Páhin 9

Efantu 9

Káyinan ka kiti Sóol ti Yéesu

Ti oom caanak, Sóol, eesayane ya himukuyee ha hiti Stíifan, naatowo ti kaafeyanool ti hisoku nii afaamuk pinapana pa pakati . Naakaay pati 2 apusokoo nii akiicoo pileetal piti ñíhampaatiin ña pakati pa piti pa ti saatee ya eti Damas. Pileetal empuu efipuwufanoo sempe siti pinako ti púluumuma pa, ancuk iyyema atookaa po keeyem ka ti Pítin pa piti Yéesu, man me pákayiin niŋ pakaal, naacokii naacoopii . 3 Akina ti pítin pa apulohan Damas, tokotoko ecaaŋ néefulii patiila néeyayii teyoo néekinkooloo. 4 Sóol naanow t’etaam, náasi hilim heesokoo: “Sóol, Sóol, weyme uwune áyyemiyam ti kaakallan?” 5 Sóol naacakan: “Awe yem ayme, Ateeteyo?” Hilim ha nihiñahanoo: “Inci yem Yéesu aŋa ayyem ya ti kaakallan. 6 Fiye lito nkaay pati saatee ya, aafakamanee eeha aññaŋe ha íhinu.”

Sóol Sóol - weyme uwune áyyemiyam ti kaakallan?

Awe yem ayme Ateeteyo?

Sóol Sóol - weyme uwune áyyemiyam ti kaakallan?

Awe yem ayme Ateeteyo?

Inci yem Yéesu aŋa ayyem ya ti kaakallan. Naanow t’etaam náafuum kamma patiim ecaaŋ ya.

Sóol Sóol - weyme uwune áyyemiyam ti kaakallan?

Awe yem ayme Ateeteyo?

Sóol Sóol - weyme uwune áyyemiyam ti kaakallan?

Awe yem ayme Ateeteyo?

Fiye lito kaay pati saatee ya, aafakamanee eeha aññaŋe ha íhinu.

Sóol Sóol - weyme uwune áyyemiyam ti kaakallan?

Awe yem ayme Ateeteyo?

Sóol Sóol - weyme uwune áyyemiyam ti kaakallan?

Awe yem ayme Ateeteyo?

7 Pákayiin paka keeyeniye ka pinapool niŋ Sóol nkaŋaŋo. Nkási hilim ha pale kacukut an. 8 Sóol naalito la naanowe la pale ta náapankine ta ñíkinoo acukut waah. Nkátintiŋanoo kapinako Damas. 9 Náafuum fo kunoom káhaaciil aliit waah alaanut.

10 Toko Damas, intaako anapana aŋa nkasok Anañas. Ateeteyo náafulii teyoo pucuk fiye nii éyawut, naasokoo: “Anañas!” Anañas naañahanoo: “Eheeyam Ateeteyo.” 11 Ateeteyo naasokoo: “Lito nkaay ti pítin pa empa nkasok pa 'Pítin Peecoonoole', innako ti ekumpaan ya eti Yutas, incakan áyiin a aŋa éefulii ya ti saatee ya eti Taas aŋa nkasok ya Sóol. Kaatuko oopa ti kaluum féefiye. 12 Pucuk fiye nii ti éyawut, naacuk áyiin aŋa nkasok Anañas, náanakoonii naalemp sipeesoo teyoo kati añoho ti hicuku.”

13 Anañas naañahanoo: “Ateeteyo, hícump pakan kakamanaam-kaman heenaput ha púlooŋ eeha áyiin aŋuu naayeniye ha íhinu Jerusalem, pakani . 14 Akéyyookey le, kawufanoowufan sempe siti hicoku payenka púlooŋ nkaluum ka ti caacawi.” 15 Pale Ateeteyo naasokoo: “Kaay, kaatuko inci mamaloo kati acoop caacawam ti niŋ pumansa pa niŋ lompo ti pakati . 16 Inci himuumam fáyisanoo kúnuul ka púlooŋ enka naañaŋe ka hicuku kamma caacawam.”

17 Púful toko, Anañas naalito naakaay naanako lati ekumpaan ya la Sóol naayem la, naalemp sipeesoo teyoo naasokoo: “Sóol atoomuu, Ateeteyo Yéesu ápoñiyaam, éefulii ya ti awe ti pítin pa, awe ti ékey ya le. Apóñiyaampoñ ancuk aañohiyaa ti hicuku immeeŋanee niŋ .” 18 Tokotoko, waah weecuke nii puwes núufulii ti Sóol ñíkinoo núunowii, naañoho ti hicuku. Naalito náahinee . 19 Apipa hili, sempeyoo ínsiñohoonii.

