Man Jemaat Yik Sardis
3:1-6
3
Nsroin la man malaikat jemaat yik Sardis:Giet mahin Ou wak le mkom, Nago Wawuam mtalak ei yidien twon mtalak ekei: Tat tnok kadio kat ni hra nen nsiok ekei: Nen nke nto nron, ha nkak wale! 2 Nsidik kat la madien nkein nkan om mkanas wa biarak nto naigi bhait, fe hra yehin ni kadio kat hra nsiok ekei tet twien fien dait kat mrei ybot yse Nago tfe wak. 3 Fe hra le mkom, nnok ni hra nwien fien wale ei yidien noso, nsamenie fe ni ekei nsalit nlelek oli la! Fe hra mde nen nto nsiton-ton dait, wa bo Tet taka ro kat tse nen nak. a
4 Mahin mak Sardis yikan mrei yik oko ysiok sgia dait yfe not trik; bo ei yein yidien sisi Tet mtrik not yelek, fe hra ei sok ma yik oko.
5 Na sie ma ybait rok, tsiok ou wtrik fot not yelek hra yde ke ei; Tet tyan kat dait wkedi mahin katik fari maron, ha Tet tsamenie fe kayi wkedi om. b
6 Na sie ma wtefit, ofo ou waisi ma woso ni hra Nago Wawuam mrana kei yse jemaat ei yik.”
Man Jemaat Yik Filadelfia
3:7-13
7 Nsroin kat la man malaikat jemaat yik Filadelfia:
Giet o le mkom hra maka mahin hra walais kat Ou, hra watoron kat, hra wasiokti kat trifan sariomon Daud wfe ei; mde hra Ou wto wtiot*** hata, Na mre wlakti oli dait kat; mde hra Ou wto wlakti, ofo na mre wtiot hata sayi dait kat. c 8 Tet tnok kadio kat wale ni hra nen nsiok ekei: Nhot la, Tet tkokhak wale hrede mabe nen, hra na mre wdanti sayi dait kat. Tet tnok fe hra nen nkanas ntatol dait, wanik deri nen nsiwain wata giet Tet tfe madien nen nkesi dienen fe dait tet tkedi. 9 Nhot la, na mre le ma yehin jemaat klebet wafle, o le ma yikan hra yto yibe na Yahudi, mahin ei yde dait eke, ha ei ywien kein, ekei Tet thak*** /thnak??? kadio kat yse nen nak. Toron kat bo Tet tbahe ei yka ysaesik yik nteit olo se bo ei ynok fe hra Tet tke tmro fe nen. d 10 Fe hra nen nsiwain giet Tet tfe, mabe nsanini kat kawuak nleli kein Tet, mde Tet tke tsitodo kawuak nen nadien tali hra ke ko ni mre yka yyenkeit dait nen basak yka yik fobi ko yibe yka yyenkeit na hra yese yik fobi ko.
11 Tet taka tamli-tamli le mke. Nsiokti kawuak wata ni hra yik nen nak ekei, se bo na mre ywien sayi dait nen na fle na om.
12 Na sie ma wbait rok wewer, bo Tet tsiok ou ekei wabe hro wak bol kohok Tfe Nago wfe madien ou whok dait kat wahin oko; madien ou ekei bo Tet tsroin kat Nago Tet tfe wkedi, kota Nago wfei, le ma Yerusalem maifi, hra mais mahin yik mayehet ago mahin tfe Nago wak, madien fot tsroin tkedi maifi mak wsadit sam. e
13 Na sie ma wto wtefit, woso la ni hra Nago Wawuam mrana man jemaat ekei.
Man Jemaat Yik Laodikia
3:14-22
14 Nsroin kat la man malaikat jemaat yik Laodikia:
Giet o le mko mtol kat, hra ou whot toron kat, masa hra Nago wafik: 15 Tet tnok kadio kat ni hra nen nsiok ei: Nen nke ndina*** ndiaman??? dait afe tbat fot dait! 16 Mde fe hra nen nke [diaman nse nna kdi] diana*** /dianan??? dait fot tbat dait fot, bo tet ttia kat nen nahin tgiet ko. 17 Fe hra nen nto: Tet tkohok, tkain hrien ou wrok, tdain dait ni om mrem, madien fe hra nen nnok dait fe hra nen nke nsgia karmiak kat, nsandior, sgia, nsi ???mian, nkablok, 18 mde Tet tojin nen, se bo nen nkain yehin Tet tak emas hra tsiok yibot wale yik sala mabri, ofo nen nhon fe, yidien fot not trik yelek, se bo nen ntrik fot, se bo nai yhot nsabloit*** dait, nkasien dait mhnak hes fe nen; yidien fot komik minyak nyan yin nsifuon ei, se bo nen nhot ni.
19 Na sie ma hra Tet tmro fe, ou ekei Tet tsalo kaf kat wadien tba; se bo ou ekei wlelek toron kat! f
20 Nhot la, Tet tkro tak hrede le mkei madien tbatok; mde hra na mrei yto yoso Tsalo madien wkothok hrede man Tet, mde Tet trik tain tse ou wak, Tet tat sisi ni eit tadien ou mde ou wat sisi ni eit wadien Tet.
21 Na sie ma wberok***, bo ou ekei Tet tskatorok*** wleli sisi wadien Tet wak takhta tfe masa, mde kayi hra Tet tberok wale madien tleli sisi wale tadien Tono tak takhta Ou wfe.
22 Na sio ma wto wtefit, waisi ma ou woso ni hra Wawua om mrana man jemaat ekei.”