisyɔpɔi ka li wʋsa pɛ'ɛl nɛ zɔm baanlig linɛ gɛndig nɛ kpaam ka li an zʋʋd maan; 62 nɛ sanlima laa yinne linɛ tɛbisim an anzurifa gbila piiga, ka li pɛ'ɛl nɛ tudaar kanɛ nyu'od ka li nyuug malis la; 63 nɛ na'arapɔl yinne nɛ pɛraug yinne, nɛ pɛribig kanɛ an yʋʋm yinne maal nyu'or maan; 64 nɛ bʋribig linɛ na maal tʋʋmbɛ'ɛd maan 65 nɛ lɔlis ayi', nɛ pɛraad anu nɛ bʋribis anu nɛ pɛribis anu banɛ an yʋʋm yinne maal taaba la'asʋg maan. Nɛ' da an Abidan onɛ an Gideon biig la maan.
66 Dabiskanɛ da pɛ'ɛs piiga la Ahieza onɛ an Amisiadai biig, Dan dɔɔg tuongat la, da mɔr o maan na. 67 On maan da anɛ anzurifa perinte linɛ tɛbisim an anzurifa gbila kɔbiga nɛ pistan' nɛ anzurifa lakanɛ ka ba mɔri misid la ka li tɛbisim an anzurifa gbila pisyɔpɔi ka li wʋsa pɛ'ɛl nɛ zɔm baanlig linɛ gɛndig nɛ kpaam ka li an zʋʋd maan; 68 nɛ sanlima laa yinne linɛ tɛbisim an anzurifa gbila piiga, ka li pɛ'ɛl nɛ tudaar kanɛ nyu'od ka li nyuug malis la; 69 nɛ na'arapɔl yinne nɛ pɛraug yinne nɛ pɛribig kanɛ an yʋʋm yinne maal nyu'or maan; 70 nɛ bʋribig linɛ na maal tʋʋmbɛ'ɛd maan 71 nɛ lɔlis ayi' nɛ pɛraad anu nɛ bʋribis anu nɛ pɛribis anu banɛ an yʋʋm yinne maal taaba la'asʋg maan. Nɛ' da an Ahieza onɛ an Amisiadai biig la maan.
72 Dabiskanɛ da pɛ'ɛs pii nɛ yinne la Pagiel onɛ an Okiran biig, Aser dɔɔg tuongat la, da mɔr o maan na. 73 On maan da anɛ anzurifa perinte linɛ tɛbisim an anzurifa gbila kɔbiga nɛ pistan' nɛ anzurifa lakanɛ ka ba mɔri misid la ka li tɛbisim an anzurifa gbila pisyɔpɔi ka li wʋsa pɛ'ɛl nɛ zɔm baanlig linɛ gɛndig nɛ kpaam ka li an zʋʋd maan; 74 nɛ sanlima laa yinne linɛ tɛbisim an anzurifa gbila piiga, ka li pɛ'ɛl nɛ tudaar kanɛ nyu'od ka li nyuug malis la; 75 nɛ na'arapɔl yinne nɛ pɛraug yinne nɛ pɛribig kanɛ an yʋʋm yinne maal nyu'or maan; 76 nɛ bʋribig linɛ na maal tʋʋmbɛ'ɛd maan, 77 nɛ lɔlis ayi', nɛ pɛraad anu nɛ bʋribis anu nɛ pɛribis anu banɛ an yʋʋm yinne maal taaba la'asʋg maan. Nɛ' da an Pagiel onɛ an Okiran biig la maan.
78 Dabiskanɛ da pɛ'ɛs pii nɛ ayi' la Ahira onɛ an Enan biig ka an Naftali dɔɔg tuongat la, da mɔr o maan na. 79 On maan da anɛ anzurifa perinte linɛ tɛbisim an anzurifa gbila kɔbiga nɛ pistan' nɛ anzurifa lakanɛ ka ba mɔri misid la ka li tɛbisim an anzurifa gbila pisyɔpɔi ka li wʋsa pɛ'ɛl nɛ zɔm baanlig linɛ gɛndig nɛ kpaam ka li an zʋʋd maan; 80 nɛ sanlima laa yinne linɛ tɛbisim an anzurifa gbila piiga, ka li pɛ'ɛl nɛ tudaar kanɛ nyu'od ka li nyuug malis la; 81 nɛ na'arapɔl yinne nɛ pɛraug yinne, nɛ pɛribig kanɛ an yʋʋm yinne maal nyu'or maan; 82 nɛ bʋribig linɛ na maal tʋʋmbɛ'ɛd maan 83 nɛ lɔlis ayi', nɛ pɛraad anu nɛ bʋribis anu nɛ pɛribis anu banɛ an yʋʋm yinne maal taaba la'asʋg maan. Nɛ' da an Ahira onɛ an Enan biig la maan.
84 Ban daa bu'oe malʋŋ kpaam niŋ maan daka la zug ka zaŋi li tis Wina'am saŋa si'a la, Israel dim tuongatibi da mɔr si'eli maan maana da anɛ; anzurifa perintenam pii nɛ ayi', nɛ anzurifa laas pii nɛ ayi', nɛ sanlima laas pii nɛ ayi'. 85 Anzurifa perinte yinne tɛbisim da anɛ anzurifa gbila kɔbiga nɛ pistan' ka labanɛ ka ba mɔri misid la yinne tɛbisim an anzurifa gbila pisyɔpɔi. Anzurifa laas la wʋsa tɛbisim da la'as nɛ anzurifa gbila tusa ayi' nɛ kɔbisnaasi. 86 Sanlima laas piiga nɛ ayi' banɛ ka ba da pɛ'ɛl nɛ tudaari la, yinne wʋsa tɛbisim da anɛ anzurifa gbila piiga.
87 Bʋnkɔnbid banɛ ka ba da mɔr na ye ba maal nyu'or maan mɛ da anɛ lɔlis pii nɛ ayi', nɛ pɛraad pii nɛ ayi', nɛ pɛribis pii nɛ ayi' banɛ an yʋʋm yinne, nɛ zʋʋd maan, nɛ bʋribis pii nɛ ayi' ka li anɛ tʋʋmbɛ'ɛd maan; 88 ka linɛ pɛ'ɛs da anɛ taaba la'asʋg maan, ka li anɛ lɔlis pisi nɛ anaasi, nɛ pɛraad pisyuobʋ, nɛ bʋribis pisyuobʋ, nɛ pɛribis pisyuobʋ banɛ an yʋʋm yinne.
Nwa' da anɛ maan daka pɛsigir maan, ka ba da bu'oe malʋŋ kpaam niŋi li ka nyaan mɔri li wʋsa na maal.
89 Moses ya'a da kpɛn' La'asʋg Fuug Sʋgʋr pʋʋgin ye o sɔns nɛ Zugsɔb la, o na wʋm ka li pian'adi yit Nɔnaar Daka liŋ linɛ an suguru zin'igin la, Kerubnam ayi' la sʋʋgin. Ala ka Zugsɔb la da sɔnsid nɛ o.