Kakalaŋan ka kiti Sóol Damas

Eehuu hipimuus, Sóol naayeno po Damas kikee kunoom niŋ pinapana pa. 20 Tokotoko náayaañ káatuunan ti pa piti pa apusok nii, Yéesu ayem Añii Pútuun. 21 Kéesiyoo ka púlooŋ ínnimii nkacakan: “Fo aŋe tom ayeniye kaakallan payenka nkaluum ka ti caacaw Yéesu? Fo ákeyyoot hicokuyii kati awufanii ?” 22 Pale Sóol naahaŋ toko naataake sempe, náayisan picaaŋ cataŋ Pusuwif pa keekine ka Damas nii, Yéesu ayem . Kámiit eeha efikañahanoo.

23 Po hátikin, Pusuwif pa nkateŋenool kati kamukoo. 24 Hánant hanakan, nkayeniyoo cíllopa ti ñutum saatee ya kati kamukoo, pale Sóol náasi ho. 25 Ti oom caanak, pinapana pa pakati Sóol nkacoopoo níhanant, nkaŋes kasekeyu nkanakanoo tenko nkáyuuŋanoo, nkawananoo ti hiniŋ ha hiti saatee ya.

Sóol ti saatee ya eti Jerusalem

26 Ta Sóol naacole ta naayoop hinanfu pinapana pa, pale poko púlooŋ káhaañiitoo kaatuko an áyinanut nii pánipani Sóol anapana. 27 Fiye, Barnabas naacoopoo nkakaay pati pa. Barnabas naakamanii eehe: “Ti pítin pa Sóol acukaacuk Ateeteyo, Ateeteyo náakup neyoo. Po Damas Sóol náatuunan niŋ híyiinate ti caacaw ca citi Yéesu.” 28 Písik ti oom caanak Sóol naayeno neyii, naamuusool Jerusalem, náatuunan niŋ híyiinate ti caacaw ca citi Ateeteyo. 29 Napaakool-paakool niŋ pa payenka nkákup ka Kilek náalaacinool neyii pale poko, nkayeno hiŋes puume éfikahin kapumukoo. 30 Kéeyinane ka kápisi eehuu, nkacoop Sóol ti saatee ya eti Sesaale, púful toko nkáhin apikaay ti saatee ya eti Taas.

31 Fiye, kéeyinane ka nkayeno ti kásuumaay ti mah ma miti púlooŋ, niŋ , káyinan ka kiteyii nkihaŋ toko nkitaake sempe. Ti eloŋ ya eteyii nkafe Ateeteyo, nkíhaañiyanii. Fiyuu nkayeniye épenanoyii.

Káakuuñanee ka kiti Enee

32  naakaawool pan óo pan, hikee hinoom naakaay ti saatee ya eyya nkasok ya Lita hiyoop . 33 Toko, naacuk páhut áyiin aŋa nkasok Enee, eeyinaat pilito ti ecunkun ya eteyoo fo sitiil isak niŋ síhaaciil. 34 Piyeer naasokoo: “Enee, Yéesu Krista ákuuñanuu, lito intan ecunkun ya etii!” Tokotoko Enee naalito. 35 Pakan paka púlooŋ keekine ka ti pisaatee pa piti Lita niŋ Salon nkacuk eehuu nkánanfii ti .

Kalitanee ka kiti Tapita ti eket ya

36 Intaako aal ti pinapana pa pakati Yope, caacawoo Tapita (ti kaŋ ya eti Kilek, Tookas, ekina eyem “himisawoot”). Eloŋoo púlooŋ likee tom fo íhinu heenape niŋ kayankanan keeleke ka. 37 Ti oom kunoom, náakuuñ halapat naaket. Nkañow ehunuŋ ya nkahintan yo ti ékaap eeyem patiila. 38 Páawoo pisaatee pa piti Lita niŋ Yope pílaaŋoolut, pinapana pa pakati Yope kápisi nii oopa Lita nkapoñ pákayiin pákasupak kapica kaluum Piyeer: “Ponket kéy tokofiye!” 39 Piyeer naalito naanapool neyii. Apucol nkacoopoo ti ékaap ya eti patiila. Piyaaŋat pa púlooŋ payenka pákayiinii keekete ka nkalohoo niŋ pukooŋ nkáyisanoo kúsool ka niŋ wañ ewwa Tookas naacife wa akina kaloŋayoo. 40 Piyeer náafulanii poko púlooŋ tíkitaaŋ, náakilipo naaluum. Apipa náayesoonii lipa ti ehunuŋ ya naasok: “Tapita lito.” Aal a náapankin ñíkinoo, apucuk Piyeer naalito naayeno. 41 Piyeer náasisikanoo apisiiŋo. Púful toko, naayonkal niŋ piyaaŋat pa náayisaniiyoo kaloŋa. 42 Eehuu níhisiyo ti saatee ya púlooŋ eti Yope, hícump pakan nkáyinan ti . 43 Piyeer naakampan Yope lati áyiin apaalaha aŋa nkasok Simon.