Man Jemaat Yik Efesus
2:1-7
2
“Nsroin la man malaikat hra wslonti jemaat yik Efesus:Mahin na wasiokti twon mtalak yik wna tkoin, wain wwasin pelita emas yteit mtalak aiti, [Ou wfe giet le mkom: / Ou wrana giet le mkom, wto:] 2 Tet tnok kadio kat ni hra nan nsiok ekei. [Tet tkashok fe hra] nan ntrein nsiok wale ni yirok yin Tet, yidien fot nan nhron kein ndihan Tet. Tet tnok nan nkamuon kat na hra yiyaka, nkein kaso dait kat ntatol nan ei. Nan [nkniet / ndelek wain / nihenek] wale na hra yto yibe rasul, mahin ei ydain, fe hra nan ntatiere fe wale ei ygebra. 3 Tet thot nan nhron kein, nna todo kawuak man Tet. Nai ysiok sgia wata nan fe hra Tet tkedi om, mahin nan nkoliowo dait ha, nkanas nten nkaso mse Tet tak.
4 Mde wanik deri eke, Tet thar kat nan, fe hra nan nehinti kat wale [nfe] hares hra masayen om. Nan nmro fe oli dait Tet afe nible man ei mde hra kamuolo. 5 O le ma nan nnok mabe nti karmiak kat wale! Nlelek la! Nsiok oli ni hra kamuolo masayen nan nsiok ei! Nto nlelek dait, nehinti kat dait satian om, ofo Tet taka thirit nan, ttrie kat nfe pelita okom mahinti kat oma wi omam. 6 Mahin ni mabot kom mak wale nan nik, o le ma nan nkamuon kat ni ysgia hra Nikolaus wadien wfe wedla ei ysiok ei. Tet fot tkamuon kat ni yiyaka eke.
7 Na man sie ma ytefit, mabot ma ei yoso ni hra Nago Wawua om mrana fe yin jemaat ekei:
Na man sie ma [yidien Tet kayi de kahlia kat,] yewer kat, ykait flie ni yisgia, man ei Tet thnak ei yeit wata wkoit ykan yehin wkoit waron lis hra wak Nago wfe biele Firdaus.” a
Man Jemaat Yik Smirna
2:8-11
8 “Nsroin la man malaikat hra wslonti jemaat yik Smirna:
Mahin na hra wadien wasayen kayi de hra wakahlia kat, hra waigi wale wahin wron oli, Ou wfe giet le mkom: b
9 Tet tnok nai ysiok sgia kat nan kayi de nhlet fe ni ysgia yirok. Tnok fot mabe nan nbhait, nidien dait ni eit, not, afe pitis. Wanik deri mde eke, Tet tto nan nkohok matoron kat fe hra nan nidien kawuak Tet le mke. Tet tnok na hra ywak ykedi yibe na Yahudi tit ei yadon ymset sgia sawuan nan. Mahin Tet tto na eke yibe dait kat Nago wfe nai, ha, ei yibe kayi na mawal klebet wafle wfe. 10 Naliak amot fe ni hra bo nan nhlet ei! Noso la: Klebet wafleu bo wklat kat mre yehin nan nikan kei [nein] nse bol mahirit na mabri, waisi fe wto nan nkesi dienen fe Tet. Bo nan nhlet fe nai yidien sgia nan kayi de [tali] amuk yahar. Nna todo fe tet, nidien Tet kawuak de neigi, ofo Tet tke [ttasa ni mabot man nan nsa mde le klen bri - o le ma Tet thnak nan nron lis kawuak tatsiofo man nan [kya thain / kafroro / klen bri] maron lis om.
11 Na man sie ma ytefit, ei yeisi ma yoso ni hra Wawua om mrana yin jemaat ekei:
Na man sie ma yewer kat, ofo [kafir eigi mao lak fem mokot dait kat ei / yeigi dait kat mao lak fem yik sala mdhen].” c
Man Jemaat Yik Pergamus
2:12-17
12 “Nsroin la man malaikat jemaat yik Pergamus:
Mahin na hra wsiok mnian lis hra mgiet lak ei yeit tbouk karmiak kat, Ou wfe giet le mkom: 13 Tet tnok wi hra nan nese om, o le ma kota man hra klebet wafleu wslonti na marok. Mde wanik deri eke, nan nna todo kawuak Tet tkedim. Kaman nai yska nan nible Antipas hra wbren kat wrana kein tfe giet man ei. Ei yska nible ou wak nbariomo, wak nani kota nani, wi hra klebet wafleu wase om, mahin nan nkesi dienen fe dait Tet tkedim, ha nan nbren kat, nsamenie fe mabe nsaesik man tiktol deri Tet.
