Esau yaas yɛla
36
1 Nwa' pa'an Esau (onɛ zabyʋ'ʋri buon ye Edom la) yaas yɛla: 2 Esau da dii o pu'ab la ka ba an Keenan dim. O da di Ada onɛ saamme an Elon onɛ an Hitti nid la, nɛ Oholibama ka on mɛ an Ana pu'ayua ka an Zibeon yaaŋ onɛ an Hivi nid. 3 Ka o da di Basemaf ya'as, onɛ an Isimael pu'ayua ka an Nebaiof taʋn. 4 Ada da du'a Elifaz tis Esau, ka Basemaf du'a Reuel, 5 ka Oholibama du'a Jeus nɛ Jalam nɛ Kora. Bama da an Esau biis banɛ ka o da du'a Keenan sʋ'ʋlimin la. 6 Esau da nɔk o pu'ab nɛ o biis nɛ o yidim wʋsa nɛ o niigi nɛ pɛ'ɛs nɛ bʋnkɔnbid wʋsa, la'am nɛ la'abanɛ ka o paam Keenan teŋin la wʋsa, duoe keŋ teŋ kanɛ lal nɛ o pitʋ Jakob. 7 Ba la'ad la da zu'oe nɛ galis ka ba kʋ nyaŋi la'am bɛɛ. Ban da bɛ teŋ si'a la da pɔɔd ka pʋ siaki babayi' la, ba bʋnkɔnbid la zu'oe la zug. 8 Ala ka Esau (onɛ zabyʋ'ʋr buon ye Edom la), da keŋ zin' Seir zuoya teŋin la.9 Esau onɛ an Edom buudbanɛ da bɛ Seir zuoya teŋin la yaasi nwa: 10 Esau biis la yʋda nwa: Elifaz nɛ Esau pu'a Ada biigi la. Reuel mɛ da anɛ Esau pu'a Basemaf biig. 11 Elifaz biisi nwa: Teman nɛ Omar nɛ Zefo nɛ Gatam nɛ Kenas. 12 Esau biig Elifaz mɛ da mɔr pu'abil ka o yʋ'ʋr buon Timna, ka o du'a Amalek n tis o. Bama da anɛ Esau pu'a Ada biis. 13 Reuel biis da anɛ Nahaf nɛ Zera nɛ Seamma nɛ Miza. Bama da anɛ Esau pu'a Basemaf biis. 14 Esau pu'a Oholibama onɛ an Ana pu'ayua ka an Zibeon yaaŋ la, mɛ da du'a Jeus nɛ Jalam nɛ Kora tis Esau. 15 Esau yaas banɛ da an na'anam la nwa: Elifaz da an Esau bikpɛŋ ka o biis banɛ da di na'am la anɛ: Teman nɛ Omar nɛ Zefo nɛ Kenas 16 nɛ Kora nɛ Gatam nɛ Amalek. Bama da aan o yaas banɛ an na'anam Edom sʋ'ʋlimin la ka yi Elifaz tuŋʋn na ka an Ada yaas. 17 Esau biig Reuel biis banɛ da an na'anam anɛ: Nahaf nɛ Zera nɛ Seamma nɛ Miza. Bama da an na'anam Edom sʋ'ʋlimin la ka yi Reuel tuŋʋn na. Ba da anɛ Esau pu'a Basemaf yaas. 18 Esau pu'a Oholibama biis banɛ da di na'am nwa: Jeus nɛ Jalam nɛ Kora. Bama da an na'anamɛ yi Esau pu'a Oholibama onɛ an Ana pu'ayua la tuŋʋn na. 19 Bama da an Esau (onɛ zabyʋ'ʋr buon ye Edom la) biribis, banɛ da aan ba na'anam.
Seir yaas yɛla
20 Seir, onɛ an Hor nid la, da dɛŋi bɛ Seir teŋin la, ka o biribis an Lotani nɛ Soobal nɛ Zibeon nɛ Ana 21 nɛ Diseon nɛ Ezer nɛ Disean. Seir bibama da bɛ Edom ka an Hor dim na'anam. 22 Lotani biribis nwa: Hori nɛ Hemam. Timna da anɛ Lotani taʋn. 23 Soobal biribis da anɛ: Alivan nɛ Manahaf nɛ Ebal nɛ Siefo nɛ Onam. 24 Zibeon biribis da anɛ: Aya nɛ Ana. Ana kaŋa da bɛ sian'arin kemmi o saam Zibeon bʋmis ka nyɛ ka ku'otʋʋlʋg tans teŋin yit na la. 25 Ana biisi nwa: Diseon nɛ Oholibama onɛ da na Ana pu'ayua la. 26 Diseon biis da anɛ: Hemdan nɛ Esiban nɛ Itiran nɛ Keran. 27 Ezer biribis da anɛ: Bilihan nɛ Zaavan nɛ Akan. 28 Disean biis da anɛ: Uz nɛ Aran.
29 Bama da an Hor dim na'anam: Lotani nɛ Soobal nɛ Zibeon nɛ Ana. 30 Diseon nɛ Ezer nɛ Disean. Bama da an Hor dim na'anam wʋʋ ba dɔɔdi an si'em, Seir teŋin la. 31 Bama da an na'abanɛ da di na'am Edom sʋ'ʋlimin la, hali ka Israel dim nyaan ti di na'am teŋin la. 32 Bela onɛ an Beor biig la da di na'am Edom sʋ'ʋlimin. O tempʋʋg la yʋ'ʋri da buon Dinhaaba. 33 Bela n da kpi la, Jobab onɛ an Zera biig ka yi Bozira tempʋʋgin la da di'e o zin'igi di na'am la. 34 Jakob n da kpi la, Huseam onɛ yi Teman dim teŋin la da di'e o na'am la di. 35 Huseam da kpi la, Hadad onɛ an Bedad biig ka da zabi nyaŋ Midian dim Moab teŋin la, da di'e o zin'igi di na'am la. O tempʋʋg la yʋ'ʋri da buon Avif. 36 Hadadi da kpi la, Samila onɛ yii Masireka la da di'e o zin'igi di na'am la. 37 Samila n da kpi la, Sauul onɛ yi Rehobof linɛ zi'e kɔldaug gbɛ'ogʋn la da di'e o zin'igi di na'am la. 38 Sauul n da kpi la, Baal-Hanan onɛ an Akibo biig la da di'e o zin'igi di na'am la. 39 Baal-Hanan onɛ an Akibo biig la da kpi la, Hada da di'e o zin'igi di na'am la, ka o tempʋʋg la yʋ'ʋr buon Pau, ka o pu'a yʋ'ʋr buon Mehetabɛl ka o ma yʋ'ʋr buon Matired onɛ mɛ an Mezahab pu'ayua.
40 Na'anam banɛ da yi Esau tuŋʋn na la nwa, li pa'annɛ ba yʋda nɛ ba dɔɔd nɛ ban yi sʋ'ʋlim si'a na. Ba da anɛ: Timna nɛ Aliva nɛ Jetef 41 nɛ Oholibama nɛ Ela nɛ Pinon 42 nɛ Kena nɛ Teman nɛ Mibzar 43 nɛ Magdiel nɛ Iram. Bama da an Edom na'anamɛ dɔlis wʋʋ ba wʋsa da zin' teŋ-teŋ si'em la, sɔ' wʋsa nɛ o sʋ'ʋlim.
Esau, onɛ an Edom, buudi wʋsa yaab la, yɛla la.