Yiib
Gbauŋ nwa yɛla
Yiib gbauŋ la pa'annɛ ti nɛ Wina'am da dɔlis Moses ni tis o nidib la yɔlisim ban da an yammis Egipt teŋin la. Wina'am da nie o mɛŋi pa'al Moses tituugin; zin'ikanɛ ka bugum da la'aŋi dit mɔɔg ka pʋ kanbid la ni tis o suor ye o dɔl Israel dim la yis Egipt teŋin la (Zut 3). Wina'am da kɛ ka Atɛuk Zɛn'ug la ku'om buak ka ba dɔl teŋkpi'emisi gaad. Wina'am da lɛn dɔlisnɛ Moses san'anɛ tisi ba wada Sinai zuor zug. On da tisi ba wada piiga la Wina'am da lɛn tis zi'el sieba pa'annɛ ba ban na kɛɛn o san'an na si'em wɔ'ɔg o. O da bigis Moses on na maal Fuug Sʋgʋr si'em ka ba na mɔri ken ka zin'ikanɛ wʋsa ka ba zi'in ban zi'eli li ka ban nɛ Wina'am la'as taaba.