14 Mahin ni mre Tet thar kat man nan: Nan nikan ei mre ysiwain ojin ysgia hra wuon Bileam wfe. Ou eke wojin Balak whnak na dli na sa Moab ybalalan na dla na sa Israel ysiok satian yifle, mde hra yeit lok-lok sisi ni eit hra nai ysanfe krek wale yin klebet afe ni wat-wat ei, yidien fot yemir dlok yidien ei. d 15 Mde fot le mre yik nan nik oko na satrio mre hra ysiokti ysiwain ojin sgia Nikolaus wfe. 16 O le ma, nket la! Mto mde ke dait fo, Tet taka tamli tse nan nik, mde Tet tfit ei yidien mnian lis hra wak tgiet kou.
17 Na man sie ma ytefit, ei yeisi ma yoso ni hra Wawua om mrana kei yin jemaat ekei:
Na man sie ma yewer kat, bo Tet thnak ni eit manna hra malak diaman om man ei yeit; mde bo Tet thnak man ei amak ma elek, hra nai ysroin mak mabri kedi maifi, hra na mre ynok dait kat, ha hra wawien fien ou deri le wnok.” e
Man Jemaat Yik Tiatira
2:18-29
18 “Nsroin la man malaikat jemaat yik Tiatira:
Mahin Nago Wfe Wet, hra wsifuon ei ydhen yde kayi sala wadien wteit ei ydlen yde tembaga ybia, Ou wfe giet le mkom: 19 Tet tnok kadio kat ni hra nan nsiok ekei: Nan nhares om madien fot nten nkaso man Tet. Nan ndihan nanak man ei yidien fot nhron kein nidien Tet. Tet tnok ni hra nsiok yikahlia kat ei yrok karmiak kat yehin hra yisayen ei.
20 Mahin Tet thar kat nan, fe hra nan nliokeit na dli Izebel, hra mfat mkedi mabe nabi madlim, mkakniet ni yisgia yin tfe wedla ei se bo yemir sgia yidien fot yeit ni eit sanfe hra yin klebet afe ni wat-wat ei. f 21 Tet thnak wale man om magiet hra mabe mket, mahin om maha mket dait mahin mamir sgia. 22 Nhot la, bo Tet tbayas*** karmiak kat om mak wi hra mase om, mhlet ni kaini motot msamsa kat. Mde fot le hra yemir yidien om, bo Tet tklat kat ei ykaini ysamsa kat yde hra om, mde hra ei yket dait yehin ni ysgia hra om mkakniet yin ei. 23 Mfe wet ei fot bo Tet tsiok ykak se bo jemaat marok ei ynok kadio kat fe hra Tet tke le ma tkniet nai ysablit yidien yibri ei, fe hra bo Tet triesi fe mres-mres man nan mtatol mde kayi nen nsiok nen na ei. g
24 Mahin man nan, o le ma na wat hra yik Tiatira hra ysiwain dait om mfe ni kakniet sgia ekei, hra yswin fe dait ywit klebet ykedi, ysaeti dait klebet wafle wfe khan ei, yo man nan nke Tet tto: Tet thnak oli dait ni matian mre man nan. 25 Mahin ni man hra yik wale nan nik ekei nsiokti nna todo kawuak kat kayi de Tet taka.
26 Na sie ma yewer kat, hra ysiok kadio kat ni hra Tet tbahe fe kayi de ykahlia kat, bo man ei Tet tatsiofo thnak fle kohok man ei yslonti na sa marok ei; 27 mde fot le tono whnak fle kohok man Tet wto: Basak nen nsiokti na sa marok ei yidien tiyen besi; bo ei ekei nbasayet-sayat*** kat yde nai ybablek nggisi afe finggien sgia. h 28 Mde man ei bo tatsiofo twon sloi mahin tali mhok.
29 Na sie ma ytefit, ofo yeisi ma yoso ni hra Wawua om mrana yin jemaat ekei.”