Efantu 36
Hitoosu ha hiti Esawu ti tíntiŋ ya eti Seyil
36
Ehe kiti miin ma miti Esawu (aŋa nkasok a Etom).
2 Esawu naasa púmaacul pakati Kanaan:
Ata,
ámaacul a ati Elon ati miin ma miti Het,
niŋ Oholipama,
ámaacul a ati Ana,
eesoke Sipeyon ati miin ma miti Hiw maamaa.
3 Naasa lompo Pasumat,
ámaacul a ati Ismayel,
Nepayot ahoopoo.
4 Esawu aaloo Ata naapukoo Elifas,
Pasumat naapukoo Leyuwel.
5 Oholipama naapukoo Yewus,
Yalam niŋ Kolah.
Payenkuu kayem epuuk pákayiin paka pakati Esawu payenka naapuke ka ti mah ma miti Kanaan.
6 Esawu naacoop pakaaloo niŋ epuukoo pákayiin niŋ pakaal niŋ pakan paka púlooŋ keeyem ka ti ekumpaan ya eteyoo.
Naacoop lompo pukoolee pa piteyoo,
púlukuleen pa piteyoo púlooŋ niŋ lompo hisaanumate ha hiteyoo púlooŋ eeha naataake ha ti mah ma miti Kanaan.
Naakaay ti mikee mah ápilaaŋ atuwoo Jakob.
7 Kaatuko kayinaat pikin nantoonool kamma hisaanumate ha hiteyii nihifome meemak.
Mah emma nkayeniye ma temmo samat nii ekaawoola mufomutii kati kahoonan pukoolee pa piteyii.
8 Fiyuu Esawu (aŋa nkasok a Etom) naakaaye apicaakin ti tíntiŋ ya eti Seyil.
Miin ma miti Esawu
9 Ehe kiti miin ma miti Esawu,
maamaa ati pakati Etom,
eeyeniye ya ti tíntiŋ ya eti Seyil.
10 Ehe ucaw epuuk pákayiin paka pakati Esawu:
Elifas,
akampaani ya ati aaloo Ata,
Leyuwel akampaani ya ati aaloo Pasumat.
11 Epuuk pákayiin paka pakati Elifas kayem:
Teman,
Omal,
Sefo,
Katam niŋ Kenas.
12 Elifas añii ya ati Esawu naataak lompo amiikan aal aŋa naasaye,
caacawoo Timuna.
Naapukoo akee akampaani,
akina ayem Amalek.
Payenkuu kayem keesoke Esawu niŋ aaloo Ata maamaa.
13 Ehe epuuk pákayiin paka pakati Leyuwel:
Nahat,
Serah,
Sama niŋ Misa.
Payenkuu kayem keesoke Esawu niŋ aaloo Pasumat maamaa.
14 Oholipama ámaacul a ati Ana,
eesoke Sipeyon maamaa,
naapuk Esawu epuuk ya pákayiin paka payenke:
Yewus,
Yalam niŋ Kolah.
15 Ehe písii pa peesoke pa Esawu maamaa:
Esawu añiinoo áyiin a ácook a,
Elifas,
ayem maamaa ati písii empe:
Teman,
Omal,
Sefo,
Kenas,
16 Kolah,
Katam niŋ Amalek.
Payenkuu púlooŋ kayem keesoke Esawu niŋ aaloo Ata maamaa ti mah ma miti Etom.
17 Esawu añiinoo áyiin,
Leyuwel,
ayem maamaa ati písii empe:
Nahat,
Serah,
Sama niŋ Misa.
Payenkuu púlooŋ kayem keesoke Esawu niŋ aaloo Pasumat maamaa ti mah ma miti Etom.
18 Písii empe púfulii ti Esawu niŋ aaloo Oholipama,
ámaacul a ati Ana:
Yewus,
Yalam niŋ Kolah.
19 Písii empuu púlooŋ púfulii ti Esawu (aŋa nkasok a Etom).
20-21 Kéetikine ka kakin ti mah ma miti Etom kayem pakati miin ma miti Seyil eesoke Hol maamaa.
Písii pa péefulii pa ti Seyil piyem:
Lotan,
Sopal,
Sipeyon,
Ana,
Tison,
Esel niŋ Tisan.
22 Epuuk pákayiin paka pakati Lotan kayem:
Holi niŋ Hemam.
Lotan ahoopoo ayem Timuna.
23 Ehe epuuk pákayiin paka pakati Sopal:
Aluwan,
Manahat,
Epal,
Sefo niŋ Onam.
24 Ehe epuuk pákayiin paka pakati Sipeyon:
Aya niŋ Ana.
Ana alaŋane man ti káahaaŋ tes ta naayeniye ta efaas púfali pa piti paapaa ateyoo Sipeyon.
25 Ehe epuuk Ana:
akampaani ya ateyoo Tison niŋ ámaacul a ateyoo Oholipama.
26 Ehe epuuk pákayiin paka pakati Tison:
Hemutan,
Esepan,
Italan niŋ Kelan.
27 Ehe epuuk pákayiin paka pakati Esel:
Piluhan,
Saawan niŋ Akan.
28 Ehe epuuk pákayiin paka pakati Tisan:
Us niŋ Alan.
29-30 Ehe písii pa peesoke pa Hol maamaa ti mah ma miti Etom:
Lotan,
Sopal,
Sipeyon,
Ana,
Tison,
Esel niŋ Tisan.
31 Ehe keeyeniye ka pumansa ti mah ma miti Etom táakum toko pumansa pakati Israyel:
32 Pelak añii ya ati Peyol ati saatee ya eti Tinuhapa naayeno amansa ti mah ma miti Etom.
33 Pamuusal eket ya eti Pelak,
Yopap añii ya ati Serah ati saatee ya eti Posola naatoon himansate ha.
34 Pamuusal eket ya eti Yopap,
Husam ati mah ma miti keesoke Teman maamaa naatoon himansate ha.
35 Pamuusal eket ya eti Husam,
Hatat añii ya ati Petat ati saatee ya eti Awit naatoon himansate ha.
Akina aheeke keesoke Mitiyan maamaa ti mah ma miti Mowap.
36 Pamuusal eket ya eti Hatat,
Samula ati saatee ya eti Maseleka naatoon himansate ha.
37 Pamuusal eket ya eti Samula,
Sawul ati saatee ya eti Lehopot eeyem ya ti han ha naatoon himansate ha.
38 Pamuusal eket ya eti Sawul,
Paal-Hanan añii ya ati Akepol naatoon himansate ha.
39 Pamuusal eket ya eti Paal-Hanan añii ya ati Akepol,
Hatal ati saatee ya eti Pawu naatoon himansate ha.
Aaloo caacawoo Mehetapel,
ámaacul a ati Matelet,
eesoke Me-Sahap maamaa.
40-43 Esawu (aŋa nkasok a Etom) ayem maamaa ati písii empe:
Timuna,
Aluwa,
Yetet,
Oholipama,
Ela,
Pinon,
Kenas,
Teman,
Mipusal,
Makatiyel niŋ Ilam.
Síi óo síi neeluwool faŋ eteyyo niŋ la nkakine la.