Káawincinool kilim
Ahiburu Ankale kaŋ nkasok “Hebrew”, Falans kaŋ nkasok “Hébreu”. Cikee caacaw citi Abraham niŋ miin ma miteyoo.a Nkasokii lompo pakati Israyel niŋ ekina tom Pusuwif. Kaŋ ya eteyii eyem Hiburu.
Ateeteyo Tan óo tan ánsiye co ti hilim ha hiti Pútuun pa, akina ayem Yéesub niŋ akina tom Pútuun pa.c Akina ayem ati waah wa púlooŋ weeyem wa ti púlunta pa.d
Ayaamakoola An aŋa nákup ti caacaw ca citi Pútuun pa. Ayaamakoola pánipani nasoksok eeha Pútuun pa mpusoke ha.e
Efantu Naacukaa Efantu ti púkoo eyye, ekina eyem “chapter” (ti ankale kaŋ) niŋ fotom “chapître” (ti falans kaŋ).
Esipt Caacaw mah méelaaŋut Israyel.f
Israyel Jakob niŋ Israyel an oonool a. Pútuun pa puwufane Jakob caacaw ca “Israyel”.g
Josef Ti hilim ha hiti Pútuun pa, pakan kéelinke nkasokee Josef, keehaŋee ka kameye kayem:
1. Josef, añii ya eewase ya ŋaasuwan niŋ oonool ati Jakob.h Akina lompo faafoo naahaŋe pálafi.i Náayenoonii ati hikaw enfakat ti mah ma miti Esipt.j
2. Josef, Mari íññaa ya ati Yéesu áyiinoo. Páhinoo apempeŋa pupapaloo (ákalafinteel).k Náafulii ti miin miti amansa ya Dawid.l
3. Josef, ati saatee ya eti Alimataay, áyiin usaanum. Akina ayeniye akee ti ñíhampaatiin ña pakati Israyel Naayeno an eecoonoole náayinan ti Yéesu. Akina ahoke Yéesu.m
Kaaciin Ti caanak ca citi Abraham niŋ miin ma miteyoo, pakan paka uciin nkalut kapuwaaseen Pútuun pa.n Niŋ pínankiin nkalut uciin wa.
Káahaaŋ tes Ankale kaŋ nkasok “desert”, falans kaŋ nkasok “désert”. Eháaŋ enfakat eetaakut man niŋ punuun, neemeeŋ haafol. An akinut po.
Kanakan Falans kaŋ nkasok “circoncision”, Ankale kaŋ nkasok “circumcision”, Emantiŋ ya nkasok “surna”.
Maleekoo Pumaleekoo pa piyem pupoñapoñ pa piti Pútuun pa. Pumaleekoo empuu pineetaat pakan fo kunuu. Pútuun pa piliile po. Mpupoñ po pípihin páhin etempo: samat nii kaamankool pakan etempoo niŋ ekina tom écoopii ekooŋan ti an.p
Písiyool Hilim heecenkee ti pakan pákasupak niŋ ekina tom kayoŋ. Niŋ kéyyoo ti kaapii ka kiti Pútuun pa niŋ unaa, pikina mpisiiŋan fa nihiñaŋee fa hicoopuyee.
Ti hilim ha hiti Pútuun pa, písiyool waah weetaake nafaa meemak. Pútuun pa himuum etempo pisiiŋane písiyool niŋ pakan kéelinke, samat nii Noweq niŋ Abraham.r Isaak atoone písiyool pa empa Pútuun pa mpiliile pa niŋ paapaa ateyoo Abraham;s Jakob naatoon písiyool pa lompo ti paapaa ateyoo Isaak.t
Pucoonool Pútuun pa lamma pucoonoole. An apucoonool, añaŋaa hicuku tak samat nii fa Pútuun pa mpílafiye fa apucuk.
Púlunta pa Emantiŋ ya nkasok “Dúniyaa ya”.