Babel om Mti
18:1-20
18
Sba oko fo tet thot malaikat wat kdie mre wais wahin wi wayehet ago. Ou ekei wfle wkanas// wslonti fle mabe wsiokti ni. Whnak fobi kom mhak fe hra ou wfe fle kohok om. 2 Ou wsalo kaf kat wadien wsalo fle wto:“Mti wale [ala bir, ala kowa, aldiris kat, at sre kat,dll], Babel om kota mafle okom mti wale!
Mabe wale wi hra/mabe koli yiyaka yese,
wi hra yiwua yiyaka kadio kat ylak diaman,
wi hra klen yisgia kadio kat ei ybalowain, a
klen hra ..
3 Fe hra na sa marok kadio kat ei yoko wale
Babel mfe twok, ykashok ymdo yidien om.
Raja warok yik fobi ke ei ysiok wale dlok yidien om,
nai yisafo ni yik fobi ke ei ykohok fe hrien wlibi yehin om mak.” b
4 Ofo tet toso salo wat kdie mrem mahin wi mayehet mto:
“Woi, tfe na nan, nein kat, nhok kat, nehinti kat mbariomo om okom,
se bo nan nnok deri nwien fot satian ei mrei,
se bo ye nnok deri kafir yba fot nan. c
5 Fe hra satian yfe ei ylak tatik wale kayi de yse yik ago,
yidien Nago wnok wale ei yfe ni yisgia yiyaka ei. d
6 Ntriesi man om, msadiak mde fot le om mtriesi wa nan,
madien nhnak man mao lak mkeben eye mtatol madien ni hra om msiok ekei.
Nskafaek kat la man om mao lak man met okom mska fsiak-sak; e
7 Nhnak kat la man om ybalifis mhlet yife oko,
yrok kayi yde mfe fle yidien mmnet, hra om msiok wale ei.
Fe hra om mto mak mabri mto;
"Tet tleli tde ratu,
tet tsemit dait,
yidien tet tke tbalifis lok dait."
8 Mde hra oko le ma kafir ekei bo yka kadio kat yidien tali mres,
o le ma mkahlibo-laba*** mbalifis madien katot fleu.
Mde bo om yrit madien sala,
fe hra Sma Nago wkanas, mde whirit om.” f
9 Mde raja hra yik fobi kei hra siok-sak fot wale kashok hra na dli mdo yfe, yowa leis??? / lis??? fe kota okom mabe ei yhot sala mbi mat kat walem. 10 Ei ykro ykadlo kat fe yeliek ni hra yhlet ekei mde ei yto:
“Mala amo, mala amo kota hra mafle,
Babel, woi kota hra mkanas,
fe hra tali mkedi mres deri ofo yhirit ro kat nen. g
11 Yidien na ksa hra yiriere*** tar-tar yik fobi ke ei yowa ytiksa*** kadio kat fe ou wabe na mre wak oli dait ko yibe ykain ei yfe hrien, h 12 hrien hra yriere*** twa o le ma yehin emas yidien perak, permata yidien mutiara, yidien fot not lenan ylede*** yidien not yhibua, yahin*** sutera yidien not yhen bakbis, ni warok kadio kat wahin wkoit sak-sak yrnoin kadio kat, ni warok kadio kat wahin gajah ytawadio, warok wahin fot wkoit hra yeit pitis yrok ei, yehin tembaga yidien pualam, i 13 yfalek yiwas ei yidien rempah-rempah, wangi-wangian???, mur yidien kemenyan???/dupa???, twok anggur, minyak, tepung smoyok*** yidien gandum, sapi, domba, kuda yidien kereta, kawor yidien na tkoin yiwua.
14 Yidien bo ei yto;
Ni hra nbahoin ei ydain kadio kat wale,
yidien ni kadio kat hra yibot nfle fe ei
yisak wale yehinti kat nen
yidien ntiere fe oli dait.
15 Yikan hra ysafo hrien ekei, yfe ykohok wale bo ei ykro ytiek kadlo yeliek fe yhlet ni ekei, yidien yowa mokol karmiak, j 16 ei yto:
“Hyee!, Hyee!, kota, mafle mala amo,
hra ytrik not lenan ylede,
yidien not yhibua yidien fot not yhen bakbis,
yidien fot hra hriet yidien emas,
yidien permata yidien mutiara,
fe hra mak tali wkedi mres deri ykohok fe hrien warok okou wasak kat wale.”
17 Kapten-kapten kapal man ei kadio yidien yfe wedla hra ysiok ni yik kapal ekei yidien na kadio kat hra yorin kapal yidien na hra yeit??? / yse siwan wabri ale, ykro tiek ykadlo kat, k 18 yidien ykader kohok fe yhot ro kat sala om mbi mat kota mafle okom ?” l 19 Mde ei yklat har kbiak fe ysafakos mde ykader kohok yidien yowa ymokol, kat mde ei yto:
“Hyee, mala amo! Hyee, mala amo, kota mafle,
hra mfe he na marok ykain kadio kat kapal yik siwan ale
hra molot fe na marok ykain kadio kat kapal yik siwan ale, ykain hrien wrok wale hra molot fe na marok ykain kadio kat kapal yik siwan ale,
ykain hrien hra wat pitis wrok,
fe hra mak tali wkedi mres deri om mala wale!’
20 Woi wi sahin, nkashok tnes fe kota hra okom mdiris wale!
Woi Nago wfe na nan, nkashok la!
Woi Nago wfe wedla rasul nabi nan, nkashok la!
Fe Nago whirit wale om,
wtriesi ya sadiak sisi ni hra om msiok wale yin nan ei.” m
Babel Bo Msidik Oli Dait Kat
18:21-24
21 Sba oko fo malaikat mre hra wakanas karmiak kat, wkosia amak gilingan??? /kosmoyok??? /skadi??? mafle mrem, wklat kat mse siwan wabri ale, mde wto:
Mde kayi le eke kota mafle okom,
bo Nago wklat karmiak kat mse aiti,
madien tiere fe dait oli om. n
22 Yidien nai ybait musik nai yibait kecapi yidien nai yiorok heyit-yat, yidien yifrio ni sool sangkakala
ysalo oli dait yik oko
yidien na hra watrie orok ou mre
tiere fe oli dait wak oko,
yidien amak kilangan mre
bo yoso oli dait mak oko. o
23 Yidien sitin mre
mdhen dait mak oko.
voice of bridegroom and bride
never heard again
Fe hra nai yi riere twa ni yibe yfle yik fobi ko,
yidien ysae ni owuok mde ysiok sgia na sa marok. p
24 Babel nai yhirit mabe mak kota okom ytatiere fe wale nabi-nabi yidien na hra Nago wfe ei yhen
hra nai yska wale yik kota okom mabri. q